Mattiu 6:10 - Tedim Bible

¹⁰ Na Gam hong piang ta hen. Vantungah na deihna a kicin’mah bangin, leitungah kicing ta hen.

Tedim Bible Revision 2017

¹⁰ Na ukna hun hong tung henla, vantung bangin leitungah zong na deih bangin kigamta hen.

Mattiu 6:10 Iomraidhean Croise

Nehemiah 9:6

Nang bek in Topa na hi hi; nangmah in van sangpen vantung a, aksihonpite tawh, leitung leh a tunga om khempeuh, tuipi leh a sunga om khempeuh na bawl hi. Nangmah in tuate khempeuh na piangsak a, vantungmi honpi in Nang hong bia uh hi.

Late 2:6

“Ka mual siangtho Zion tungah ka Kumpi ka tusak khin hi,” ci hi.

Late 40:8

nangma deih bang hihna-ah nuam ka sa hi, ka Pasian aw; na thukham ka lung sungah om hi,” ka ci hi.

Isaiah 2:2

Nidang ciangin Topa’ inn omna mual pen, mual liante lakah a sang penin kikipsak ding a, mual neute tungah kisangsak ding hi; tua-ah minamte khempeuh pai muamua ding uh a,

Jeremiah 23:5

“En un, Topa in kong cih-inah, keimah in David’ suan lak panin kumpi dingin a diktat Hiang khat ka khan’ khiatsak ni hong tung ding hi. Amah gam uk siam ding a, gam sungah thuman thutang tawh thu hong khen ding hi.

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Daniel 4:35

Amah in leitung mite bang mahin a sim kei a; vantung mite leh leitung mite in, ama’ khut nuai ahi hi. Ama deihna kuamah in nial thei lo a, A bawl nate kuamah in ahang a kan thei kei hi.

Daniel 7:13

Zan ka mangmuh hun sungin ka khuadak leh mihing tapa tawh a kibang mi khat meii tunga hong pai ka mu hi. A nungta tawnung mipa’ kiangah pai-in, ama kiangah a kipia hi.

Daniel 7:27

Hih leitung kumpigam leh, vangliatna leh liatna khempeuh Sangpen Pasian mite tungah a kipia ding hi. Amau’ kumpi za in cikmah hunin bei ngeilo ding a, leitung ukna za a nei khempeuhte in a thu uh mangin amau’ na a sem ding uh hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Mattiu 12:50

Bang hang hiam na cih uh leh, vantungah a om ka Pa’ deihna bangin a gamtate in, ka sanggampa, ka sanggamnu, ka nu ahi uh hi,” a ci hi.

Mattiu 16:28

Ke’n aman takpi kong cih-inah, Mihing Tapa, ama Gam sungah hong pai kik, hih san takah a ding mi kimkhat in a muh matengun a si kei ding uh hi,” ci-in a nungzuite kiangah a gen hi.

Mattiu 26:42

Nihveina va pai a, “Pa aw, hih hai kei dawn lohin kei tawh a kipelh theih kei leh, nangma deihna bangin hi ta hen,” ci-in thu a ngen kik hi.

Mattiu 3:2

Tua ahih ciangin na mawhna uh kisik kik ta un,” ci-in Judah gam, gampa lakah a hilh hi.

Mattiu 4:17

Tua nung ciangin Zeisu in, “Na mawhna uh kisikkik ta un. Bang hang hiam na cih uh leh, Vantung Gam a hong nai zo hi,” ci-in thuhilh a kipan hi.

Mattiu 7:21

“Topa aw, Topa aw,’ hong ci khempeuhte Vantung Gam sungah tum thei kim lo ding uh hi. Vantungah a om ka Pa’ deih bang a gamtate bek a tung ding uh hi.

Marka 11:10

A hong piang ding i pa David’ Gam in thupha ngah ta hen! Van a sang belna-ah Hosanna!” ci-in a kiko uh hi.

Marka 3:35

Bang hang hiam na cih uh leh, vantung khua-ah a om ka Pa’ deihna bang a gamtate in ka sanggampa, ka sanggamnu, ka nute ahi uh hi,” a ci hi.

Luka 19:11

Tua thu a zak lai takun Jerusalem khuapi tawh kinai tung ta a, Pasian’ Gam a manlangin hong tung ding hi ci-in mite in a up man-unah, thugentehna khat Zeisu in a hilh hi.

Luka 19:38

“Pasian’ min tawh hong pai Kumpipa in thupha ngah ta hen; Vantungah nopna leh, A sang belna-ah minthan’na om ta hen,” ci-in a kiko uh hi.

Luka 22:42

khukdin’in, “Pa aw, na deih leh, hih hai kei tawh hong kipelhsak in. Ahih hangin keima deihna bang hi kei hen; nangma deihna bang hi ta hen,” ci-in thu a ngen hi.

