Mattiu 5:8 - Tedim Bible

⁸ “Lungsim siangthote in thupha a ngah ding uh hi. Bang hang hiam na cih uh leh, amau in Pasian a mu ding uh hi.”

Tedim Bible Revision 2017

⁸ Lungsim takpi tawh Pasian a zong mite in Pasian mu ding ahih manin thupha ngah mi ahi uh hi.

Mattiu 5:8 Iomraidhean Croise

Piancilna 32:30

Tua ahih ciangin Jakob in tua mun Peniel ci-in phuak hi, “Bang hang hiam cih leh maitang kituahin Pasian ka mu khin a, ahi zongin kei hong kihing khawi lai hi,” ci hi.

2 SAMUEL NIHNA 22:27

“a siangtho mi tungah nangmah in a siangtho-in na gamta a, thukawi mi tungah nangmah in thupeelin na gamta hi.

Late 15:2

Paubang loin gamta-in, a manin na sem a, lungsim tak a gen mi,

Late 18:26

A siangtho mi tungah na siangtho gamtat a, thukawi mite na galbawl hi.

Late 24:4

Khut siangtho leh lung siangtho a nei, a man lo-ah a nuntakna pia loin, khemna tawh a kiciam lo mite ahi hi.

Late 51:10

Pasian aw, ka sungah lungsim siangtho hong piangsak in la, a thak, a man, ngaihsutna ka sungah hong guan in.

Late 51:6

En in, nang in nuntakna sungah thumanna na deih hi; tua ahih ciangin ka lungsim tawngah ciimna hong hilh in.

Late 73:1

A lungsim sung a siangtho, thutangte tungah Pasian hoih takpi hi.

Paunak 22:11

Lungsim siangtho tawh kamsiamna in kumpipa’ lawm hong suaksak hi.

Sawltak 15:9

amaute leh eimaute atuam atuam khen loin upna tawh, amaute lung sungah siangthosakin amau ading teci a pang hi.

1 KORIN MASA 13:12

Tu lai takin kimu tel loin limlang sungah i en hi. Tu nung ciangin i maitang a tel takin i mu ding hi. Tu-in a kicing loin ka thei hi. Tu nung ciangin Pasian in kei hong theih bangin ka thei ding hi.

2 KORIN NIHNA 7:1

Tua ahih ciangin ka itte aw, tua thuciamna eite tawh kikum ahih ciangin i pumpi kihhuainate leh lungsim kihhuainate khempeuh panin kisiangthosakin, Pasian kihta-in, a siangtho gamtatna tawh dimin om ni.

Titu 1:15

Mi siangtho mai-ah na khempeuh a siangtho hi. A siangtho lo leh thu-um lo mite mai-ah ahih leh, bangmah a siangtho kei hi; amaute lungsim uh leh amau lungsim-theihna uh zong a siangtho kei hi.

Hebru 10:22

eite in lungsim kisuan’na om loh nadingin kitheh a, tui siangtho tawh i pumpi i kisil khit ciangin up khialhna om lo, upna kipin dikna tawh a dim lungsim nei-in Pasian kiangah nai ni.

Hebru 12:14

Mi khempeuh tawh kilemin nopsakna ahi zongin, a siangtho gamtatna ahi zongin na phak matengun delh un. Tua siangtho gamtatna a om kei leh, kuamah in Pasian a mu thei kei ding hi.

Hebru 9:14

tua tham loin, mawhna nei loin a tawntung Kha Siangtho tawh amahmah Pasian biakna-a kipia Khazih’ sisan in a nungta Pasian biak nadingin nomau pumpi kisuan’na lungsim uhah a om sihna tawh kipawl gamtatnate tawh kipelhin a siangthosak nadingin a bawl theizaw ding hilo ahi hiam?

Jeim 3:17

Vantung pan hong tung pilna in a masa belin a siangtho hi. A nung ciangin kilemna ahi hi, lungnemna ahi hi, zol baihna ahi hi, hehpihna leh gah pha tawh a dim hi, maitang zahtakna leh simtatna a om kei hi.

Jeim 4:8

Pasian kiangah nai un. Tua bang na hih uh leh, nomau kiangah a hong nai ding hi. Mawhneite aw, na khut uh siangthosak un. Lungka mite aw, na lungsim uh na siangthosak un.

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

Mangmuhna 22:4

a maitang a mu ding uh hi. A min zong amaute taltang tung uhah a om ding hi.