Mattiu 9:17 - Tedim Bible

¹⁷ Mite in leenggahtui thak savun uum lui sungah a thun kei uh hi. Tua bangin a thun leh, savun a puakkham sak ding hi. Leenggahtui luangkhia-in savun a kisia gawp thei hi. Leenggahtui thak savun uum thak sungah a kithun leh, a nihin kisia lo ding uh hi,” a ci hi.

Tedim Bible Revision 2017

¹⁷ Kuamah in savun um lui sungah leenggahzu thak thun lo hi. Kithun leh a savun um phukham dinga, a leenggahzu bua-in a savun um zong a sia a suak ding hi. Leenggahzu thak pen savun um thak sungah kithun bek hi. Tua ahih manin a nihin a sia om lo hi,” ci-in a dawng hi.

Mattiu 9:17 Iomraidhean Croise

JOB (Job) 32:19

Thu gen theih nading hun nei lo hi leng, leenggahtui thak a kithun leenggahtui um bangin ka puakkham ding hi.

Late 119:83

Bang hang hiam cih leh kei pen meikhu lak-a a kikoihdak savun-um tawh ka kibang a, ahih zongin nangma ngeina kipte ka mangngilh tuan kei hi.

Mattiu 9:16

Kuamah in puanlui pen puan thak tawh a thuap kei uh hi. Tua bangin a thuap leh, a thuapna puan in a luisa kai keek semsemin a vang gol ding hi.

Mattiu 9:18

Tua bangin thu a hilh lai takin, ukpa khat in va nai a, Zeisu a biak khit ciangin, “Ka tanu a si zo hi. Ahih hangin Topa hong pai-in a tungah na khut nga leteh, a nungta kik ding hi,” ci-in a ngen hi.

Marka 2:22

Kuamah in savun um lui sungah leenggahtui thak a thun kei uh hi. Tua bangin a thun leh, leenggahtui in savun a puak khamsak ding a, leenggahtui leh savun a kisia gawp ding uh hi. Leenggahtui thak savun thak sungah a thun uh hi,” a ci hi.

Luka 5:37

Kuamah in savun um lui sungah leenggahtui thak a thun ngei kei hi. Tua bangin a thun leh, leenggah tui in savun tamsak ding a, leenggahtui luangkhia-in, savun zong a kisia gawp ding hi.

Luka 5:38

Leenggahtui thak savun um thak sungah a kithun ding hi.

Joshua 9:4

amaute zuauthu tawh gamta uh a, lam-an bawlin, a late uh tungah a paatsa ip leh a paatsa leenggahzu um leh a kikeek leh a kiphopte guangin,