Mattiu 7:26 - Tedim Bible

²⁶ Tu-a ka thuhilhte za napi, a ngai lo mi khempeuhte in sehnel tungah inn lam mihai tawh kibang ahi cih ka genteh ding hi.

Tedim Bible Revision 2017

²⁶ Hih ka thugente za napi-in a zui nuam lote pen sehnel tungah a inn a lam mihai pa tawh kibang ding hi.

Mattiu 7:26 Iomraidhean Croise

JOB (Job) 22:16

Amau’ hun tung lopi-in tuikhang in amaute taai hi.

Paunak 14:1

Numei pilte in innsung nuntakna khangsak a, numei haite in innsung susia hi.

Jeremiah 8:9

Na mipilte uh a maizum ding uh hi; lungmang-in a cih nading a thei kei ding uh hi. En un, amaute in Topa’ thu a nial uh hi, bang pilna a nei nawn uh hiam?

Mattiu 7:24

“Tua ahih ciangin, ka thuhilhna za a, a zuite khempeuh in suang tunga inn lam mipil tawh kibang ahi cih ka genteh ding hi.

Mattiu 7:25

Guah tampi zu a, tui luang a, huih nung a, tua inn a mut ciangin, suang tungah kilam ahih maninah puk lo hi.

Mattiu 7:27

Guah tampi zu a, tui luang a, huihpi nung a, tua inn a mut ciangin, sehnel tungah kilam ahih maninah a puk hi. Tua pukna in pukna lian ahi hi,” ci-in Zeisu in a hilh hi.

Luka 6:49

Ka thu a zak ciangin a zui lo mi in, khuam phut lo lei tungah inn a lam mi tawh kibang hi. Hawktui in tua inn a nawk ciangin thakhatin a puk hi. Tua inn siatna in siatna lian ahi hi,” ci-in a gen hi.

Jeim 2:20

Kiphasakpa aw, gamtatna hoih om loin upna in phattuamna om lo hi cih theinuam na hi hiam?

1 SAMUEL MASA 2:30

Tua ahih ciangin Israelte’ Pasian, Topa in thu genin: ‘Nangma innkuan leh na behte in keima mai-ah sung tumin pusuak tawntung ding hi, ci-in thu ka ciam hi,’ a ci hi; ahih hangin tu-in Topa in thu genin: ‘Tua bang hi het lo ding hi: bang hang hiam cih leh kei hong pahtawite ka pahtawi ding a, kei hong simmawhte ka simmawhbawl ding hi.