Mattiu 5:35 - Tedim Bible

³⁵ Leitung in Pasian’ khe ngakna ahih ciangin leitung tawh na kiciam kei un. Jerusalem khuapi in a lian Kumpipa’ khua ahih ciangin Jerusalem khuapi tawh na kiciam kei un.

Tedim Bible Revision 2017

³⁵ Leitung zong kiciamna-in na zang kei un - Pasianʼ khengakna mah hi veve hi. Jerusalem khuapi zong kiciamna-in na zang kei un - Kumpi lian ahi Pasianʼ khuapi mah hi veve hi.

Mattiu 5:35 Iomraidhean Croise

Late 48:2

Kumpi lianpa’ khuapi, lei lulam-a om ama mual siangtho hoih-a a sang mahmah Zaphon in Zion Mual hi a, leitung khempeuh’ lungdamna ahi hi.

Late 87:2

Topa in Jakob’ teen’na mun khempeuhte sangin Zion kulh kongpi itzaw hi.

Late 99:5

I Topa Pasian phat un; ama khe ngakna munah bia un! Amah siangtho hi!

Isaiah 66:1

Topa in hih bangin ci hi: “Vantung in keima tokhom hi a, leitung in keima khe ngakna ahi hi; kei’ adingin koi lai-ah inn lam ding a, keima tawlngakna mun koi lai ahi hiam?

Malakhi 1:14

A tuuhon lakah tuutal cidam nei napi-in, a kamciamsa bangin kei tungah hong piak ciangin, a sitbaang ganhing hong pia mi khempa in samsiatna thuak ta hen. Bang hang hiam cih leh keimah in a lian mahmah Kumpipa ka hi a, minam khempeuh in kei hong zahtak uh hi,” a ci hi.

Mattiu 5:36

Na lu tawh na kiciam kei un, bang hang hiam na cih uh leh, na samzang khat a kang a vom dingin na bawl thei kei uh hi.

Sawltak 7:49

‘Vantung in keima tokhom ahi hi. Leitung in keima khe sikna ahi hi. A bang ci bang biakna innpi kei ading na lam ding hiam? Ka khawlna mun in koi lai takah a om ding hiam?

Mangmuhna 21:10

Kha Siangtho tawh kei a sang mual lian dawnah hong paipih a, Pasian kiang vantung pan Pasian’ vangliatna pua-in hong kiasuk Jerusalem Khuapi Siangtho hong lak hi.

Mangmuhna 21:2

Tua lai takin Jerusalem khua thak ahi Khuapi Siangtho in a pasal ading a kizeemsa-in a om, a kipi mo bangin kiging kholin Pasian kiang vantung pan hong kiasuk ka mu hi.