Mattiu 7:11 - Tedim Bible

¹¹ Note in migilo na hi napi-un na tate uh a hoih na piak uh leh, tua sangin vantungah a om na Pa un a ngente a hoih, a bang zah a hong pia zaw ding hiam?

Tedim Bible Revision 2017

¹¹ Note mihoih lo hi napi-in na tate uh tungah na hoih piak ding ngaihsun thei na hih uh leh vantungah a om na Pa un a ngen mite tungah na hoihte hong pia zaw mahmah ding hi lo ahi hiam?

Mattiu 7:11 Iomraidhean Croise

Piancilna 6:5

Leitungah mihing’ gitlohna a liatna leh mihing' lungsim ngaihsutna peuhmah a sia a hih ngitngetna thu Topa in mu hi.

Piancilna 8:21

Topa in a namtui gimnam a nap ciangin, a lungsim sungah, “Mi’ hangin leitang ka samsiat kik ngei nawn kei ding hi, bang hang hiam cih leh mi’ lungsim ngaihsutna pen a neucil panin gilo hi; tu-a ka hih bangin nuntakna a neite khempeuh zong ka susia ngei nawn kei ding hi.

2 SAMUEL NIHNA 7:19

Hih in nangma mit-ah na neuno khat hi lai hi, Topa Pasian aw; a hong tung ding sau veipi sung na nasempa’ innsung thu ding zong na gen khin a, mai lam khangte zong kei nong lak khin hi, O Topa Pasian!

JOB (Job) 15:16

Mihing in tui i dawn bangin siatna i dawndawn a, mihing pen siahuai-in bangmah i man kei hi.

Late 84:11

Bang hang hiam cih leh Topa Pasian in eite hong hupa leh a minthang i Kumpi hi a, maipha leh pahtawina hong pia hi. Thuman-a gamtate tungah Topa in na hoih bangmah siit lo hi.

Late 85:12

Hi hi, Topa in a hoih nate hong pia ding a, i leitang in hauhna piangsak ding hi.

Late 86:15

Ahih hangin Topa aw, nangmah in a hehpih thei, a dik Pasian na hi a, heh hak-in, itna kip leh thumanna tawh a kidim na hi hi.

Late 86:5

Bang hang hiam cih leh Topa aw, nangmah hoih-in mawhna na maisak a, nangma tunga hong ngente khempeuh tungah itna kip tampi na nei hi.

Isaiah 49:15

Ahih hangin Topa in, “Ama gilsung pan-a a suak nau hehpih lo ding zahin nupi khat in ama nawi a teep naungek mangngilh thei ding ahi hiam? Hihte nangawn in mangngilh kha thei ding hi, ahi zongin ke’n kong mangngilh kei ding hi.

Isaiah 63:7

Topa’ itna kip, Topa phatnate, Topa in eite tunga hong piak na hoihte khempeuh tawh kizui leh, ama hehpihna tawh kizui, a lianpi ama itna kip tawh kizui-in amaute tunga a piak, Israel innkuan tunga ama hoihna lianpite ka gengen ding hi.

Jeremiah 17:9

“Lungsim in na khempeuh lakah a khem hatpen hi a, a kisia pha mahmah hi; kua in a thei thei ding hiam?

Jeremiah 33:14

“En un, Topa in kong cih-inah: Israel mite leh Judah mite’ tunga ka khapsa ka tangtun’ sak hun hong tung ding hi.

Hosea 14:2

Topa’ lamah kihei un la, “Ka mawhna khempeuh uh hong maisak in la, kong thuumna uh hong ngai in. Ka kam pauna bangun kong gamta ding uh hi.

Micah 7:18

Topa aw, nang tawh a kibang Pasian dang om lo a, a om lai na gamluah mite’ mawhna na maisak hi. Nang na heh paisuak kei a, na itna kip nong lak hi.

Malakhi 1:6

Vanglianpen Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Keimah in na pa uh hi napi, bang hangin hong zahtak lo a, na Topa uh hi napi, bang hangin hong kihta lo na hi uh hiam? No siampte in kei hong simmawh napi-in, ‘Bang hong ci simmawh ka hi uh hiam?’ na ci lai uh hi.

Mattiu 23:9

Leitungah kuamah, ‘Pa,’ na ci kei un, Vantungah a om na Pa uh khat bek a om hi.

Mattiu 7:10

ngasa ngen leh, gul a pia ding, note lakah kua a om hiam?

Johan 3:16

“Pasian in a Tapa a um mi khempeuhte in kisia lo a, nuntak tawntungna a ngah nadingin a Tapa khat bek a piak dongin leitung mite a it hi.

ROM (Romans) 3:19

Thukham in a gen thu khempeuh thukham nuai-ah a om mite kiangah a gen hi cih i thei hi. Tua ahih ciangin kam a vekpi kikham uh a, leitungmi khempeuhte in Pasian mai-ah mawhsakna a thuak ding uh hi.

ROM (Romans) 3:9

Tua ahih leh, bang kici ding hiam? Ei Judah mite in tua Gentailte sangin phazaw i hi hiam? Phazaw i hi zenzen kei hi. Bang hang hiam na cih uh leh, Judah mi leh Grik mi khempeuhte in mawhna nei tuak uh hi cih thu a masa-in ka lak zo hi.

ROM (Romans) 8:32

Ama Tapa khat bek haza lo a, eite khempeuh ading a piapa in man ngen loin nate khempeuh ama Ta tawh hong pia khawm loin a om ding hiam?

Galati 3:22

Tu-in ahih leh, a um mite in Zeisu Khazih upna tawh kipawl kiciamna a ngah nadingun Lai Siangtho in na khempeuhte mawhna sungah a khakcip hi.

Jeim 1:17

A pha a kicing hong piak thupha a om khempeuh in khuavakna’ Pa kiang vantung panin hong pai uh hi. Tua pa in kikheel lo tham loin, kihei-in a lim zong a kiasak kei hi.

1 JOHAN MASA 3:1

Eite in Pasian’ tate cihna i ngah nadingin Pa in eite tungah bang zah itna hong pia hiam ci-in ngaihsun un. Eite in tate taktak i hi hi. Tua hangin leitungmite in amah a theih loh manunah eite zong hong thei kei uh hi.

1 JOHAN MASA 4:10

Eite in Pasian i itna hang hi lo hi, Pasian in eite hong it a, eite mawhna hong tat nadingin ama Tapa hong sawlna ah itna hong kilang hi.