Mattiu 8:4 - Tedim Bible

⁴ Zeisu in, “Hih thu kuamah kiangah na gen kei in. Pasian’ siampi kiangah pai inla, va kilak in. Amau in a theih nadingun Moses’ thu piaksa bangin biakna na pia in,” a ci hi.

Tedim Bible Revision 2017

⁴ Tua ciangin Jesu in ama kiangah, “Hih thupiang kuama kiangah gen masa loin siampipa kiangah va paisuak pahin va kivelsak inla, na dam khitna thu mi khempeuh in a theih nadingin Moses thupiakna tawh kizui-in biakna va pia in,” ci-in a vaikhak hi.

Mattiu 8:4 Iomraidhean Croise

Isaiah 42:21

Ama dikna a khual manin Topa in a thukham liansakin vanglian sak nuam hi.

Siampi Laibu 13:49

tua natna in a hing meel-in ahi a, a san meel-in ahi zongin puan tungah a kilat ciang, puan a tung a phei tung hita leh savun leh savun tawh a kibawl na khatpeuh peuh tungah a om ciangin tua in phak natna hi a, siampipa kiangah kilak ding hi.

Mattiu 10:18

Tuate akipan Gentailte mai-ah teci-in na pan’ nadingun, mangte leh kumpite mai-ah keima hangin note hong paipih ding uh hi.

Mattiu 16:20

amah Khazih ahi, ci-in kuamah kiangah gen lo dingin a nungzuite a kham hi.

Mattiu 17:9

Amaute mualtung pan a kumsuk lai takun Zeisu in, “Mihing Tapa in sihna pan a thawhkik matengin, tua mangmuhna thu kuamah kiangah na gen kei un,” ci-in a nungzuite a kham hi.

Mattiu 3:15

Zeisu in, “A dik thu khempeuh i zuih ding a kilawm ahih ciangin tu-in thu hong mang in,” a ci hi. Tua ciangin Johan in a mang hi.

Mattiu 5:17

“Thukhamna leh Pasian’ kamsangte’ thu siasak dingin hong pai hi ci-in hong um kei un. Siasak dinga hong pai ka hi kei hi. A kicingsak dingin hong pai ka hi hi.

Mattiu 6:1

“Mi mai-ah kisialin, gamtatna a pha mite muh dingin na bawl loh nadingun na kikem un. A hih kei leh vantungah a om na Pa uh kiangah nopna na ngah kei ding uh hi.”

Mattiu 9:30

Zeisu in, “Hih thu kuama theih loh nadingin kikeem un,” ci-in nakpi-in a kham hi.

Marka 13:9

“Ahih hangin na kikem un. Bang hang hiam na cih uh leh, amaute in upa vaihawmte’ thukhenna sungah note hong pia ding uh hi. Kikhopna inn sungah satna na thuak ding uh hi. Tuate mai-ah teci na pan’ nadingun mangte leh kumpite mai-ah keimah hangin na ding ding uh hi.

Marka 3:12

Amah kua mi ahi cih gen lo dingin nakpi-in a kham hi.

Marka 5:43

Tua thu kuamah in a theih loh nadingin Zeisu in amaute nakpi-in a kham khit ciangin, numeino an piak dingin thu a pia hi.

Marka 6:11

Mun khat peuhah mite in hong nolh a, na thu uh a ngaih kei uh leh, amau omna pan na paikhiat uh ciangin, amau lang khatah teci pang dingin, na khepeek nuai uh ah leivuite na singkhia un,” ci-in thu a pia hi.

Marka 7:36

Tua thu kuamah kiangah a gen loh nadingin amaute a kham hi. A kham semsem hangin, amaute in tua thu a tangko semsem uh hi.

Marka 8:30

Amah kua mi ahi ci-in kuamah kiangah gen lo dingin a nungzuite a kham hi.

Marka 9:9

Amaute mualtung pan a kumsuk lai takun Zeisu in, “Mihing Tapa in sihna pan a thawhkik matengin na muhte uh kuamah kiangah gen kei un,” ci-in a nungzuite a kham hi.

Luka 17:14

Zeisu in tuate a muh ciangin, “Pai un la, Pasian’ siampi kiangah va kilak un,” ci-in thu a pia hi. Amaute a pai lai takun damna a ngah uh hi.

Luka 21:13

Tuate in note’ teci pan nading ahi hi.

Luka 4:41

Dawite in zong, “Nang in Pasian’ Tapa na hi hi,” ci-in kikoin mi tampite sung pan a paikhia uh hi. Amah in Khazih ahih lam a theih manun, Amah in amaute taii-in kam khat beek a pausak kei hi.

Luka 5:14

Zeisu in hih thu kuama kiangah a gen loh nadingin thu a pia hi. “Pasian’ siampi kiangah pai in la, va kilak in. Amau in a theih nadingun Moses’ thu piaksa bangin biakna na pia in,” a ci hi.

Luka 8:56

A nu leh pate in lamdang a sa uh hi. Ahih hangin Zeisu in a kihih nate kuamah kiangah gen lo dingin a kham hi.

Luka 9:21

Zeisu in hih thu kuamah kiangah gen lo dingin a nungzuite a kham hi.

Johan 5:41

Mite piak minthan’na ka sang kei hi.

Johan 7:18

Ama utthu bang a hihpa in ama minthan’na a zong hi. A hong sawlpa minthan’na a zong mi ahih leh, thuman thutak mi hi a, ama sungah diklohna a om kei hi.

Johan 8:50

Ahih hangin keimah in minthan’na ka zong kei hi. Ka minthan’ nading a zong thukhen ding khat a om hi.