Mattiu 5:4 - Tedim Bible

⁴ “A dahte in thupha a ngah ding uh hi. Bang hang hiam na cih uh leh, amau in lungdamna a ngah ding uh hi.”

Tedim Bible Revision 2017

⁴ Dahin a thum a tau mite Pasian in amaute hehnem ding ahih manin thupha ngah mi ahi uh hi.

Mattiu 5:4 Iomraidhean Croise

Isaiah 12:1

Ni khat ni ciangin mite in, “Topa aw, kei’ tungah na heh hangin na hehna dam a, nangmah in kei hong hehnem na hih manin nang kong phat ding hi.

Isaiah 25:8

Amah in sihna beimang sak ding a, maitang khempeuh panin khitui nul ding hi; leitung khempeuh panin ama mite a kizahkona lakhia ding hi; bang hang hiam cih leh Topa in hih thu gen zo hi.

Isaiah 30:19

Hi hi, Jerusalem khua sunga a teeng Zion sunga a om mite aw, note na kap nawn kei ding uh hi. Note’ huh ngen a, kahna aw hangin amah in hong hehpih taktak ding a, amah in a zak ciangin note hong dawng ding hi.

Isaiah 35:10

Topa’ tatkhiatsa mite hong ciah kikin, lungdam tawntungna mai pua-in lasa kawmin Jerusalem hong tung ding uh hi; amaute in lungdamna leh kipahna ngah ding uh a, dahna leh khuisatna om nawn lo ding hi.

Isaiah 57:18

Amau’ mawh gamtatnate ka mu khin a, ahih hangin amaute ka damsak ding hi; amaute makaih-in hehnepna ka pia ding a, a dah a kapte muk panin phatna ka piangsak ding hi.

Isaiah 66:10

Naungeek in a nu’ nawi teepin nuam a sak mah bangin, Jerusalem in nuam a sakna ah nuam na sak khawm theih nadingun, amah a it khempeuhte aw, Jerusalem tawh lungdam un la, ama hangin kipak un; ama hangin kapin a thuum khempeuhte aw, ama lungdamna ah amah tawh lungdam khawm un, ci hi.

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

Ezekiel 7:16

Mi pawl khatte in vakhu lau bangin mualtung tuh ding uh a, ahi zongin amau’ mawhna hangin si veve ding uh hi.

Ezekiel 9:4

“Jerusalem khua sung khempeuh ah pai kawikawi in la, hih khuapi sungah a muhdahhuai gamtatnate a kisepna hangin dahin a lungkham mi khempeuhte’ taltang-ah ciamtehna va bawl in,” ci-in sawl hi.

Zekhariah 12:10

David’ suan-le-khakte leh Jerusalem khuamite tungah, hehpihna leh thunget nopna lungsim ka guan ding hi. Amaute in a sut lup uh mipa enin, ta khat neihsun a sihsuahte bangin kap ding uh a, a tacil a khuaisuahte bangin nakpi takin kapin thuum ding uh hi.

Luka 16:25

Abraham in, ‘Ka ta aw, nang na nuntak lai-in nopsakna na ngah a, tua mah bangin Lazaras in zong a pha lo nate ngah hi ci-in na ngaihsun kik in. Tu-in ahih leh, amah in nopna a ngah kik hi. Nang na hih leh, gimna na thuak hi.

Luka 6:21

Tu lai taka gilkial note in, thupha na ngah ding uh hi. Bang hang hiam na cih uh leh, gilvahna na ngah ding uh hi. Tu lai taka a kap note in thupha na ngah ding uh hi. Bang hang hiam na cih uh leh, na nui ding uh hi.

Luka 6:25

Tu lai takin an kham note in gimna na thuak ding uh hi. Bang hang hiam na cih uh leh, note na gilkial ding uh hi. Tu lai taka nui note in gimna na thuak ding uh hi. Bang hang hiam na cih uh leh, note in thuumin na kap ding uh hi.

Luka 7:38

a nung lam pan a khe kiangah ding-in kap a, a khe khitui tawh kawtsakin, a sam tawh a nul hi. Ama khe zong nam a, paknamtui tawh a zut hi.

Luka 7:50

Zeisu in,”Na upna in nang hong gum zo hi. Nuam in la, pai in,” ci-in numei thu a pia hi.

Jeim 1:12

Ze-etna a thuak zo mi in thupha a ngah ding hi. Bang hang hiam na cih uh leh, ze-etna a thuak zawh khit ciangin Topa in a it mite a ciamna bangin nuntakna kumpi lukhu a ngah ding hi.

Mangmuhna 21:4

Amaute mittang uh pan khitui khempeuh a nul siang ding hi. Sihna zong a nung ciangin a om nawn kei ding hi. Tua tham loin, thuumna, kahna, natna zong a om kei ding hi. A masa nate mangthang khin zo uh hi,” ci-in nakpi-in aw tawh kiko ka za hi.