Mattiu 6:9 - Tedim Bible

⁹ Tua ahih ciangin, thu na nget uh ciangin hih bangin na ngen un: ‘Vantunga a om kote Pa aw, nangma min siangtho ta hen.

Tedim Bible Revision 2017

⁹ Tua ahih manin thu na nget uh ciangin hih bangin na ngen un: ‘Vantung a om koteʼ Pa aw, na min siangtho kizahtak hen.

Mattiu 6:9 Iomraidhean Croise

2 SAMUEL NIHNA 7:26

tua ciangin, ‘Mi honte’ Topa in Israelte tungah Pasian hi,’ ci-in nangma min kiliansak tawntung ding a, nangma mai-ah na nasempa David’ innkuan kikipsak ding hi.

1 KUMPI MASATE 8:43

na ten’na vantung panin za in la, tua gamdang mipa in nang tungah hong ngetna khempeuh tawh kizui-in hih in; nangma mi Israelte mah bangin leitung mi khempeuh in na min thei-in nang hong zahtak nading, leh hih ka lamsa inn in nangma min tawh a kilo a hihna a theih nading uh ahi hi.

1 KHANG TANGTHU MASATE 17:24

tua ciangin, ‘Israel Pasian, Vanglianpen Topa in Israelte’ Pasian hi,’ ci-in nangma min a tawntungin kipin kiliansak ding a, na nasempa David’ ukna nangma mai-ah kip tawntung ding hi.

2 KHANG TANGTHU NIHNATE 20:6

“Topa, ka pu ka pate uh Pasian aw, nang vantungah Pasian hilo na hi hiam? Minamte’ kumpigam khempeuh tungah nang in uk hilo na hi hiam? Na khut sungah vangliatna leh thahatna om a, kuamah in nang hong nang zo lo hi.

Nehemiah 9:5

Tua ciangin Levi mi Jeshua, Kadmiel, Bani, Hashabneiah, Sherebiah, Hodiah, Shebaniah, leh Pathahiah-te in, “Ding un, Topa na Pasian uh phat un la, ‘A tawntung pan a tawntung dongin a minthang na min in thupha ngah a, thupha khempeuh leh phatna dang khempeuh sangin sangzaw hi.

Late 111:9

Amah in a mite hong honkhia a, amah in a tawntunga dingin thupiakna a bawl khin hi. Ama min, siangtho-in kihtak-huai mahmah hi!

Late 115:3

Vantungah eite’ Pasian om a, ama ut peuhpeuh a hih hi.

Late 72:18

Nalamdangte a bawl amah bek ahi, Israel Pasian, Topa in thupha ngah ta hen.

Isaiah 37:20

Tua ahih ciangin Topa aw, nang bek Pasian na hihna leitung kumpi gam khempeuh in a theih nadingin, tu-in ama khut sung panin kote hong honkhia in,” a ci hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Isaiah 6:3

Amaute khat leh khat kisamin: “Vanglianpen Topa, siangtho, siangtho, siangtho hi; leitung khempeuh ama minthan’na tawh kidim hi,” ci-in awng uh hi.

Isaiah 63:16

Bang hang hiam cih leh, Abraham in kote hong huh loin, Israel in kote hong phawk loh hangin, nangmah in kote’ Pa na hi hi; Topa aw, nangmah in kote’ Pa na hi a, nangmah in tanglai pek pan kote hong Tankhia-pa na hi hi.

Isaiah 64:8

Ahi zongin, Topa aw, nangmah in kote’ Pa na hi hi; kote tungman bang hi-in, nang in beel seekpa bang na hi hi; kote khempeuh nangma bawl mite ka hi uh hi.

Isaiah 66:1

Topa in hih bangin ci hi: “Vantung in keima tokhom hi a, leitung in keima khe ngakna ahi hi; kei’ adingin koi lai-ah inn lam ding a, keima tawlngakna mun koi lai ahi hiam?

Ezekiel 36:23

Note in minamdangte lakah na daisaksa uh a lian ka min siangtho pen tu-in minam dangte lakah a siangthona ka langsak ding hi. Keimah in ka siangthona minam dangte lakah ka lah nadingin note kong zang ding hi. Tua ciangin Topa ka hihna thu amaute in hong thei ding uh hi. Topa Pasian ahi keimah in hih thu ka gen khin hi.

Ezekiel 38:23

Hih bangin hihna tawh keimah in a lian a siangtho ka hihna thu, minam khempeuh tungah ka langsak ding a, tua ciangin Topa ka hihna thu amaute in hong thei ding uh hi,” hong ci hi.

Siampi Laibu 10:3

Tua ciangin Moses in Aaron’ kiangah, “Topa in ‘Ka kiang nai-a a omte kiangah keimah a siangthoin ka kilak ding a, mite khempeuh mai-ah keimah hong kiminthangsak ding hi,’ a ci hi,” ci-in a gen hi. Aaron pau loin om hi.

