Mattiu 5:18 - Tedim Bible

¹⁸ Aman takpi kong cih-inah, van leh lei a mangthang zongin thu khempeuh a kicin’ matengin Pasian’ Thukham a neupen nangawn kisia ngei lo ding hi.

Tedim Bible Revision 2017

¹⁸ Hoihtakin na phawk ding uh thu panin: Vanlelei a bei mateng, hih thukhamte a neu pen khat nangawnʼ deihna tangtung lopi-in mawk mai lo ding hi.

Mattiu 5:18 Iomraidhean Croise

Late 102:26

Amaute sia ding a, ahih hangin nang na kip hi; amaute pen puan bangin paatkhia ding hi. Nangmah in amaute pen puan bangin na kheek a, amaute maimang uh hi;

Late 111:8

A tawntungin tuate kip ngitnget a, thuman leh thutang tawh zuih ding ahi hi.

Late 119:152

Tuate a tawntunga kip dinga na bawl ahihna thu, nangma thuhilhnate panin sawtpi-in ka thei hi.

Isaiah 40:8

Lopa vul a, paak pulh hi; ahih hangin i Pasian’ thu kho tawntung ding hi.

Isaiah 44:26

a nasempa’ thu kip sakin, a kamtaite’ thugente a tangtungsak; ‘Jerusalem khua-ah mi teengin, Judah khuapite kilamkik ding a,, a kisia khuate ka lamkik ding hi’;

Isaiah 51:6

Dakto-in vantungte en un la, leitung zong ensuk un; bang hang hiam cih leh vantungte in meikhu bangin mangthang-in, leitung in puan bangin paatkhia ding a, ama tunga teengte pen thokang bangin si ding uh hi; ahih hangin keima hotkhiatna kip tawntung ding a, keima dikna bei ngei lo ding hi.

Mattiu 10:15

Ke’n aman takpi kong cih-inah, thukhen ni ciangin tua khua in, Sodom leh Gomorrah khuate sangin a thuakzaw ding hi.”

Mattiu 10:23

Khua khatah note hong bawlsiat uh leh, khua khatah na tai un. Ke’n aman takpi kong cih-inah, Israel khua khempeuh na vak kim khit ma-un Mihing Tapa hong pai ding hi.”

Mattiu 10:42

Keima thu zui ahih maninah, hih naupang a neupen tui hai khat a pia peuhmah in, aman takpi kong cih inah phattuamna ngah loin a om kei ding hi,” ci-in Zeisu in a gen hi.

Mattiu 11:11

Ke’n aman takpi kong cih-inah, numei sung pan a suakte lakah Baptaizpa Johan sanga lianzaw khat beek a om kei hi. Ahih hangin Vantung Gam sungah a neupen in tuapa sangin a lianzaw hi.

Mattiu 13:17

Ke’n aman takpi kong cih-inah, na muhte uh Pasian’ kamsangte leh misiangthote tampi in a muh nop uh hangin a mu kei uh hi. Na zakte uh a zaknop uh hangin a za kei uh hi.

Mattiu 16:28

Ke’n aman takpi kong cih-inah, Mihing Tapa, ama Gam sungah hong pai kik, hih san takah a ding mi kimkhat in a muh matengun a si kei ding uh hi,” ci-in a nungzuite kiangah a gen hi.

Mattiu 17:20

Zeisu in, “Na upna uh a neu hang hi. Ke’n aman takpi kong cih-inah, note in ankamtang khat cia bang upna nei le-uh teh hih mual kiangah, “Kinkhia in,’ na cih uh leh, kikhin ding hi.

Mattiu 18:18

“Ke’n aman takpi kong cih-inah, leitungah na hen peuhmah, vantungah a kihen ding hi. Leitungah na phel peuhmah vantungah a kiphel ding hi.

Mattiu 18:3

“Ke’n aman takpi kong cih-inah na kikheel uh a, hih naupangno bang na suah kei uh leh, Vantung Gam sungah na tum zo kei ding uh hi.

Mattiu 19:23

Zeisu in, “Ke’n aman takpi kong cih-inah, sumhaute in Vantung Gam sung lut nading a haksa mahmah hi.

