Mattiu 8:16 - Tedim Bible

¹⁶ Nitak ciangin a sungah dawi lut tampi Zeisu kiangah hong paipih uh a, thu khat bek tawh dawi a hawlkhia a, cinate khempeuh a damsak hi.

Tedim Bible Revision 2017

¹⁶ A nitak ciangin mite in Jesu kiangah dawivei mi tampi tak hong paipih uh hi. Jesu in kam khat pauna bek tawh dawite hawl khia-in cina khempeuh a damsak hi.

Mattiu 8:16 Iomraidhean Croise

Paikhiatna 15:26

“Note in Topa na Pasian’ thu lim takin na ngaih uh a, ama' maiah a man nate hih-in, ama' thupiakte don a, ama' ngeina kipte khempeuh na zuih uh leh, Izipt mite' tungah ka tun’sak natnate khat beek note' tungah kong tungsak kei ding hi; bang hang hiam cih leh keimah in Topa, note hong damsakpa ka hi hi,” a ci hi.

Mattiu 12:22

Tua ciangin dawi lut a, mittaw, a pauthei lo mi khat Zeisu kiangah a paipih uh a, a damsak ciangin, tua pa in khua mu thei a, a pau thei pah hi.

Mattiu 14:14

Zeisu paikhia a, mihonpi a muh ciangin hehpih huai sa a, cinate khempeuh a damsak hi.

Mattiu 8:15

Zeisu in, a khut a lawn’ ciangin a nattun’ dam a, tho-in zinte a vaak hi.

Mattiu 8:33

Vok cingte tai uh a, khua sungah a lut khit uh ciangin, dawi lutte’ thu a kipan thu khempeuh a ko uh hi.

Mattiu 9:2

Tua lai takin a khut a khe si mi khat a lupna tawh pua uh a, Zeisu kiangah a va paipih uh leh, Zeisu in amaute’ upna a theih ciangin, a khut leh khe sipa kiangah, “Ka ta aw, na lunghimawh kei in. Na mawhnate kimaisak zo hi,” a ci hi.

Marka 2:3

Tua lai takin khut-le-khe si mi khat, mi li in hong pua uh a, ama kiangah a paipih uh hi.

Marka 5:8

Hih thu bang hangin a gen hiam i cih leh, “Kihhuai dawi aw, tua mipa sung pan taikhia in,” ci-in Zeisu in thu a pia zo hi.

Marka 9:25

Tua lai takin mihonpite kikhawm dingin hong tai uh a, Zeisu in a muh ciangin, “Bengngong leh pauthei lo dawi aw, ama sung pan paikhia in. Tu nung ciangin tum kik nawn kei in, thu kong pia hi,” ci-in kihhuai dawi a taai ciangin,

Luka 13:12

Zeisu in tua numei a muh ciangin sam a, “Numei aw, nang na cinatna pan hong kikhah ta hi,” a cih khit ciangin a tungah a khut a ngak leh,

Luka 4:40

Ni a tum ciangin, cinatna pawlpawl a neite khempeuh Zeisu kiangah hong paipih uh a, amah in amaute khempeuh tungah khut nga-in a damsak hi.

Luka 4:41

Dawite in zong, “Nang in Pasian’ Tapa na hi hi,” ci-in kikoin mi tampite sung pan a paikhia uh hi. Amah in Khazih ahih lam a theih manun, Amah in amaute taii-in kam khat beek a pausak kei hi.

Sawltak 5:15

Tua ahih ciangin Piter lam a pai lai takin khatpeuh peuh ama liim in a liah nadingin, mi cinate a puakhia uh a, a lupna puan tungah lam kiangah a koih uh hi.