Mattiu 5:17 - Tedim Bible

¹⁷ “Thukhamna leh Pasian’ kamsangte’ thu siasak dingin hong pai hi ci-in hong um kei un. Siasak dinga hong pai ka hi kei hi. A kicingsak dingin hong pai ka hi hi.

Tedim Bible Revision 2017

¹⁷ “Moses Thukham le kamsangteʼ thuhilhnate a phiat dingin hong pai hi, ci-in hong ngaihsun kei un. Tuate a phiat dingin a hong pai hi loin, amauteʼ hilhna a kicingsak dingin a hong pai ka hizaw hi.

Mattiu 5:17 Iomraidhean Croise

Isaiah 42:21

Ama dikna a khual manin Topa in a thukham liansakin vanglian sak nuam hi.

Mattiu 3:15

Zeisu in, “A dik thu khempeuh i zuih ding a kilawm ahih ciangin tu-in thu hong mang in,” a ci hi. Tua ciangin Johan in a mang hi.

Mattiu 7:12

Tua ahih ciangin, nang tungah hong kibawl ding na deih bangin, midangte tungah na bawl in. Hih thu in Pasian’ Thukham leh Pasian’ kamsangte thu sung pan a bulpi ahi hi.”

Luka 16:17

Ahih hangin Pasian’ Thukham neupen a kipaihkhiat ding sangin, van leh lei a man’than nading a baihzaw ding hi.”

Johan 8:5

Thukhamna sungah hih bang mi, ‘Suang tawh deenglum un,’ ci-in Moses in thu hong vaikhak hi. Ahih hangin nang bang na ci hiam?” a ci uh hi.

Sawltak 18:13

“Hih pa in ngeina hi lopi-in Pasian biak nading mite a zol hi,” a ci uh hi.

Sawltak 21:28

mi honpite hansuahin, “Israel mite aw, hong huh un! Hih pa in ei mi pawlte ahi zongin, Thukhamna ahi zongin, hih mun ahi zongin, a kituak loin bawl a, mun khempeuh ah mi vekpi kiangah thu a hilh hi. Tua tham loin Grik mite biakna innpi sungah lut sakin, hih mun siangtho a nin sak hi,” ci-in a man uh hi.

Sawltak 6:13

Mizuau tecite a sam uh a, tuate in, “Hih mi in hih mun siangtho leh Thukham khempeuh tungah a simmawh tawntung hi.

ROM (Romans) 10:4

Bang hang hiam na cih uh leh, thu-um mi khempeuh in a dik nadingun thukham’ mong in Zeisu ahi hi.

ROM (Romans) 3:31

Tua ahih leh, upna hangin eite in thukham paaikhia i hi hiam? Tua bang hi lo hi. Thukham i kip sak hi.

ROM (Romans) 8:4

Bang hang hiam na cih uh leh, ci leh sa deihna zui loin Pasian’ Kha Siangtho’ deihna zui-in a nungta eite tungah a Thukham hanciamna thu a tun’ nading hi.