Mattiu 19:28

Zeisu in, “Ke’n aman takpi kong cih-inah, na khempeuh a thak kibawl kik a, Mihing Tapa in vangliatna tokhom tungah a tut ciangin ka nung hong zui note in thukhen tokhom sawm leh nih tungah tu-in, Israel mipawl sawm leh nihte tungah thu na khen ding uh hi.

Mattiu 21:21

Zeisu in, “Ke’n aman takpi kong cih-inah, note in um khial loin upna taktak na neih uh leh, hih theikung tungah ka hih bangin na bawl thei uh tham loin, hih mual kiangah, ‘Na omna pan na kinkhia in la, tuipi sungah na kipaai in,’ ci le-uh teh na cih uh mah bangin a piang ding hi.

Mattiu 21:31

Tua tate gel koi pen in a pa’ deihna banga ta ahi hiam?” ci-in a dot ciangin amaute in, “A tapa upa pen a ta hi,” a ci uh hi. Zeisu in, “Ke’n aman takpi kong cih-inah, phiangsiah dongte leh numei gilote in Pasian Gam sungah note sangin a lut masa zaw ding uh hi.

Mattiu 23:36

Ke’n aman takpi kong cih-inah, hih thu khempeuh in hih khang mite tungah a tung ding uh hi.”

Mattiu 24:2

Zeisu in, “Hihte khempeuh mu hilo na hi uh hiam? Ke’n aman takpi kong cih-inah, a kiphelkhia loin suang khat tungah suang kiciang khat beek a om kei ding hi,” a ci hi.

Mattiu 24:47

Ke’n aman takpi kong cih-inah, a topa in a sum khempeuh tua nasempa a uksak ding hi.

Mattiu 25:12

Topa in, ‘Ke’n aman takpi kong cih-inah, note kong thei kei hi,’ a ci hi.

Mattiu 25:40

Kumpipa in, ‘Ke’n aman takpi kong cih-inah, note in ka sanggamte ahi hih mineupen khat tungah na bawl uh ciangin, kei tungah zong hong bawl na hi uh hi,’ a ci ding hi.

Mattiu 25:45

Kumpipa in, ‘Ke’n aman takpi kong cih-inah, hih mite laka a neupen khat tungah na bawl loh uh ciangin, kei tungah zong hong bawl lo na hi uh hi,’ a ci ding hi.

Mattiu 5:26

Aman takpi kong cih inah, na liau ding dangkasan a khitna na piak khit matengin thong sung pan na paikhia thei kei ding hi.”

Mattiu 6:16

“Note in an na tan’ uh ciangin, mi simtatte bangin na mai uh vulsak kei un. Bang hang hiam na cih uh leh, amau in antang ahih uh mite theih ding a ut manun a mai a siasak uh hi. Ke’n aman takpi kong cih-inah, amau in a phattuamna uh a ngah zo uh hi.

Mattiu 6:2

“Tua ahih ciangin, note in hehpihna na piak uh ciangin mi simtatte in phatna a ngah nop manun, kikhopna inn sung leh lam lai-a a mai-ah peengkul a tumsak uh bangin na hih kei un. Aman takpi kong cih-inah, amau in a phattuamna uh a ngah zo uh hi.

Mattiu 8:10

Zeisu in tua thu a zak ciangin lamdang sa a, “Ke’n aman takpi kong cih-inah, hih zah alian upna Israel mipawl lakah ka mu ngei kei hi.

Marka 10:15

Ke’n aman takpi kong cih-inah, naupang bangin Pasian Gam a sang lo mi peuhmah in tua gam sungah a lut kei ding uh hi,’ ci-in thu a gen hi.

Marka 10:29

Zeisu in, “Ke’n aman takpi kong cih-inah, kei hang ahi zongin, Lungdamna Thu hang ahi zongin a inn, a sanggampa, a sanggamnu, a nu a pa,

Marka 11:23

Ke’n aman takpi kong cih-inah, mi khatpeuh mah in a lungsim sungah um khial lo a, ama cih bangin piang ding, ci-in a up leh, hih mual kiangah, ‘Na omna pan na khinkhia in la, tuipi sung kiden’na in,’ a cih leh, a cih mah bangin a piang ding hi.

Marka 12:43

Zeisu in a nungzuite sam a, “Ke’n aman takpi kong cih-inah, sumkholna sungah a khia mi khempeuh lak panin tua a zawng meigong in tam a khia bel hi.

