Mattiu 5:37 - Tedim Bible

³⁷ A hite ‘A hi mah hi’, a hi lote, ‘A hi lo mah hi,’ na ci un. Tua sang a kan zawk leh, a gilo mi’ sung pan a piang hi.”

Tedim Bible Revision 2017

³⁷ Na gen peuhmah ahi ahihleh, ‘Hi,’ ci inla, ahi lo ahihleh, ‘Hi lo,’ cihna tawh kicingsak in. Tua bang hi loin kiciamna kam na zat ciangin Dawimangpa tawh kizomin thuman lo na hih lamtak hong kilang hi.

Mattiu 5:37 Iomraidhean Croise

Mattiu 13:19

Mi khat in Vantung Gam thu a zak ciangin, thei lo ahih ciangin dawimangpa hong pai a, a sin sunga kivawh khaici a lakhia hi. Tuate in lampi geiah a kia khaici ahi hi.

Mattiu 13:38

Lo lai in leitung mite hi. Khaici hoih in Gam sung tate ahi uh hi. Tahum tang in gilomi’ tate ahi uh hi.

Mattiu 15:19

A hoih lo ngaihsutna, mithahna, mi’ zi tungah mawhna, numei tawh mawhna, mi’ sum gukna, zuauthu teci pan’na, mi gensiatna, tuate in lungsim sung pan a paikhia hi.

Mattiu 5:36

Na lu tawh na kiciam kei un, bang hang hiam na cih uh leh, na samzang khat a kang a vom dingin na bawl thei kei uh hi.

Mattiu 6:13

Kheemna hong thuaksak kei in. Gilopa kiang pan hong honkhia in,” ci-in tua bangin thu na ngen un,

Johan 17:15

Amaute leitung pan na lakhia in ci-in thu kong ngen kei hi. Gilopa tawh a kipelh nadingun amaute na kep nadingin thu kong ngen hi.

Johan 8:44

Note in na pa uh dawimangpa’ suan na hi uh hi. A gilo na pa uh deihna bangin na gamta nuam uh hi. Amah in a cil panin mi thatpa hi a, thumanna nei lo ahih ciangin thuman thutak sungah a kip kei ding hi. Amah in thuzuau a gen ciangin ama thu a gen hi. Bang hang hiam na cih uh leh, amah in zuauthu gen leh thuzuaupa lah ahi hi.

Efesa 4:25

Tua ahih ciangin zuau thu paaikhia un la, thuman thutak tawh khat leh khat na kigen un. Bang hang hiam na cih uh leh, eite in pumpi khat’ nate ciat i hi hi.

Efesa 6:16

Dawimangpa hong kapna mei-thaltang a dal zo upna lum tawi-in hiam khempeuh tungah na silh un.

Kolose 3:9

Khat leh khat zuauthu kigen kei un. Bang hang hiam na cih uh leh, note in mi lui gamtatna leh mi lui pum suahkhia-in, a hong piangsakpa’ lim bangin, pilna maan adingin a kibawlpha mithak a sillh mi na hi uh hi.

Kolose 4:6

Mi khempeuh tungah bang ci dawn’ kik ding cih na theih nadingun, note kam in ci al bangin a al limna tawh dimin kilawm tawntung ta hen.

2 THESALONIKA NIHNA 3:3

Ahih hangin Topa in midik hi a, note hong kipsakin thu hoih lote tawh hong kipelhsak ding hi.

Jeim 5:12

Ka u ka naute aw, thu khempeuh tungah kiciamna pha takin na tang un; vantung tawh na kiciam kei un, leitung tawh na kiciam kei un. Bangmah dang tawh na kiciam kei un. Thukhenna tawh na kipelh theih nadingun ah, “Ahi hi,” na cih uh ahi mah hi ta hen; “Ahi kei hi,” na cih uh a hi lo mah hi ta hen.

1 JOHAN MASA 2:13

Pate aw, a cil panin a om mi na thei uh ahih ciangin, note kiangah lai kong gelh hi. Tangvalte aw, note in a gilopa na zo uh ahih ciangin, note kiangah lai kong gelh hi. Naupang neute aw, note in Pa na thei uh ahih ciangin, note kiangah lai kong gelh hi.

1 JOHAN MASA 3:12

Kain in bang hangin a nau a that hiam na cih uh leh, ama gamtatnate hoih lo a, a naupa’ gamtatnate a dik hi.

1 JOHAN MASA 5:18

Pasian’ pian’sak mi khempeuh in mawhna ahih zom kei hi ci-in i thei hi. Pasian’ pian’sak mi in ama pumpi kem a, a gilo mi in tua mi a sukha thei kei hi.