Mattiu 7:17 - Tedim Bible

¹⁷ A kung hoih khempeuh in gah hoih a gah thei uh hi. Kung hoih lo in gah hoih lo a gah thei hi.

Tedim Bible Revision 2017

¹⁷ Tua ahih manin singkung cidamte in gah limci gah a, singkung gina lote in gah gina lo gah uh hi.

Mattiu 7:17 Iomraidhean Croise

Late 1:3

Amah in luitui luang gei-a kisuan, ama gah hunin gah a, a teh a vul lo singkung tawh kibang hi. Ahihna khempeuh ah a ma pai hi.

Isaiah 61:3

amaute pen a thuman mite kici-in, amah a kiminthan’sak theih nadingin Topa’ suan kungte a kicih theih nadingin, Zion ah a om a dah mite tungah vut tawh kibuak a, lukhu khuk tangin a hoih kumpi lukhu khuksak nading, tauna tangin lungdamna sathau nilhsak theih nading, a lunggimna tangin Pasian phatna puan a silh theih nadingun amah in kei hong sawl zo hi.

Jeremiah 11:19

A kithatlum dinga kipaipih mawhna nei lo tuuno bang ka hi hi. Amaute in, “Singkung a gah phat hun lai takin phuktan ni; ama’ min a kiphawk nawn loh nadingin, amah that lum ni,” ci-in a gen uh, kei hong sawmna uh ahih lam ka thei kei kha hi.

Jeremiah 17:8

Amah in gun gei-a kisuan singkung bang hi a, lui geiah a zung kha hi. A tehte hing den ahih manin nisa kihta lo hi. Kitatsat loin gah den ahih manin guah zuk loh kum ciangin zong lungkham tuan lo hi.

Mattiu 7:18

A kung hoih in a gah hoih lo gah thei lo hi. A kung hoih lo in a gah hoih gah thei lo hi.

Efesa 5:9

Bang hang hiam na cih uh leh, khuavak’ gah in a hoihna khempeuh, dikna khempeuh, thuman thutak ahi hi.

Kolose 1:10

Ka thungetna un: note in gamtat hoihna apawlpawl ahi gah gahin, Pasian theihna pilna khan’ tohna nei-in ahi zongin, lungdamna tawh na khempeuh thuakin lungduai nadingin ama minthan’na, vangliatna bangin,

Juda 1:12

Tua mite in note ki-itna pawite ah note tawh an a nekkhawm a dawn khawm lai takun, lau loin amaute kham tak kivakin pawi sungah a nin a kisawh tuucing ahi uh hi; tui om lo, huih in a leen’pih meii bang ahi zongin, pulhkhia-in a gah om lo nihvei si-in a bul pan a kibotkhia singkung bang ahi zongin;