Marka 13:30

Ke’n aman takpi kong cih-inah, hih khang mite a beima-in, hih thu khempeuh hong piang ding hi.

Marka 14:18

Tu-a an a nek lai takun Zeisu in, “Ke’n aman takpi kong cih-inah, note lakah kei tawh an a ne khawm khat in kei hong lehheek ding hi,” a ci hi.

Marka 14:25

Ke’n aman takpi kong cih-inah, leenggahtui Pasian Gam sungah ka nek thak ni matengin tu-a kipan ka dawn nawn kei ding hi,” a ci hi.

Marka 14:30

Zeisu in, “Ke’n aman takpi kong cih-inah, tuzan aak nihvei a khuan’ ma-in thumvei na hong nial ding hi,” a ci hi.

Marka 14:9

Ke’n aman takpi kong cih-inah Lungdamna Thu hilhna leitung khempeuh ah hih numei a kingaihsut nadingin ama hong bawlna thu a kigen ding hi,” a ci hi.

Marka 3:28

“Ke’n aman takpi kong cih-inah mawhna leh Pasian gensiatna khempeuh maisak nading thu mite in a ngah ding uh hi.

Marka 6:11

Mun khat peuhah mite in hong nolh a, na thu uh a ngaih kei uh leh, amau omna pan na paikhiat uh ciangin, amau lang khatah teci pang dingin, na khepeek nuai uh ah leivuite na singkhia un,” ci-in thu a pia hi.

Marka 8:12

Zeisu in a lungsim sungah khuisa a, “Hih khang mite in bang hangin lim a ngen uh hiam? Ke’n aman takpi kong cih-inah, hih khang mite ading lim a kilak kei ding hi,” a ci hi.

Marka 9:1

“Ke’n aman takpi kong cih-inah, Pasian Gam in vangliatna tawh hong tung, hih santakah a ding mi kimkhat in a muh matengin a si kei ding uh hi,” a ci hi.

Marka 9:41

Khazih’ mi na hih manun ah tui hai khatpeuh hong pia mi in, aman takpi kong cih-inah, noptuamna ngah loin a om kei ding hi.”

Luka 11:51

Ahi hi. Ke’n kong cih-inah, tua si tu lai khang mite tungah a kisiik ding hi.

Luka 12:37

Topa hong ciah ciangin, ngakin a om nasemte in thupha a ngah ding uh hi. Ke’n aman takpi kong cih-inah, topa in a kawng gakin tua naseemte an ne dingin tusak a, hong pai-in amaute a vak ding hi.

Luka 13:35

En in, na inn in mi om lo gam simthamin kinusia ding hi. Ke’n kong cih-inah: ‘Pasian’ min tawh hong paipa in thupha ngah ta hen,’ na cih matengin kei nong mu kei ding hi,” a ci hi.

Luka 16:17

Ahih hangin Pasian’ Thukham neupen a kipaihkhiat ding sangin, van leh lei a man’than nading a baihzaw ding hi.”

Luka 18:17

Ke’n aman takpi kong cih-inah, naupang bangin Pasian’ Gam a sang lo peuhmah in tua gam sungah a lut kei ding uh hi,” a ci hi.

Luka 18:29

Zeisu in, “Ke’n aman takpi kong cih-inah, Pasian’ Gam hangin a inn, a zi, a sanggamte, a nu a pa, a tate a nusia leh,

Luka 23:43

Zeisu in, “Ke’n aman takpi kong cih-inah, tuni-in nangmah in kei tawh Paradis ah na omkhawm ding hi,” a ci hi.

Luka 4:24

Ke’n aman takpi kong cih-inah, kamsang kuamah peuhmah ama gamah mite in a deih kei uh hi.

Johan 1:51

Ke’n aman takpi kong cih-inah, van kihongin Pasian’ vantungmite in Mihing Tapa tungah kahsuk kahto a, om na mu ding hi,” a ci hi.

Johan 10:1

“Ke’n aman takpi kong cih-inah, tuukhumna sungah kongpi lam pan lut lo a, lamdang pan kahto-a a lut mi in guta buluh ahi hi.

Johan 10:7

Tua ahih ciangin khatvei Zeisu in, “Ke’n aman takpi kong cih-inah, keimah in tuukhumna kongpi ka hi hi.