Johan 4:34

Zeisu in, “Keimah hong sawlpa’ deihna bang hih a, ama nasepna ka zawhna in ka an nekna ahi hi.

Johan 6:40

Tapa mu a, a umte khempeuh in nuntak tawntungna a ngah nading in Pa’ deihna ahi hi,” a ci hi.

Johan 7:17

Mi khatpeuh mah in Pasian’ deih bangin a gamtat nop leh, hih thu Pasian’ thu ahi hiam, keima utthu banga gen ka hi hiam a thei ding hi.

Sawltak 13:22

Tua pa a khinkhiat khit ciangin David kumpipa a koih hi. ‘Ka deih bangin a sem ding, ka lungsim tawh kituak mi, Jessi’ tapa David ka mu zo hi,’ ci-in amah ading teci a pang hi.

Sawltak 21:14

Ka zolna uh hong man’ loh ciangin kote in, “Topa’ deih bangin hi ta hen,” ci-in zol loin ka om uh hi.

Sawltak 22:14

Amah in zong, ‘I pu i pate’ Pasian in ama deihna na theih ding ahi zongin, ama Mi Siangtho na muh ding ahi zongin, ama kam sung pan aw na zak ding ahi zongin, nangmah hong koih zo hi.

ROM (Romans) 12:2

Hih leitung mite bangin na om kei un. A hoih, a deihhuai, a kicing ahi Pasian’ deihna in bang ahi hiam ci-in na khen theih nadingun na lungsim uh bawl thakin, na lim uh na kilamdangsak un.

Efesa 6:6

Mite lungnemsak mi bangin amaute mai bekah mang hi loin, Khazih’ sila bangin lungkimin Pasian’ deihna bangin mite’ nasem bang bek hi loin, Topa’ nasem bangin itna lungsim tawh na sem un.

Kolose 1:9

Tua ahih ciangin kote in zong ka zak uh ni pan akipan, note ading thungen tawntungin ka om uh hi.

1 THESALONIKA MASA 4:3

Pasian’ deihna in note in numei tawh khialhna tangin na sian’tho nading uh ahi zongin,

1 THESALONIKA MASA 5:18

Na khempeuh ah a hong hehpihna phat un. Bang hang hiam na cih uh leh, note in tua bang na bawl dingun Zeisu Khazih hangah Pasian’ deihna ahi hi.

Hebru 1:14

Vantungmite khempeuh in gupkhiatna luah ding mite kem dingun, sawltak nasem khate hilo ahi uh hiam?

Hebru 10:36

Bang hang hiam na cih uh leh, Pasian’ deihna bang na nasep khit uh ciangin ama kamciamna na ngah nadingun thuakzawhna lungsim na kisam uh hi.

Hebru 10:7

Tua lai takin keimah in, Lai Siangtho sungah keimah ngaihsunin a kigelh mah bangin, ‘Na deihna bangin sem dingin hong pai ka hi hi, Pasian aw,’ a ci hi.

Hebru 13:21

ama deihna thu Zeisu Khazih hangin eite sungah hong bawlna, note in a deihna na zuih nadingun ahoih na khempeuh ah hong kicingsak ta hen. Tua Topa in a tawntungin minthan’na ngah ta hen. Amen.

1 PETER MASA 2:15

Bang hang hiam na cih uh leh, note in a pha na gamtat uh leh, mi haite a lungpil lohna kam na thukkik theih nadingun Pasian in tua bangin a deih hi.

1 PETER MASA 4:2

Pasian’ deihna bang zui-in, na pumpi uh a nuntakna a om lai hun a bei dongin, tua bang lungsim nei-in om un. Bang hang hiam na cih uh leh, gimna a thuak mi in mawhna tawh a kikhen hi.

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

Mangmuhna 12:10

Vantung pan nakpi aw khat in: “Tu-in eite Pasian’ gupna-a kipan vangliatna, gam leh ama Khazih’ ukna aana a hong tung zo hi. Bang hang hiam i cih leh, i ute i naute, i Pasian mai-ah sun tawh zan tawh a mawhsak mi in khiatsukna a thuak zo hi.

Mangmuhna 19:6

Tua lai takin mi honpi’ aw, tui lianpi’ aw, nakpi vanging’ aw bang kampau’ aw in: “Hallelujah! Bang hang hiam i cih leh, Vanglianpen Topa i Pasian in a mang hi.

Mangmuhna 20:4

Tua lai takin kumpi tokhomte ka mu hi. Tokhom tungah a tu mite in thukhen theihna a ngah uh hi. Tua tham loin Zeisu’ teci pan’na hang leh Pasian’ thu hangin lu kitanna a thuak mite a nuntakna khate a kipan sahang leh sahang milim bia lo, ama ciamtehna a taltang tung leh khut tungah a nei lo mite nuntakna khate zong ka mu hi. Tua mite in kum tulkhat sung nungta-in, Khazih tawh a mang khawm uh hi.