Mattiu 8:17 - Tedim Bible

¹⁷ Tua thu khempeuh in kamsangpa Isaiah tungah a gen ngei bangin a tun’ nading ahi hi. A genna thu in, “Amah in eite gimna tawlna la a, eite cinatna lunatna a thuak hi,” a ci hi.

Tedim Bible Revision 2017

¹⁷ Kamsang Isaiah in, “Amah in eiteʼ natna teng thuakin, eiteʼ gimna teng pua khia hi,” ci-in a genna thu a tun nadingin hih bang a piang ahi hi.

Mattiu 8:17 Iomraidhean Croise

Piancilna 22:6

Abraham in meihal biakna sing la-in a tapa Isaak’ tungah suan hi; amah in a khut sungah mei leh temta tawi hi. Tua ahih ciangin amaute gel paikhawm uh hi.

Isaiah 53:4

Amah in eite’ natna teng thuakin, eite’ gimna teng pua khin taktak hi; ahi zongin eite in amah pen, Pasian in a gimsak, a vuak, gimna a thuakpa-in i ngaihsun hi.

Mattiu 1:22

Tua thu khempeuh in Topa in a kamsangte tungah a genkholh bangin a tun’ nading ahi hi. Tua thu genna in:

Mattiu 2:15

Herod kumpipa a sih matengin tua gamah a va om hi. Tua bang va omna in Pasian in a kamsangpa tungah, “Ka tapa Izipt gam panin ka sam zo hi,” ci-a a genkholhsa thu a tun’ nading hi.

Mattiu 2:23

Galile gamah pai a, “Khazih in Nazereth mi kici ding hi,” ci-a Pasian’ kamsangte’ gen bangin a tun’ nadingin Nazareth kici khua khatah tungin a teeng hi.

Marka 1:32

Ni tum a, nitak ciangin cinatna a vei khempeuh leh a sungah dawi lutte Zeisu kiangah paipih uh a;

Luka 4:40

Ni a tum ciangin, cinatna pawlpawl a neite khempeuh Zeisu kiangah hong paipih uh a, amah in amaute khempeuh tungah khut nga-in a damsak hi.

2 KORIN NIHNA 12:10

Tua ahih ciangin Khazih hangin thanemna, kosiatna, zawn’khalna, bawlsiatna, a haksa gimna ka thuak ciangin ka nuam hi. Bang hang hiam na cih uh leh, ka thanem ciangin ka thahat hi.

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.