Mattiu 8:14 - Tedim Bible

¹⁴ Zeisu in Piter’ inn sungah a tum ciangin, Piter’ sungnu nattun’ a, lum a mu hi.

Tedim Bible Revision 2017

¹⁴ Peterʼ inn ah Jesu va pai a, Peterʼ sungnu nattunin lupna tungah a lum a mu hi.

Mattiu 8:14 Iomraidhean Croise

Mattiu 17:25

Piter in “A liau hi,” a ci hi. Piter inn sungah a tum ciangin Zeisu in, “Simon aw, nang bangci ngaihsut na hi hiam? Leitung kumpite in kua kiangah phiangsiah a dong uh hiam? Amau tate tungah a dong uh hiam? Midangte tungah a dong uh hiam? ci-in a dot leh,

Mattiu 8:15

Zeisu in, a khut a lawn’ ciangin a nattun’ dam a, tho-in zinte a vaak hi.

Mattiu 8:20

Zeisu in, “Ngiate in kua nei uh hi. Vasate in zong bu a nei uh hi. Ahih hangin Mihing Tapa in ahih leh, a lutang ngak nading mun a nei kei hi,” a ci hi.

1 KORIN MASA 9:5

Kefas leh Topa’ sanggamte akipan adang sawltakte bangin thu-um zite ka tonpih kawikawi nading uh thu nei lo ka hi uh hiam?

1 TIMOTI MASA 3:2

Tua ahih ciangin thuhilhpa in mawhsak nading tawh a kipelh mi, zi khat bek a nei mi, a lungsim kip mi, a khuaval lo mi, a kilawm a kituak-a gamta mi, zindo siam mi, thuhilh siam mi ahi ding hi.

Hebru 13:4

Mi khempeuh lakah kiteen’na kithupisim ta hen. Pasalte leh zite in khat leh khat a thuman ciat ding uh ahi hi. Bang hang hiam na cih uh leh, numei tawh a mawhte leh mi’ zi tungah a mawhte Pasian in thu a khen ding hi.