Mattiu 7:6 - Tedim Bible

⁶ “Na a siangthote uite na pia kei un. Vok mai-ah suangmanphate na paai kei un. Tuate in a khe uh tawh a sikgawp khit uh ciangin, kihei-in hong pet kha ding uh hi.”

Tedim Bible Revision 2017

⁶ “Uite tungah a siangtho nate pia kei un. Pia le-uhcin hong pet zawsop ding hi. Vokte mai ah na suang manphate uh lot kei un. Lot le-uhcin sikcip lel ding uh hi.

Mattiu 7:6 Iomraidhean Croise

Paunak 11:22

Thu a ngaihsun thei lo numei meelhoihna in, vokpi muk-a om kham nakbah tawh kibang lel hi.

Paunak 23:9

Mihaite, pil hopih kei in, a manphatna phawk thei lo uh hi.

Paunak 26:11

Ui in a luak a zuat kik bangin, mihaite a haitat ngei bangin ta kik zel hi.

Paunak 26:4

Mite’ hai thudotna dawngdawng lecin, nang zong amau mah banga a hai na hi hi.

Mattiu 15:26

Zeisu in, “Tate an nek ding la a, uite piak ding kilawm lo hi,” a cih leh

Mattiu 24:10

Tua lai takin mi tampi a puk ding uh a, khat leh khat a kiheek ding uh hi, khat leh khat a kimudah ding uh hi.

Mattiu 7:5

Nang mi simtatpa aw, na mit sungah a om singluang paaikhia masa in. Tua khit ciangin, na u na nau’ mit sunga a om ninneng tang paihkhiat ding na tel muh thei ding hi.”

2 KORIN NIHNA 11:26

Tam veipi thuhilhin ka zin hi, gun galkah kihtakna, mi suamte kihtakna, ka mi pawlte’ hong bawlsiatna launa, Gentailte’ bawlsiatna launa, khuapi sungah a tung launa, gam lakah a tung launa, tuipi launa, u leh nau banga kibawl mite’ bawlsiatna launa, hih gimna khempeuh ka thuak zo hi.

Filippi 3:2

Tua uite, gilo-a gamtate na peel un, vun-atna thu ah a kineih mite na peel un.

Hebru 10:29

Tua bang tham loin, Pasian’ Tapa, a khe tawh sik a, amah a siangthosak thuciamna si a siangtho lo ci-in ngaihsun a, thupha a pia Kha Siangtho a simmawh mi in bang zah a lianzaw daantatna a thuak ding na um uh hiam?

2 PETER NIHNA 2:22

‘Ui in ama luak a ne kik hi; vokpi in a kisil khit ciangin buan lakah a bual kik hi,’ ci-in a man thugentehna bangin tua mite tungah a piang zo hi.

Mangmuhna 22:15

Pua lamah ahih leh, uite, mi bum theite, nu leh pa mawhna a bawl theite, mi that theite, milim biate leh a man lo nate deihin a gamta thei mite a om uh hi.