Mattiu 8:22 - Tedim Bible

²² Zeisu in, “Misite in amau misite na vui ta hen. Ka nung hong zui in,” a ci hi.

Tedim Bible Revision 2017

²² Jesu in, “Nangmah in kei hong zui inla, misi bang ahi mite in misite a vui dingun nusiat in,” ci-in a dawng hi.

Mattiu 8:22 Iomraidhean Croise

1 KUMPI MASATE 19:20

Tua ciangin amah in bawngtalte nusia-in Elijah nungah tai a, “Ka nu leh ka pa kam vaikhakin hong namsak phot in, tua ciangin nang kong zui ding hi,” a ci hi. Amah in ama kiangah, “Paikik in; nang tungah bang hong hih ka hi hiam?” a ci hi.

Mattiu 8:21

A nungzuite khat in, “Topa aw, ka pa vui masak nadingin ah thu hong pia in,” ci-in a ngen hi.

Mattiu 9:9

Zeisu in tua mun panin paikhia a, Mattiu kici mi khat siah don’na buk sungah tu-a om a mu hi. “Ka nung hong zui in,” a cih ciangin ding-in a zui hi.

Marka 2:14

Amah in lam a pai lai takin Alefas’ tapa Levi in siahdon’na buk sungah tu-in a om a mu hi. “Ka nung hong zui in,” a cih ciangin ding-in a zui hi.

Luka 15:24

Bang hang hiam na cih uh leh, a sisa ka tapa a nungta kik hi. A mangsa ahih hangin tu-in kimu kik hi,’ ci-in a nasemte a sawl hi. Amaute in lungdamin pawi a kham uh hi.”

Luka 15:32

Ahih hangin, na nau ahih leh tuma-in a si hi, tu-in a nungta kik hi. Tuma-in a mang hi, tu-in a kimu kik ahih man-inah nopna leh lungdamna bawl tuak hi,’ ci-in a gen hi,” ci-in a hilh hi.

Luka 9:59

Midang khat kiangah, “Kei hong zui in,” a cih ciangin amah in, “Topa aw, ka pa ka vui masak nading thu hong pia in,” ci-in a ngen hi.

Luka 9:60

Zeisu in, “Misite in amau misite na vui ta hen. Nang na hih leh, pai in la, Pasian’ Gam’ thu na hilh in,” a ci hi.

Johan 1:43

Zing ciangin Zeisu in Galile gamah pai ning ci a, Filip a muh ciangin, “Ka nung hong zui in,” a ci hi.

Johan 21:19

Tua a genna in, Piter in bang ci-in a sihna tawh Pasian minthangsak ding cih lim a lah nopna ahi hi. Tua thu a gen khit ciangin Piter kiangah, “Ka nung hong zui in,” ci-in a gen hi.

Johan 21:22

Zeisu in, “Kong paikik hun matengin hih mi a om nading ka ut leh, nang in bang phamawhsa na hi hiam? Nang na hih leh, ka nung hong zui in,” ci-in thu a pia hi.

Efesa 2:1

Note in nidang lai-inah leitung thu na zui uh a, van lama vangliatna a uk topa ahi nialna’ tate tungah tu-in zong na a sem kha’ deihna bangin, na mawhnate uh, na gitlohnate uh sungah si-in na om lai takun Pasian in note hong nungta sak hi.

Efesa 2:5

mawhna khialhna sungah si-a om eite Khazih tawh hong hing khawm sak zo hi. Note in hehpihna hang bekin gupna na ngah uh hi.

Efesa 5:14

Tua ahih ciangin: “A ihmu mi aw, Khanglo in la, sihna pan thokik in! Tua bang ahih leh, Khazih in nang tungah hong taang ding hi,” a ci hi.

Kolose 2:13

Mawhna-ah ahi zongin, pumpi vunatna ngah lohna-ah ahi zongin si-in a om note, Khazih tawh kibangin hong hingsak a, eite khialhna khempeuh a hong maisak hi.

1 TIMOTI MASA 5:6

Ahih hangin a mawktatna-ah, nopsa-a a om meigongnu ahih leh, a nuntak hangin si-in a om hi.