Mattiu 6:34 - Tedim Bible

³⁴ Tua ahih ciangin, zing ciang ading na lunghimawh kei un. Zing ciang in ama ading a lunghimawh ding hi. Tuni a, om lungkhamna in tuni ading a kicing hi.”

Tedim Bible Revision 2017

³⁴ “Tua ahih manin zing ciang hun ading ma lungkham masa kei un. Zing ciang thu ding ama thu-in omsak lel un. Tu ni thu pen tu ni thu mah tawh beisak unla, lungkham ding behlap se kei un.

Mattiu 6:34 Iomraidhean Croise

Kah la 3:23

zingsang nisuak bangin thak tawntunga, ni a hong suah pelmawh mah bang ahi hi.

Mattiu 6:11

Tu ni-a ka khamkhop ding uh an hong pia in.

Mattiu 6:25

Tua ahih leh ‘Bang ka ne, bang ka dawn ding hiam?’ ci-in na nuntak nading uh lunghimawh kei un, ‘Bang ka silh ding hiam?’ ci-in na pumpi ading lunghimawh kei un. An sangin nuntakna a lianzaw hi. Puan sangin pumtak lianzaw hilo ahi hiam?”

Mattiu 6:27

A lunghihmawh manin tong khat beek a khangkhan thei note lakah kua a om hiam?

Luka 10:41

Zeisu in, “Martha aw, Martha aw, nang in na tampi na lunghimawh a, gimna na thuak hi.

Luka 11:3

Ni simin ka khamkhop ding uh an hong pia in;

Luka 12:11

Amaute in kikhopna inn mai-ah ahi zongin, upate mai-ah ahi zongin, thukhente mai-ah ahi zongin, note hong paipih uh ciangin bangci ka thukkik ding hiam, bang thu ka gen ding hiam ci-in lunghimawh kei un.

Luka 12:22

Khatvei Zeisu in, “Tua ahih ciangin note kiangah kong gen-inah, bang ka ne ding hiam ci-in na nuntak nading uh lunghimawh kei un. Bang ka silh ding hiam ci-in na pumpi ading uh lunghimawh kei un.

Johan 14:27

Nopna note kong pia hi; keima nopna kong pia hi. Leitung mite in a piak bangin kong pia kei hi. Na lungmang kei un la, na lau kei un.

Johan 16:33

Note in keima sungah nopna na neih nadingun hih thute kong genkhol hi. Note in leitungah gimna na thuak ding uh hi. Ahih hangin lunghimawh kei un, leitung ka zozo hi,” ci-in a gen hi.

Sawltak 14:22

“Eite in gimna tampi thuakin Pasian’ Gam sungah i tum ding ahi hi,” ci-in upna sungah a kip nadingun, hansuahin thu a hilh uh hi.

Thu-hilhkikna 33:25

Na khuapite, sik leh sumngo tawh kidal ding a, na nuntak lai teng na thahatna tua bang hi ding hi, a ci hi.

Filippi 4:6

Bangmah thu-ah lungmang loin, na khempeuh ah hehpihna phatin na nget nopnate uh Pasian kiangah na ko un.

1 PETER MASA 5:7

Pasian in note hong keem ahih ciangin, na lunghihmawhna khempeuh uh ama tungah na koih un.