Mattiu 5:33 - Tedim Bible

³³ “Khat vei: ‘A hi lopi-in na kiciam kei in, Pasian tawh na kiciamnate na tungsak in,’ ci-inah tanglai mite tungah a kigen thu na thei zo uh hi.

Tedim Bible Revision 2017

³³ “Tanglai-in mite tungah, ‘Pasian tungah na kiciamnate uh pelh kei unla, ama tungah na kiciam bangun tungsak un,’ ci-in a kigenna na zak sa uh ahi hi.

Mattiu 5:33 Iomraidhean Croise

Late 50:14

Lungdam biakpiakna Pasian’ tungah pia un la, Sang Penpa tungah na thuciamnate uh bawl un;

Late 76:11

Topa na Pasian’ tungah na thuciamnate uh bawl un la, tuate zui un; leitung kumpite tungah a zahtak-huai, uliante’ lungsim a niamkhiat, zahtak ding a hipa’ tungah, ama kim-a om mi khempeuhte in letsong puak ta uh hen!

Paikhiatna 20:7

“Topa na Pasian’ min na zangkhai ngaihsut kei ding hi; bang hang hiam cih leh Topa in ama' min a zangkhai ngaihsut mi a mawh lo hi, ci lo ding hi.

Siampi Laibu 19:12

Note in a man lopi-in keima min tawh na kiciam kei ding uh a, tua bangin na Pasian uh’ min na daisak kei ding uh hi: keimah in Topa ka hi hi.

Nahum 1:15

En un, mual tungah kamtaipa hong tai a, gualzawhna thupha hong gen ding ahi hi. Judah mite aw, pawi bawl un la, Pasian’ tunga na ciam bangun gamta un. Bang hang hiam cih leh mi gilote kisusiacip khin a, na gam uh hong simkik ngei nawn lo ding uh hi.

Mattiu 5:21

“Mi na that kei un. Mi thatte in zum innah thukhenna thuak ding hi,’ ci-in tanglai mite kiangah cihna na za zo uh hi.

Mattiu 5:27

“Mi’ zi tawh na mawh kei in,’ a cihna thu na za uh hi.

Thu-hilhkikna 23:21

“Topa note’ Pasian tungah thuciamna na bawl ciangun na ciamna uh tungsak loin na ommawk kei ding uh hi; bang hang hiam cih leh Topa na Pasian un hong kal teekteek ding a, note tungah khialhna hong hi ding hi.

Thu-hilhkikna 23:23

Na kam uh tawh na ciamsa uh thu pen Topa note Pasian tungah nomau ut-thu-a na ciam uh ahih manin na muk uh pana paikhia peuhmah na tun sak nadingun na ngaihsun ding uh hi.

Thu-hilhkikna 5:11

“Topa na Pasian’ min na zangkhai zat kei ding hi: bang hang hiam cih leh Topa in ama min a zangkhai zat mi a mawh lo hi, ci lo ding hi.

Thu-hilhkikna 6:13

Topa na Pasian uh na zahtak ding uh hi; ama na bek na sem ding uh a, ama min tawh na kiciam ding uh hi.