Mattiu 7:12 - Tedim Bible

¹² Tua ahih ciangin, nang tungah hong kibawl ding na deih bangin, midangte tungah na bawl in. Hih thu in Pasian’ Thukham leh Pasian’ kamsangte thu sung pan a bulpi ahi hi.”

Tedim Bible Revision 2017

¹² Tua ahih manin note tungah hong kibawl ding na deih bangun midangte tungah na bawl un. Moses Thukhamte le kamsangteʼ thuhilhnate pen hih mah a deihna ahi hi.

Mattiu 7:12 Iomraidhean Croise

Ezekiel 18:21

“Mi gilo khat in a mawh bawlna khawlin ka thukham zui hen la, a hoih a manin gamta leh, tua mipa si lo ding hi; pel loin nungta ding hi.

Siampi Laibu 19:18

Note in nomau’ mipihte tungah phu la loin, amau na lungsim neih kei ding uh a, nomau na ki-it uh bangin na vengte na it ding uh hi: keimah in Topa ka hi hi.

Micah 6:8

Mun khempeuh-a om no mihingte aw, Topa in a hoih nate hong gen khin zo hi. Topa in note tung panin hong kalh nate in: thuman thute sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Mattiu 5:17

“Thukhamna leh Pasian’ kamsangte’ thu siasak dingin hong pai hi ci-in hong um kei un. Siasak dinga hong pai ka hi kei hi. A kicingsak dingin hong pai ka hi hi.

Luka 6:31

Note tungah hong kibawl ding na deih bangun, mite tungah zong na bawl un.

1 TIMOTI MASA 1:5

Hih thupiakna’ deihna bulpi in, lungsim siangtho, lungsim kisuan’na om lohna leh thuman upna tawh a kipawl itna ahi hi.

Jeim 2:8

“Na pumpi na it bangin na lawmte na it in,” a kici Thukham na zuih uh leh, a pha in na gamta zo uh hi.