Mattiu 6:12 - Tedim Bible

¹² Kote tungah hong mawhte ka maisak uh bangin, Kote mawhna zong hong maisak ta in.

Tedim Bible Revision 2017

¹² Kote tungah a hong mawhte mawhmaisakna ka neih bangun koʼ mawhna zong hong maisak in.

Mattiu 6:12 Iomraidhean Croise

1 KUMPI MASATE 8:30

Tua ciangin amaute in hih mun lamah hong nget uh ciangin na sempa leh na mi Israelte’ hong thuumna ngai in; hi hi, na ten’na mun vantungah na za hi; na zak ciangin na maisak hi.

1 KUMPI MASATE 8:34

vantung panin za-in na mi Israelte’ khialna maisak in la, a pu a pate uh tungah na piak leitangah amaute paipih kik in.

1 KUMPI MASATE 8:39

na ten’na vantung panin za-in maisak in; tua ciangin amau’ gamtatna khempeuh tawh kizui-in a lungsim uh na theih bangin amaute tungah pia ciat in (bang hang hiam cih leh nang, nang bek in mihing khempeuh lungsim na thei hi);

1 KUMPI MASATE 8:50

nang tungah hong khial na mite leh nang tunga hong gamtatna uh amau’ thupalsatnate khempeuh maisakin, amaute in amaute tungah hehpihna a neih theih nadingun amaute manin a puakhia mite’ muhna ah amaute hehpih in

Late 130:4

Ahih hangin nang hong kizahtak theih nadingin nangmah in mawhna na maisak hi.

Late 32:1

Ama khialhna kimaisak a, ama mawhna a kituamcipsak pa in thupha ngah mi ahi hi.

Paikhiatna 34:7

mi tul tampite adingin itna kip a nei, mawhna, thupalsatna leh khialhna maisakin, ahih hangin bang bang hita leh mawhna a siangsak ngei lo, pate’ mawhna tate tung leh tute tung, khang thum, khang lina dongin a thukpa,” ci-in pulak hi.

Isaiah 1:18

Topa in hih bangin ci hi: “Tu-in hong pai un la, thu kikum khawm ni; na mawhnate uh puansan a bat hangin vuuk bangin hong ngo ding hi; na mawhnate uh si bangin a san hangin tuumul bangin hong kaang ding hi.

Daniel 9:19

Topa aw, ka thungetna uh hong za in la, ka mawhna uh hong maisak in. Topa aw, hong ngai in la, na hong sem in! Na min na khualna tawh hong zekai kei in. Hih khuapi leh hih mite in nangma neihsa ahi hi,” ka ci hi.

Mattiu 26:28

Bang hang hiam na cih uh leh, hih in mi tampite’ mawhna kimaisak nading a kibuasa, thuciamna thak ka sisan ahi hi.

Mattiu 9:2

Tua lai takin a khut a khe si mi khat a lupna tawh pua uh a, Zeisu kiangah a va paipih uh leh, Zeisu in amaute’ upna a theih ciangin, a khut leh khe sipa kiangah, “Ka ta aw, na lunghimawh kei in. Na mawhnate kimaisak zo hi,” a ci hi.

Marka 11:25

Note ding-in thu na nget uh ciangin, midang peuhmah tungah lungkim lohna na neih uh leh;

Luka 11:4

Ko tungah hong mawhte ka maisak uh bangin, kote mawhna zong hong maisak ta in; Kheemna hong thuaksak kei in,’ ci-in na ngen un,” a ci hi.

Luka 13:4

Tua tham loin Siloam inn sangpi puk a, a delhlup mi sawm leh giatte in Jerusalem khua sungah a om mi khempeuhte sangin mawhna a hauh zawk uh um na hi uh hiam?

Luka 6:37

“Midangte’ thu na tan kei uh leh, thu tanna tawh na kipelh ding uh hi. Midangte na mawhsak kei uh leh, mawhsakna tawh na kipelh ding uh hi. Midangte’ mawhna na maisak uh leh, note mawhna a kimaisak ding hi.

Sawltak 13:38

Tua ahih ciangin ute naute aw, tua pa hangah mawhna kimaisakna thu nomau kiangah hong kihilh zo hi ci-in na thei ta un.

Efesa 1:7

Pilna khempeuh leh phawktheih pilna khempeuh tawh kituak, eite tungah hehpihna a kicin’sak mah bangin tua Zeisu’ sisan hangin mawh maisakna ahi tatkhiatna thupha ama sungah eite in i ngah hi.

Efesa 4:32

Khat leh khat na kihehpih un, thupha na kibawl un la, Khazih’ hangah Pasian in na mawhna uh hong maisak mah bangin note khat leh khat mawhna kimaisak un.

Kolose 3:13

Khat leh khat na kimawhsak nading uh a om ciangin kithuak un la, na kiniamsak un. Topa in note mawhna hong maisak mah bangin note zong khat leh khat na kimaisak ciat un.