Mattiu 5:3 - Tedim Bible

³ “Lungsim niamkhiatte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.”

Tedim Bible Revision 2017

³ “Kha thu lamah zawngkhal a kisate sungah vantung ki-ukna thu om ahih manin thupha ngah mi ahi uh hi.

Mattiu 5:3 Iomraidhean Croise

2 KHANG TANGTHU NIHNATE 33:12

Amah a lungkham ciangin Topa a Pasian’ maipha kunh-in a pu a pate’ Pasian mai-ah nakpi takin amah kiniamkhiat hi.

2 KHANG TANGTHU NIHNATE 33:19

Tua ciangin ama thungetna, leh ama kutna Pasian in a san’na, leh ama khialhna leh a cihtaklohna khempeuh, leh amah a kiniamkhiat ma-in mual dawn a, biak piaknate bawlin Asherahte leh milimte a koihna munte, en in, Thu-mu-te’ Khang Tangthu sungah kigelh hi.

2 KHANG TANGTHU NIHNATE 33:23

A pa Manasseh a kiniamkhiat bangin Topa mai-ah amah kiniamkhiat lo a, hih Amon in mawhna tam piangsak semsem hi.

2 KHANG TANGTHU NIHNATE 34:27

hih mun leh a tunga teengte langpan’na ama kammal na zak ciangin na lungsim kisikin Pasian mai-ah na kiniamkhiat a, keima mai-ah nang kiniamkhiatin na puante balkekin ka mai-ah kap na hih manin, kei zong nang kong za hi, Topa in ci hi.

2 KHANG TANGTHU NIHNATE 7:14

keima minin a kisam ka mite amau mahmah kiniamkhiatin, thu ngenin ka mai hong zong a, amau’ gitlohnate panin a kihei uh leh, tua ciangin keimah in vantung panin ka za ding a, amaute’ khialhna maisakin a leitang uh ka hoihsak kik ding hi.

JOB (Job) 42:6

Tua ahih ciangin ka paunasate khempeuh hangin ka maizum a, tu-in vut leh vai khu-in nakpi takin ka kisik hi,” a ci hi.

Late 1:1

Mi nuamsa i cih in, migilote’ thu a zui lo mi, mimawhte’ lampi-a ding lo mi, mi a thusim lote’ phual-a tu lo mi;

Late 112:1

Topa phat un. Topa zahtak-in ama thupiaknate nuam a sa mahmah mi in thupha ngahpa ahi hi!

Late 128:1

Topa zahtak-in ama thu a zui mi khempeuh thupha ngah mi ahi hi!

Late 146:5

Jakob’ Pasian pen ama huhpa hi-in, ama Topa Pasian, a muangpa in mi lungdam ahi hi.

Late 34:18

Lungsim kitamzante kiangah Topa om a, lungsim zan-gawpte hon hi.

Late 41:1

Mi gentheite a khual mi in thupha ngah ahi hi. Topa in haksatna hunah amah honkhia hi.

Late 51:17

Pasian’ san’ theih biakna in lungsim kitamzan hi; Pasian aw, a kitamzan, a kisik lungsim na simmawh kei ding hi.

Late 84:12

Mi honte Topa aw, nangmah hong muang mi in thupha ngah mi ahi hi!

Paunak 16:19

Mi kihisak tawh kipawlin van kisutte ngahna sangin, mizawngte tawh kikhawlin mi neu-a om hoihzaw hi.

Paunak 29:23

A kiphasakte in niamkhiatna thuak ding a, a kiniamkhiatte in pahtawina ngah ding hi.

Paunak 8:32

“Tate aw, tu-in ka thugen hong ngai un la, kong gente zui le-uh cin thupha na ngah ding uh hi.

Isaiah 30:18

Tua ahih ciangin note hehpih nuamin Topa in hong ngak hi; note tungah hehpihna hong lah ding amah kipakta hi. Bang hang hiam cih leh Topa pen a thutang Pasian ahi hi; amah a muangte khempeuh thupha ngah ahi hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

Micah 6:8

Mun khempeuh-a om no mihingte aw, Topa in a hoih nate hong gen khin zo hi. Topa in note tung panin hong kalh nate in: thuman thute sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

Mattiu 11:25

Tua ciangin Zeisu in, “Vantung leh leitung a uk ka Pa aw, nangmah in hih nate mipilte leh misiamte kiangah im-inah, naupangte tungah lak na hih ciangin na hehpihna ka phat hi.

