Mattiu 5:31 - Tedim Bible

³¹ “A zi a ma nuam peuhmah in kikhenna lai pia ta hen,’ a cihna thu a om zo hi.

Tedim Bible Revision 2017

³¹ “‘A zi a ma mi peuhmah in a zi tungah makna lai pia tahen,’ ci-in a kigenna zong na zak khit sa uh ahi hi.

Mattiu 5:31 Iomraidhean Croise

Jeremiah 3:1

“Mi khat in a zi ma hen la, tua nu in zong amah nusia-in, pasal dang khat’ zi suak leh, a pasal masa in tua nu la kik thei ding ahi hiam? Tua gam teng a nin suaksak khin ding hilo ahi hiam? Nang in numei paktat suak-in mi tampi tawh kingai khin zo napi cin tu’n kei’ kiang hong zuankik ding na hi hiam? Topa in kong ci hi.

Malakhi 2:16

Vanglianpen Topa in hih bangin ci hi: “Zi makna ka deih kei a, mi khatpeuh in a khangno lai-a a teen’pih a zi tungah tua bang gitlohna a gamtatna ka mudah hi. Tua ahih ciangin hoih takin kidawm un la, a citak dingin na zite uh tungah na thuciamna uh palsat kei un,” ci hi, a ci hi.

Mattiu 19:3

Farisaite in a kiangah va nai uh a, “Thu khempeuh hangin zi a mak tuak hiam?” ci-in a ze-et nadingin a dot uh ciangin,

Mattiu 19:7

Amaute in, “Tua bang ahih leh, kikhenna lai pia-in, a zi ma hen,’ ci-in Moses in bang hangin thu a pia hiam?” ci-a a dot uh ciangin,