Mattiu 7:22 - Tedim Bible

²² Tua Ni ciangin, ‘Topa, Topa, kote in nangma min tawh Pasian thu hilh hilo ka hi uh hiam? Nangma min tawh dawite hawlkhia hilo ka hi uh hiam? Nangma min tawh nalamdang tampi hih hilo ka hi uh hiam?’ ci-in mi tampite in hong gen ding uh hi.

Tedim Bible Revision 2017

²² Tua ni ciangin mi tampi in kei kiangah, ‘Topa, Topa aw, nangma min tawh thu hilhin, nangma min tawh dawite hawl khia-in, nangma min tawh nalamdang lian tampi bawl hi lo ka hi uh hiam?’ hong ci ding uh hi.

Mattiu 7:22 Iomraidhean Croise

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniam khiat ding hi; tua ni ciangin Topa bek a lianin kikoih ding hi.

Isaiah 2:17

Mite’ kiliatsakna kiniamkhiat ding a, mite’ kiphatsakna a niamin kikoih suk ding hi; tua ni ciangin Topa bek a lianin kikoih ding hi.

Gamlak-vakna 24:4

Pasian’ thute a za, Vanglianpa’ mangmuhna a mu, mang mu napi-in a mit in khua a mu thei mipa’ thugen in:

Gamlak-vakna 31:8

Amaute in midangte leh Midian kumpite a thatna uhah Midian kumpi ngate Evi, Rekem, Zur, Hur leh Reba that uh hi; amaute in Beor’ tapa Balaam zong namsau tawh that uh hi.

Mattiu 10:15

Ke’n aman takpi kong cih-inah, thukhen ni ciangin tua khua in, Sodom leh Gomorrah khuate sangin a thuakzaw ding hi.”

Mattiu 24:36

“Tua ni leh tua hun kuamah in thei lo hi. Vantungmite in thei lo uh hi. Mihing Tapa in zong thei lo hi. Pa khat bek in a thei hi.

Mattiu 25:11

Tua nung ciangin, namgimtui lei dinga pai nungakte hong pai uh a, ‘Topa aw, Topa aw, kote zong kong hong hon’ in,’ ci-in a ngen uh hi.

Mattiu 7:21

“Topa aw, Topa aw,’ hong ci khempeuhte Vantung Gam sungah tum thei kim lo ding uh hi. Vantungah a om ka Pa’ deih bang a gamtate bek a tung ding uh hi.

Luka 10:12

Ke’n kong cih-inah, tua Ni ciangin tua khua in Sodom khua sangin gimna a thuak zaw ding hi.”

Johan 11:51

Tua bang a cihna in ama ut thu gen ahi kei hi. Tua kumin amah siampi ukpa ahih ciangin, Zeisu in mite tangding a si ding tham loin,

1 THESALONIKA MASA 5:4

Ahih hangin ute naute aw, tua Ni in guta mi bangin note tungah a hong tun’ nadingin ah note in khuamial lakah a om na hi kei uh hi.

2 TIMOTI NIHNA 1:12

Tua thu hangah hih gimnate zong ka thuak hi. Ahih hangin ka zum kei hi. Bang hang hiam cih leh, ka uppa ka thei a, ama kiangah ka piak nate zong tua Ni dongin a kem zo ding hi ci-in ka um hi.

2 TIMOTI NIHNA 1:18

Amah in tua Ni ciangin Topa khut sung panin hehpihna a ngah nading Topa in thupha pia ta hen. Amah in Efesa khua-ah zong bang zah takin hong kem hiam cih nangmah in a pha takpi-in na thei hi.

2 TIMOTI NIHNA 4:8

Tu-a kipanin dikna lukhu, keimah ading a kikoih khol zo hi. Tua Ni ciangin thuman tawh a khenpa in tua lukhu kei hong pia ding hi. Keimah bek hong pia kei ding hi, ama kilat ding thu a lamente khempeuh zong a pia ding hi.