Mattiu 6:19 - Tedim Bible

¹⁹ “Na sum na paite uh kekseu thei, nget in ne thei leh, gutate in luh a, a guktheihna hih leitungah na khol kei un.

Tedim Bible Revision 2017

¹⁹ “Nget in ne-in a kekseu theihna, gutate in luhin a guk theihna hih leitungah na sum uh khol kei un.

Mattiu 6:19 Iomraidhean Croise

JOB (Job) 24:16

Gutate in sun a ciamtehsa teng zan-in inn luh uh a, sunin amaute bu- in khuavak peel uh hi.

JOB (Job) 31:24

“Leitung hauhna muan’ leh suan’in ka nei ngei kei a,

Late 39:6

Ni liim bangin mihing pai kawikawi takpi hi. A mawkna-in amau lungkham takpi uh a, kua in ngah ding cih thei lopi-in mite in nate khol hi.

Late 62:10

Zawhthawh thu tawh lakna muan’in, nei kei in la, suhgawpnate lamet-in nei kei in; na hauhna a khan’ leh, tuate muan’ in nei kei in.

Paunak 11:4

Hauhna in na sih nading panin hong hu thei lo a, thumanna in na sih ding hong hu thei hi.

Paunak 16:16

Kham sangin pilna hoihzaw a, ngun sangin thu theihna deihhuai zaw hi.

Thuhilh-sia 2:26

Pasian in amah a lungdamsakte tungah pilna, theihna, leh lungdamna pia a, ahi zongin a hehpihhuai mi mawhte ahih leh a sep bek sisakin, amau’ thalawhsa khempeuh, amah a lungdamsakte tungah piaksak hi. Hih in a mawknapi taktak, huihpi nung delh bang bek ahi hi.

Zefaniah 1:18

Topa’ heh thukna ni hong tun’ ciangin, amau’ ngun leh amau’ khamte in honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitunga teeng mi khempeuh sumai ding hi.

Mattiu 19:21

Zeisu in, “Nang a siangtho nuam na hih leh, pai in la, na neihsa teng zuakin mizawngte na pia in. Tua ahih leh, vantung gam sungah sum na nei ding hi. Tua khit ciangin ka nung hong zui in,” a ci hi.

Mattiu 6:20

Kekseu thei lo, nget in ne thei lo, gutate in luha a guk theih lohna vantungah na sum uh khol un.

Luka 12:21

Tua mah bangin, ama ading sum a khol hangin, Pasian mai-ah a zawng mi in tua pa tawh kibang ahi hi,” a ci hi.

Luka 12:33

Na neihsa teng zuak un la, hehpihna na pia un. A lui thei lo dangka-ip na bawl un. Gutate’n naih zo lo a, nget in a suksiat theih lohna vantungah a bei thei lo sum na khol un.

Luka 12:39

Ahih hangin gutate hong pai ding hun, inn neipa in theikhol leh, ama inn a suksiat loh nadingin a pang ding hi ci-in na thei ta un.

Luka 18:22

Zeisu in tua a zak ciangin, “Na khat na sam lai hi. Na neihsa teng zuak in la, mizawngte kiangah na hawmsak in. Tua hi leh, vantungah sum na nei ding hi.Tua khit ciangin ka nung hong zui in,” a ci hi.

Luka 18:24

Zeisu in tua pa a et lai takin, “Sum tam neite adingin Pasian’ Gam sung lut nading a haksa mahmah hi.

1 TIMOTI MASA 6:17

Hih leitungah sum hau mite in lungsim kiliatsakna tawh kipelhin, a kip tawntung thei lo sum hauhna muang loin, eite lungdam nading na khempeuh a kicingin hong pia Pasian muangin, nuntakna taktak ahi nuntakna ngah nadingin, hong tung ding hun ciangin, amau ading a bulpi pha zong kholin, midangte tungah thupha bawlna, gamtat hoihna kicingin, midang hopnopna lungsim nei-in, khat leh khat kipawl nadingin kilemna thu bawl nading thu na pia in.

Hebru 13:5

Sumduh luatna tawh na kipelh un. Na neihsa zah uh sum tawh lungkim un. Bang hang hiam na cih uh leh, “Keimah in nang kong paisan ngei kei ding hi, zong kong nusia ngei kei ding hi,” ci-in Pasian in hong gen zo hi.