Habakkuk 2:14

Tuipi in tui tawh a kidim mah bangin, leitung in Topa’ minthan’na theihna tawh kidim ding hi.

Zekhariah 14:9

Tua ciangin Topa pen leitung khempeuh’ kumpi suak ding a, mi khempeuh in amah bek thei-in bia ding uh hi.

Malakhi 1:11

Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.

Mattiu 10:29

Gitta nih in dangkasan peek khat tawh kizuak hilo ahi hiam? Na Pa un thu pia kei leh, tua gitta khat beek lei tungah kia mawk lo hi.

Mattiu 23:9

Leitungah kuamah, ‘Pa,’ na ci kei un, Vantungah a om na Pa uh khat bek a om hi.

Mattiu 26:29

Ke’n kong cih-inah, leenggahtui ka Pa’ Gam sungah no tawh ka dawn thak ni matengin, tu-a kipan ka dawn nawn kei ding hi,” a ci hi.

Mattiu 26:42

Nihveina va pai a, “Pa aw, hih hai kei dawn lohin kei tawh a kipelh theih kei leh, nangma deihna bangin hi ta hen,” ci-in thu a ngen kik hi.

Mattiu 5:16

Tua mah bangin, midangte in na gamtatna phate a muh uh ciangin, vantungah a om na Pa uh Pasian’ min a phat nadingun, na khuavak uh mite mai-ah na tangsak un.”

Mattiu 5:48

Tua ahih ciangin, vantungah a om na Pa uh a migi mah bangin na migi ta un.”

Mattiu 6:14

Note in mite mawhna na maisak uh leh, vantungah a om na Pa un note mawhna uh hong maisak ding hi.

Mattiu 6:6

No thu na nget uh ciangin inn sung tawngah lut un la, kong na khak khit uh ciangin a kilang lona munah a om na Pa uh kiangah na ngen un. A kilang lona-ah a om na Pa un phattuamna a hong pia ding hi.

Mattiu 7:11

Note in migilo na hi napi-un na tate uh a hoih na piak uh leh, tua sangin vantungah a om na Pa un a ngente a hoih, a bang zah a hong pia zaw ding hiam?

Luka 15:18

Kei thoin ciah ning! Ka pa kiangah, ‘Pa aw, Pasian tung leh nangma mai-ah ka khial zo hi.

Luka 15:21

A ta in, ‘Pa aw, Pasian tung leh nangma mai-ah ka khial zo hi. Tu-a kipanin na ta kicih nadingin ka kilawm kei hi,’ a ci hi.

Luka 2:14

“Van a sang belna-ah Pasian minthang ta hen. Leitung a deih mite tungah nopna om ta hen,” ci-in Pasian a phat uh hi.

Johan 20:17

Zeisu in, “Hong len kei in. Bang hang hiam na cih leh, ka Pa kiangah ka kahto nai kei hi. Ka sanggamte kiangah pai in la, ‘Ka Pa ahi note’ Pa, ka Pasian ahi note’ Pasian kiangah ka kahto ding hi,’ ci-in amaute kiangah va gen in,” ci-in a sawl hi.

ROM (Romans) 8:15

Note in kihtak kikkik nading sila’ lungsim na ngah kei uh hi. “Abba, Pa aw,” i cih mah bangin ta suahna lungsim na ngah uh hi.

Galati 1:1

Mite kiang pan hi lo, mite’ thu tawh hi lo, Zeisu Khazih’ thu tawh ahi zongin, tua Zeisu sihna panin a thosak Pa Pasian’ thu tawh ahi zongin sawltak ahi keimah Paul akipan,

Galati 4:6

Tua bangin note in tate na suak uh ahih ciangin,“Abba, Pa,” cisakin a Tapa’ Kha Siangtho eite lungsim sungah Pasian in hong sawl hi.

1 PETER MASA 1:17

Mi maitang zahtak loin, mi khempeuh ahihna bang thu a khenpa kiangah note in Pa bangin ngaihsunin thu na nget uh leh, leitungah lal-a na om lai tengun launa lungsim tawh na gamta un.

Mangmuhna 4:11

“Kote’ Topa, kote’ Pasian aw, nang in na khempeuh na piangsak a, Nangma deihna hangin piangin a om uh ahih ciangin, tua minthan’na, pahtawina leh vangliatnate ngah dingin na kilawm hi.” ci-in a phat uh hi.

Mangmuhna 5:12

Tua vantungmite in: “Thahna a thuak Tuuno in, vangliatna, hauhna, pilna, hatna, pahtawina leh phatna thuphate ngah dingin a kilawm hi,” ci-in nakpi-in kiko-in a phat uh hi.