Johan 12:24

Ke’n aman takpi kong cih-inah, buhhum khat in lei tungah kia-a a sih kei leh, amah bek a om ding hi. Ahih hangin a sih leh, tampi a gah thei ding hi.

Johan 13:16

Ke’n aman takpi kong cih-inah, sila in a topa sangin a lianzaw kei hi. Sawltak in a sawlpa sangin a lianzaw kei hi.

Johan 13:38

Zeisu in, “Kei adingin na nuntakna na paai ding hiam? Ke’n aman takpi kong cih-inah, thumvei na hong nial ma-in aak a khuang kei ding hi,” ci-in a gen kik hi.

Johan 14:12

“Ke’n aman takpi kong cih-inah, kei hong um mi in ka bawl bang nate bawlin tua sangin a lianzaw a bawl ding hi. Bang hang hiam na cih uh leh, Pa kiangah ka ciah ding hi.

Johan 16:20

Ke’n aman takpi kong cih-inah, note kapin na kiko ding uh hi. Leitung mite ahih leh, a lungdam ding uh hi. Note na dah ding uh hangin, na dahna uh lungdamna a suak ding hi.

Johan 16:23

Tua ni ciangin kei kiangah bangmah nong dong kei ding uh hi. Ke’n aman takpi kong cih-inah, note in keima min tawh Pa kiangah thu na nget khempeuh uh a hong pia ding hi.

Johan 21:18

Ke’n aman takpi kong cih-inah, nang na tangval lai-in na kawng gakin, na utna mun khempeuh ah na pai thei hi. Ahih hangin na teek ciangin na khut zan-inah midangte in nang hong hen ding uh a, na ut lohna munah hong paipih ding uh hi,” a ci hi.

Johan 3:11

Ke’n aman takpi kong cih-inah, kote in ka theih uh thu ka gen uh hi. Ka muhte uh teci ka pang uh hi. Ahih hangin kote’ teci pan’na na mang kei uh hi.

Johan 3:3

Zeisu in, “Ke’n aman takpi kong cih-inah, mi khatpeuh mah in khatvei a suahkik kei leh, Pasian’ Gam a mu thei kei ding hi,” a ci hi.

Johan 3:5

Zeisu in, “Ke’n aman takpi kong cih-inah, mi khatpeuh in tui leh Kha Siangtho tawh a suakkik kei leh, Pasian’ Gam sungah a tum thei kei ding hi.

Johan 5:19

Tua ahih ciangin Zeisu in, “Ke’n aman takpi kong cih-inah, Tapa in ama deih bangin a hih thei kei hi. Pa’ hihna a muh bangin a bawl thei hi. Pa in a bawl mah bangin Ta in zong a bawl hi.

Johan 6:26

Zeisu in, “Ke’n aman takpi kong cih-inah, note in nalamdang na muh manun kei hong zong na hi kei uh hi; khomun na ne uh a, na kham uh ciangin hong zong na hi uh hi.

Johan 6:32

Tua ahih ciangin, Zeisu in, “Ke’n aman takpi kong cih-inah, vantung pan khomun a piapa in Moses ahi kei hi; ka Pa in vantung khomun taktak note hong pia hi.

Johan 6:47

Vantung pan hong paipa in Pa a mu zo hi. Ke’n aman takpi kong cih-inah, a hong umte in nuntak tawntungna a nei uh hi.

Johan 6:53

Zeisu in, “Ke’n aman takpi kong cih-inah, Mihing Tapa’ sa ne-in a si na dawn kei uh leh, note sungah nuntakna a om kei ding hi.

Johan 8:34

Zeisu in, “Aman takpi kong cih-inah, ‘Mawhna a bawlte khempeuh in mawhna’ sila ahi uh hi.

Johan 8:51

Ke’n aman takpi kong cih-inah, mi khatpeuh in ka thu a ngaih leh, sihna tawh a tawntungin a kipelh ding hi,” a ci hi.

Johan 8:58

Zeisu in, “Ke’n aman takpi kong cih-inah, Abraham’ pian’ ma-in kei ka om hi,” a ci hi.

1 PETER MASA 1:25

Pasian’ thu ahih leh, a kip tawntung ding hi.” Tua thu in note kiangah hong kihilh Lungdamna Thu ahi hi.

Mangmuhna 20:11

Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.