Mattiu 5:6 - Tedim Bible

⁶ “Gilkial a, an duh banga lungsiangtho a deihte in thupha a ngah ding uh hi. Bang hang hiam na cih uh leh, amau in vaakna a ngah ding uh hi.”

Tedim Bible Revision 2017

⁶ Pasianʼ deih teng sep ding a hanciamte Pasian in lungkimna ngahsak ding ahih manin thupha ngah mi ahi uh hi.

Mattiu 5:6 Iomraidhean Croise

Late 107:9

Bang hang hiam cih leh amah in a dangtakte phasak a, a gilkialte nahoih tawh vah sak hi.

Late 145:19

Amah in, amah a zahtakte khempeuh’ deihna tung sak a, amaute’ kikona zong za-in amaute honkhia hi.

Late 17:15

Kei ka hih leh, thumanna tawh na maitang ka en ding a, ka khanlawh ciangin, nangma mel muhna tawh ka lungkim ding hi.

Late 63:5

Ka lupna tungah nangmah hong ngaihsun-in, zan-in nangmah kong lungngaih ciangin, guhngek leh sathau ne bangin ka lung tai a, lungdamna tawh nangmah phatna la ka sa ding hi.

Late 65:4

Na inn-a om dinga na tel na lakte in mi nuamsa ahi hi! Nangma biakinn siangtho ahi na inn sunga hoihna tawh lungkim nung!

Late 84:2

Ke’n ka lunggulh mahmah hi, hi taktak hi, Topa’ huang sung ka lunggulh mahmah a, ka lungsim leh ka pumpi in a nungta Pasian tungah lungdamin la a sa hi.

Paunak 10:24

Migilote tungah a kihtaktak uh tung a, mihoihte in a deihdeih uh ngah uh hi.

Paunak 21:21

Thuman thutakin gamta tawntung lecin, na khan’ sau-in, pahtawina na ngah ding hi.

Solomon la 5:1

It luat, ka lawmnu aw, ka huan sung hong tung zo ing, Ka paknamtuite ka kaikhawm hi. Ka khuaizu leh ka khuailuzu ka ne a, ka leenggahzu leh ka bawngnawite ka dawn hi. Nungak dangte: Nungak leh tangval aw, na lungkim piikpeek dongun, ne-in dawnin nuam sa un. Kikhen Man-a Lunggimna Nungak:

Isaiah 25:6

Vanglianpen Topa in hih mual tungah mi khempeuh adingin anlim nekna pawi, a ciil mahmah leenggahzu nekna pawi, guhngek tawh a kidim an nekna, a siangtho leenggahzuciil nekna pawi bawl ding hi.

Isaiah 41:17

Keima mite in tui duhin tui zong uh a, a dang uh a taak ciangin, amau’ hong thungetna ka pia ding a, Israelte’ Pasian ahi keimah in amaute ka nusia kei ding hi.

Isaiah 44:3

Bang hang hiam cih leh a dangtak leitang tungah tui ka sung ding a, leikeu tungah lui tui ka luangsak ding hi; na suan leh khakte tungah ka Kha ka pia ding a, na tu na tate tungah ka thupha ka pia ding hi.

Isaiah 65:13

Tua ahih ciangin Topa Pasian in hih bangin ci hi: En un, ka nasemte in ne ding a, ahih hangin note na gilkial ding uh hi; en un, ka nasemte in dawn ding uh a, ahih hangin note na dangtak ding uh hi; en un, ka nasemte lungdam ding uh a, ahih hangin note na mai uh zum ding hi;

Jeremiah 31:25

Bang hang hiam cih leh a gim mite ka tawldam sak ding a, gil kial a, a tha zawm mite khempeuh an ka vak kham ding hi,” a ci hi.

Luka 1:53

A gilkial mite an pha tawh vak a, Sum haute khut guak tawh a paikhiasak zo hi.

Luka 6:21

Tu lai taka gilkial note in, thupha na ngah ding uh hi. Bang hang hiam na cih uh leh, gilvahna na ngah ding uh hi. Tu lai taka a kap note in thupha na ngah ding uh hi. Bang hang hiam na cih uh leh, na nui ding uh hi.

Luka 6:25

Tu lai takin an kham note in gimna na thuak ding uh hi. Bang hang hiam na cih uh leh, note na gilkial ding uh hi. Tu lai taka nui note in gimna na thuak ding uh hi. Bang hang hiam na cih uh leh, note in thuumin na kap ding uh hi.

Johan 4:14

Ahih hangin ke’n ka piak tui a dawnte in a tawntungin a dangtak nawn kei ding hi. Ke’n ka piaksa tui in tua mi sungah nuntak tawntungna tuikhukin a piang ding hi,” a ci hi.

Johan 6:27

A sia thei an ngah nadingin hahkat kei un; Mihing Tapa in no hong piak ahing tawntung nuntak tawntungna an na ngah nadingun hahkat un. Bang hang hiam na cih uh leh, Pasian’ ciamtehna a ngahpa in tua Tapa ahi hi,” a ci hi.

Johan 7:37

Pawikham a tawp ni alianpen ni-in Zeisu ding a, “Mi khatpeuh in tui a duh leh, ka kiangah hong pai-in dawn ta hen.

Mangmuhna 7:16

Amaute in a nung ciangin bangmah hunin gilkial dangtak nawn lo ding uh hi. Cikmah hun ciangin zong ni sa-a kipan a sa khempeuh tawh a kisu kha nawn kei ding uh hi.