Mattiu 8:10 - Tedim Bible

¹⁰ Zeisu in tua thu a zak ciangin lamdang sa a, “Ke’n aman takpi kong cih-inah, hih zah alian upna Israel mipawl lakah ka mu ngei kei hi.

Tedim Bible Revision 2017

¹⁰ Jesu in hih bupa thugen a zak ciangin lamdang sa a, amah a zui mihonte kiangah, “A mantak a kong genin ah Israel mite lak nangawn ah hih bang upna a nei ka mu nai kei hi.

Mattiu 8:10 Iomraidhean Croise

Piancilna 43:33

Ama' mai-ah amaute a suah hun tawh kizui leh a suak masapen pan a moi pen dong a khangnona tawh kizui-in tu uh hi; lamdangsakna tawh amaute khat leh khat ki-en uh hi.

Mattiu 15:28

Zeisu in, “Numei aw, na upna a lian hi. Nangma deih bangin na tungah hong piang ta hen,” a ci hi. Tua lai tak akipan tua numei’ tanu a cidam hi.

Mattiu 8:11

Ke’n kong cih-inah, mi tampi in nisuahna lam, nitumna lam panin hong pai-in, Abraham, Isaak leh Jakobte tawh Vantung Gam sungah a tukhawm ding uh hi.

Mattiu 8:9

Bang hang hiam cih leh, keimah in zong za nuai ah hong kikoih hi. Keima nuai ah zong galkapte a om hi. Tua galkapte khat, ‘Pai in,’ ka cih ciangin a pai hi, khat ‘hong pai in’ ka cih ciangin a hong pai hi. Ka nasempa, ‘Hih na sem in,’ ka cih ciangin a sem hi,” a ci hi.

Marka 6:6

Amaute up lohna lamdang a sa hi. Zeisu in khuapite leh khuaneute sungah thuhilhin a vak kawikawi hi.

Luka 5:20

Zeisu in amaute’ upna a theih ciangin, “Lawm aw, na mawhnate kimaisak zo hi,” a ci hi.

Luka 7:50

Zeisu in,”Na upna in nang hong gum zo hi. Nuam in la, pai in,” ci-in numei thu a pia hi.

Luka 7:9

Zeisu in tua thu a zak ciangin lamdang sa a, ama nung a zui mihonte kiangah kihei a, “Ke’n kong cih-inah, hih zah tak upna Israel mipawlte lakah ka mu ngei kei hi,” ci-in a gen hi.

Sawltak 2:7

Amaute khempeuh in lamdang a sa uh a, lungmangin, “Hih thuhilhte khempeuh in Galile mite hilo ahi uh hiam?