Mattiu 7:2 - Tedim Bible

² Bang hang hiam na cih uh leh, midangte tungah na khen uh bangin note in thukhenna na thuak ding uh hi. Midangte na piakna uh seeng bangin no zong seengin hong kipia kik ding hi.

Tedim Bible Revision 2017

² Bang hang hiam cih leh midangteʼ thu na khen zia uh tawh kizui-in note tungah hong khen dinga, midangte tungah na zat uh ngeina mah note tungah hong zang ding hi.

Mattiu 7:2 Iomraidhean Croise

2 SAMUEL NIHNA 21:5

Amaute in kumpipa kiangah, “Israel gam sungah kote in mun ka neih loh nadingun kote hong netumin suksiat ding a vaihawmpa,

Late 109:17

Amah in mi samsiat nuamsa hi; ama tungah samsiatnate tungsak in! Amah in thupha pia nuam lo hi; kuamah in amah thupha pia kei ta hen!

Paikhiatna 21:24

mit tangding mit, ha tangding ha, khut tangding khut, khe tangding khe,

Isaiah 33:1

Hong kisusia nai lo, mi a susiapa aw, gimna a ngah ding na hi ta hi. Kuamah in hong khem nai loh mi khempa aw, gimna a ngah ding na hi ta hi. Na suksiat nawn loh ciangin nang hong kisusia ding a, na khem nawn loh ciangin nang hong kikhem ding hi.

Jeremiah 34:17

Tua ahih manin Topa in kong cih-inah “Mi khempeuh in na sanggam na mipihte uh khahkhia loin suahtakna pia lo-a ka thu hong mang lo na hih uh leh en un, Topa in kong cih-inah, note kong khahkhia-a, suahtakna kong pia ta hi. Namsau tawh kithahna, pulnatna leh kialpite tawh na sih nadingun note kong khah khia a, kong suaktasak hi. Leitung gam khempeuhte’ hong lipkhap dingin kong bawl ding hi.

Jeremiah 51:24

“Topa in kong cih-inah, Babilon khua leh Khaldea gam-a teengte khempeuh in Zion khua-a siatna a bawl manun note’ muhna ah ka thuk ding hi.

Obadiah 1:15

Bang hang hiam cih leh minam kimte tunga ka thukhen nading ni a nai zo hi. Na bawl bangin nangma tungah a hong kibawl ding hi. Na hih bangin na lu bukah a hong tu kik ding hi.

Mattiu 6:14

Note in mite mawhna na maisak uh leh, vantungah a om na Pa un note mawhna uh hong maisak ding hi.

Marka 4:24

Zeisu in, “Note in bang na ci zak uh hiam ci-in na kikeem ta un. Midangte na piakna uh seeng mahin no zong hong kipia kik ding a, a tam zawin a hong pia ding hi.

Luka 6:38

Midangte na piak uh leh, note hong kipia ding hi. Seeng a, teh hoih bek tham lo, a kinengcip, a kilok a kitat a dimlet a, om na ang sung uh ah hong kisung ding hi. Bang hang hiam na cih uh leh, midangte na piakna uh seengin, note zong hong kipia kik ding hi,” a ci hi.

2 KORIN NIHNA 9:6

Khaici tawmkha a vawhte in tawmkha a at ding hi, citpiakna tawh a tampi a vawhte in a tampi a at ding hi ci-in na ciamteh un.

Jeim 2:13

Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.

Mangmuhna 18:6

Amah in mi a piak bangin piakik in. Ama gamtatna a zahnih thukkik in. Ama bawl hai, amah ading a zahnih bawlsak in.

Thukhente 1:7

Tua ciangin Adonibezek in, “A khutpite leh a khepi a ki-attan kumpi sawmsagihte in ka sabuai nuai-ah anneng kia tawm ngei uh hi; ka gamtatnasa bangin Pasian in kei hong thuk hi,” a ci hi. Tua ciangin amaute in Jerusalem-ah amah paipih uh a, tua mun-ah amah si hi.

Thukhente 5:27

Amah tuk hi, amah puk hi, tua nu khe kiangah amah taang loin om hi; ama khe phungah amah tuk hi, amah puk hi; a tukna munah, amah a si-in puk hi.

1 SAMUEL MASA 15:33

Tua ciangin Samuel in, “Na namsau in numeite ta bei-in a bawl mah bangin na nu zong numeite lakah ta bei hi ding hi,” a ci hi. Tua ciangin Samuel in Topa mai Gilgal-ah Agag semnen hi.