Mattiu 8:29 - Tedim Bible

²⁹ “Pasian’ Tapa aw, kote in nang tawh bang kikum i hi hiam? A hun hong tung nai lopi-in kote susia ding hong pai na hi hiam?” ci-in a kiko uh hi.

Tedim Bible Revision 2017

²⁹ Amaute nakpi takin hong kiko uh a, “Pasianʼ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Mattiu 8:29 Iomraidhean Croise

2 SAMUEL NIHNA 16:10

Ahih hangin kumpipa in, “No Zeru-iah’ tapate aw, note tawh bang kisai ahi hiam? Topa in ama kiangah, ‘David samsia in,’ a cihna hangin hong samsia ahih leh, ‘Bang hangin tua ci hih na hi hiam?’ kua in ci ding ahi hiam?” a ci hi.

2 SAMUEL NIHNA 19:22

Ahih hangin David in, “Note in tu ni-in kei lang bangin na om nadingun no Zeru-iah’ tapate tawh kei bang kisai i hi hiam? Tu ni-in Israel sungah mi khatpeuh kithat ding ahi hiam? Bang hang hiam cih leh tu ni-in Israelte tungah kumpi ka hihna thei hilo ka hi hiam?” a ci hi.

1 KUMPI MASATE 17:18

Tua ciangin amah in Elijah kiangah, “Pasian’ mipa aw, kei lang khatah bang thu nei na hi hiam? Ka khialhna kiphawk kiksak ding leh ka tapa’ sihna a piangsak dingin kei kiangah nong pai hi!” a ci hi.

2 KUMPI NIHNATE 3:13

Tua ciangin Elisha in Israel kumpipa kiangah, “Nang tawh bang kisai ka hi hiam?” Na nu’ kamsangte leh na pa’ kamsangte kiangah pai in,” a ci hi. Ahih hangin Israel kumpipa in ama kiangah, “Hilo hi; Moab khut sungah a piak dingin hih kumpi thumte a sampa in Topa ahi hi,” a ci hi.

2 KHANG TANGTHU NIHNATE 35:21

Ahih hangin amah in ama kiangah kamtaite sawlin, “Judah kumpipa aw, eite gel khat leh khat i kihih nading bang om ahi hiam? Tu ni-in nang a do dingin hong kuan ka hi kei hi; ka galte a do dingin hong kuan ka hi hi; ka kinawh nading Pasian in kei tungah thu hong pia khin hi. Kei tawh a omkhawm Pasian na nialna khawl in, tua hi kei leh nang hong susia ding hi,” ci sak hi.

Joel 3:4

“Tai-ar khua, Sidon khua, leh Filistia gam khempeuh aw, kei bang hong cih nuam-a kinei na hi uh hiam? Bang khat peuh hangin hong thukkik nuam-a kinei na hi uh hiam? Kei a hong thukkik na hih leh, kei zong manlang takin kong thukkik pah ding hi.

Mattiu 4:3

Tua lai takin a kheem dingpa in va nai a, “Nang in Pasian’ Tapa na hih takpi leh, hih suangte khomun suaksak in,” a ci hi.

Mattiu 8:30

Tua mite tawh kigamla-ah vok honkhat gamta-in a om uh hi.

Marka 1:24

“Nazareth mi Zeisu aw, kote in nang tawh bang kikum i hi hiam? Kote susia dingin hong pai na hi hiam? Nang kua mi na hih ke’n kong thei hi. Pasian’ mi siangtho na hi hi,” ci-in a kiko hi.

Marka 3:11

A kihhuai dawite in Topa a muh uh ciangin a mai-ah bok uh a, “Nangmah in Pasian’ Tapa na hi hi,” ci-in a kiko uh hi.

Marka 5:7

“A sang bel Pasian’ Tapa Zeisu aw, nang tawh bang kikum i hi hiam? Kei nong bawlsiat loh nadingin, Pasian’ min tawh thu kong pia hi!” ci-in nakpi-in a kiko hi.

Luka 4:34

Amah in, “Nazareth mi Zeisu aw, kote in nang tawh bang kikum i hi hiam? Kote susia dingin hong pai na hi hiam? Nang kua mi na hih ke’n kong thei hi. Pasian’ misiangtho na hi hi,” ci-in aw lianpi tawh a kiko hi.

Luka 4:41

Dawite in zong, “Nang in Pasian’ Tapa na hi hi,” ci-in kikoin mi tampite sung pan a paikhia uh hi. Amah in Khazih ahih lam a theih manun, Amah in amaute taii-in kam khat beek a pausak kei hi.

Luka 8:28

Amah in Zeisu a muh ciangin, a mai-ah bokin, “Sang Bel Pasian’ Tapa Zeisu aw, nang tawh bang kikum i hi hiam? Kei nong bawlsiat loh nadingin kong thuum hi,” ci-in nakpi-in a kiko hi.

Johan 2:4

Zeisu in, “Numei aw, kei tawh bang kikum i hi hiam? Ka hun a tung nai kei hi,” a ci hi.

Sawltak 16:17

Tua nungak in Paul leh komau hong zui a, “Hih mite in gupna Lampi eite hong hilh, Sang Pen Pasian’ nasemte ahi uh hi,” ci-in a kiko hi.

Jeim 2:19

Pasian khat bek a om ci-in na um hi. A pha hi. Dawi gilote in zong umin, kihta-in a liing uh hi.

2 PETER NIHNA 2:4

Bang hang hiam na cih uh leh, Pasian in a khial vantungmite pammaih sa loin, hel khua sungah a khiat khit ciangin thukhen Ni dongin khuamial khuk sungah a khum hi.

Juda 1:6

Amau thu ngahna uh kem lo uh a, amau omna uh pan a paikhia vantungmite zong ni lian Ni-a thukhenna dongin khuamial sungah a tawntungin hencipin a khum hi.

Thukhente 11:12

Tua ciangin Jefthah in Ammon mite kumpipa kiangah kamtaite sawlin, “Ka gam sim dingin kei kiangah nong pai nadingin kei tungah bang thu om ahi hiam?” ci sak hi.