Mattiu 11:6

Keimah hangah puk nading a nei lo peuhmah in thupha a ngah ding uh hi,” a ci hi.

Mattiu 13:16

Note na mittang un mu thei ahih ciangin thupha na ngah ding uh hi. Na bil un khua za ahih ciangin, thupha na ngah ding uh hi.

Mattiu 19:14

Zeisu in, “Naupangte omsak ta un. Ka kiangah hong pai ding uh kham kei un. Bang hang hiam na cih uh leh, Vantung Gam in tua bangte gam ahi hi,” a ci hi.

Mattiu 24:46

A topa hong ciah ciangin tua banga a om a muh nasempa in thupha a ngah ding hi.

Mattiu 25:34

Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

Mattiu 3:2

Tua ahih ciangin na mawhna uh kisik kik ta un,” ci-in Judah gam, gampa lakah a hilh hi.

Mattiu 8:11

Ke’n kong cih-inah, mi tampi in nisuahna lam, nitumna lam panin hong pai-in, Abraham, Isaak leh Jakobte tawh Vantung Gam sungah a tukhawm ding uh hi.

Marka 10:14

Zeisu in a muh ciangin heh a, “Naupangte omsak ta un. Ka kiangah hong pai ding uh kham kei un. Bang hang hiam na cih uh leh, Pasian Gam in tua bangte gam ahi hi.

Luka 11:28

Zeisu in, “Pasian thu za a, a mangte in thupha a ngah zaw ding hi,” ci-in a gen hi.

Luka 18:14

Ke’n kong cih-inah, hihpa in mawhmaisakna ngahin innah a ciah hi. Farisaipa in ahih leh, mawhmaisakna a ngah kei hi. Bang hang hiam na cih uh leh, amah leh amah a kiphat mi khempeuh in niamkhiatna a ngah ding hi. A kiniamkhiatte in minphatna a ngah ding uh hi,’” a ci hi.

Luka 22:29

Ka pa in Kumpi Gam khat hong piak mah bangin;

Luka 22:30

note zong keima Gam sungah ka sabuai ah an ne-in tui na dawn theih nadingun note thu kong pia ding hi. Note in thukhen tokhom tungah tu-in, Israel mipawl sawm leh nihte tungah thu na khen ding uh hi,” a ci hi.

Luka 4:18

“Topa’ Kha Siangtho in keima tungah a om hi. Bang hang hiam i cih leh, mizawngte kiangah Lungdamna Thu zasak dingin hong sawl zo hi. A kiman a kikhum mite a kikhah nading ahi zongin, Mittawte in khua a muh kik theih nading ahi zongin, Bawlsiatna a thuak mite khah nading ahi zongin,

Johan 20:29

Zeisu in, “Nong muh man-inah um na hi hiam? Hong mu lo napi-in a um mite in thupha a ngah uh hi,” a ci hi.

Thu-hilhkikna 8:2

A thupiakte na zui uh hiam na zui kei uh hiam cih a theih nadingin note hong niamkhiatin na lungsim uhah bang om hiam cih a theih nadingin Topa na Pasian un gamlakah hih kum sawmli sung note hong paipihna lampi khempeuh na ciamteh ding uh hi.

Jeim 1:10

Sumhau sanggam in kiniamsakna a thuakna ah kilungdamsak thei ta hen. Bang hang hiam na cih uh leh, amah in lopa paak bangin mangthang hi.

Jeim 1:12

Ze-etna a thuak zo mi in thupha a ngah ding hi. Bang hang hiam na cih uh leh, ze-etna a thuak zawh khit ciangin Topa in a it mite a ciamna bangin nuntakna kumpi lukhu a ngah ding hi.

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

Mangmuhna 19:9

Tua lai takin vantungmi in, “Tuuno’ zipina pawi-ah a kisam mite thupha ngah ahi uh hi,” ci-in na gelh in ci-in ahi zongin, “Hih kam in Pasian’ thuman thu ahi hi, ci-in ahi zongin a hong gen ciangin,

Mangmuhna 22:14

“Nuntakna kung kiangah pai ding kilawm a, khuapi sungah khuapi kongpi pan tum theih nading thu ngah nadingin, amau puan uh a sawpsiang mite in thupha ngah mite ahi uh hi.

Mangmuhna 3:17

Kei in ka hau hi, sumte nate nei-in sapna a om nawn kei hi na cih hangin pumpi lunggimna, hehpihhuaina, zawnna, mittawtna, puan neih lohna na thuak lamtak thei na hih ciangin,