Mattiu 7:3 - Tedim Bible

³ Na mit sunga singluang lungngai loin na u na nau’ mit sunga ninneng tang bang hangin na en hiam?

Tedim Bible Revision 2017

³ Bang hangin na lawmteʼ mit sunga ninthem tang muhsak thei napi-in nangma mit sunga singluang tang phawk thei lo na hi hiam?

Mattiu 7:3 Iomraidhean Croise

Mattiu 7:4

Na mit sungah singluang om napi-in na u na nau kiangah, ‘Na mit sungah a om ninneng tang hong paaikhiasak in,’ bang hangin ci na hi hiam?

Mattiu 7:5

Nang mi simtatpa aw, na mit sungah a om singluang paaikhia masa in. Tua khit ciangin, na u na nau’ mit sunga a om ninneng tang paihkhiat ding na tel muh thei ding hi.”

Luka 18:11

Farisaipa ding-in amah leh amah kigen-in thungen a, ‘Pasian aw, keimah in mi zawhthawh bawla sut ahi zongin, mi thuman lo gamta ahi zongin, mi’ zi tawh mawh thei mi tham loin, hia siahdongpa tawh kibang ka hi kei hi. Nangma hehpihna ka phat hi.

ROM (Romans) 2:1

Tua ahih ciangin midangte thukhenpa aw, na kisuahtak thei kei ding hi. Bang hang hiam na cih leh, midangte tungah thu na khen bangin nangmah in na hih ahih ciangin midangte thu na khenna in nangma mawhna om hi cih thukhen na suak hi.

Galati 6:1

Ute naute aw, mi khat kikeem khialin mawhna khatpeuh ahih khak leh, Kha Siangtho a nei note in mawhna hong zolna tawh na kipelh nadingun kikeemin, lungnemna tawh tua bang mi na kipsak un.