Mattiu 8:6 - Tedim Bible

⁶ “Topa aw, keima nasempa khat a khut a khe si-in gim mahmah a, inn sungah a lum hi,” ci-in a ko hi.

Tedim Bible Revision 2017

⁶ “Topa aw, ka nasem pa cina-in inn ah lupna ngakin om a, gim mahmah in taang zo het lo ahih manin hong damsak in,” ci-in a thum hi.

Mattiu 8:6 Iomraidhean Croise

Mattiu 4:24

A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.

Mattiu 8:7

Zeisu in, “Hong pai-in ka damsak ding hi,” a ci hi.

Mattiu 9:2

Tua lai takin a khut a khe si mi khat a lupna tawh pua uh a, Zeisu kiangah a va paipih uh leh, Zeisu in amaute’ upna a theih ciangin, a khut leh khe sipa kiangah, “Ka ta aw, na lunghimawh kei in. Na mawhnate kimaisak zo hi,” a ci hi.

Sawltak 10:7

Ama kiangah a gen vantungmi a paikhiat khit ciangin Korenelias in a nasem nih leh ama nasem niloh Pasian a zahtak galkap khat sam a,

Sawltak 8:7

Bang hang hiam i cih leh, dawivei mi tampite pan dawite in nakpi-in kiko-in a pusuak uh hi. A pum langkhat a si mi leh khebai mi tampi in damna a ngah uh hi.

Sawltak 9:33

Tua khua-ah Aineas kici a khut a khe a si, kum giat tawntung a lupna tungah a om mi khat a mu hi.

Kolose 3:11

Tua bawlphatna-ah Grik mi a om kei hi, Judah mi a om kei hi, vunat mi a om kei hi, vunat lo mi a om kei hi, mi pil lo a om kei hi, Sithia mi a om kei hi, sila a om kei hi, sila lo mi a om kei hi; Khazih in na khempeuh hi a, na khempeuh sungah a om hi.

Kolose 4:1

Tote aw, note in zong vantungah om Topa khat na neih uh na thei un la, thuman thutak leh a kilawm a kituakin na silate uh na bawl un.

1 TIMOTI MASA 6:2

A tote in thu-um mi ahih uh leh, unau khat ahih uh ciangin nasim lo, thudon loin, om kei uh hen. A nasepna-ah noptuamna a ngah mite in, a um mite leh it tuak mite ahih uh ciangin a nasep pha takin seem zaw ta uh hen. Hih thute hilh in la, hansuah in.

Filemon 1:16

Tua bang ka cih ciangin sila bangin ngaihsun nawn loin, tham loin kei in ka it taktak ka nau hi a, nang adingin pumpi sungah ahi zongin, Pasian sungah ahi zongin bang zahin a it huai semsem naupa bangin na ngaihsut nading ka cihnopna hi.