Mattiu 5:16 - Tedim Bible

¹⁶ Tua mah bangin, midangte in na gamtatna phate a muh uh ciangin, vantungah a om na Pa uh Pasian’ min a phat nadingun, na khuavak uh mite mai-ah na tangsak un.”

Tedim Bible Revision 2017

¹⁶ Midangte in na gamtatna hoihte uh a muh ciangin vantungah a om na Pa uh min a phat theih nadingun mite mai ah na gamtat hoihna uh khuavak bangin na kilangsak un.

Mattiu 5:16 Iomraidhean Croise

Paikhiatna 34:35

Israel mite in Moses’ maitang, vun a taang mu uh hi; amah tawh kiho dingin a pai matengin Moses in kiliahna puan tawh a maitang khuhkik hi.

Paunak 4:18

Ahi zongin thuman mite’ zuih lampi ahih leh, sun dong a taang pha semsem zing khuavak tung tawh kibang hi.

Isaiah 58:8

Tua ciangin ka maipha pen phalvak tung bangin note tungah hong taang khia ding a, manlang takin na liamnate uh hong dam ding hi. Note dikna na mai uh ah om ding a, note hong honin, na nung uh kong dal ding hi.

Isaiah 61:3

amaute pen a thuman mite kici-in, amah a kiminthan’sak theih nadingin Topa’ suan kungte a kicih theih nadingin, Zion ah a om a dah mite tungah vut tawh kibuak a, lukhu khuk tangin a hoih kumpi lukhu khuksak nading, tauna tangin lungdamna sathau nilhsak theih nading, a lunggimna tangin Pasian phatna puan a silh theih nadingun amah in kei hong sawl zo hi.

Mattiu 23:5

Amaute gamtatna khempeuh, mi mai-ah a kilat nadingin ahih uh hi. Amaute in a taubuh leh baanbuh liansak uh a, a puan mong teepkai a sausak uh hi.

Mattiu 23:9

Leitungah kuamah, ‘Pa,’ na ci kei un, Vantungah a om na Pa uh khat bek a om hi.

Mattiu 5:45

Bang hang hiam na cih uh leh, Pasian in miphate leh migilote tungah ama ni a tangsak kim hi. Misiangthote leh misiangtho lote tungah guah a zusak kim hi.

Mattiu 6:16

“Note in an na tan’ uh ciangin, mi simtatte bangin na mai uh vulsak kei un. Bang hang hiam na cih uh leh, amau in antang ahih uh mite theih ding a ut manun a mai a siasak uh hi. Ke’n aman takpi kong cih-inah, amau in a phattuamna uh a ngah zo uh hi.

Mattiu 6:9

Tua ahih ciangin, thu na nget uh ciangin hih bangin na ngen un: ‘Vantunga a om kote Pa aw, nangma min siangtho ta hen.

Mattiu 9:8

Mihonte in a muh uh ciangin a lau uh a, hih bang bawl theih nading thu mi tungah a pia Pasian a phat uh hi.

Luka 11:2

Zeisu in, “Note in thu na nget uh ciangin hih bangin na ngen un: ‘Pa aw, Nangma min siangtho ta hen; Na Gam hong piang ta hen;

Johan 15:8

Note in tampi na gah uh leh, ka Pa’ minthan’na na kilangsak ding uh a, note in ka nungzuite na hi takpi ding uh hi.

Sawltak 9:36

Joppa khua-ah Dorkas a cihnopna ahi Tabitha min nei, nungzui a suak numei khat a om hi. Tua numei in a pha gamtatna leh mi hehpihna lungsim a nei hi.

1 KORIN MASA 14:25

Tua pa in a lungsim sunga a selsim khempeuh kilang khia-in, amah in, “Pasian in note lakah a om takpi hi,” ci-in genin, bokin Pasian a bia ding hi.

2 KORIN NIHNA 9:13

Note in Khazih’ Lungdamna Thu deihna-ah a kilanga na zuih uh ahi zongin, tua misiangthote-a kipan mi khempeuh hehpihna lungsim tawh hawmin na piakna uh ahi zongin, amau in a ngaihsut uh ciangin tua kivakna lim teci paulamin Pasian’ hehpihna a phat thei uh hi.

Galati 1:24

keimah hangin Pasian’ min a phat uh hi.

Efesa 2:10

Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.

Efesa 5:8

Bang hang hiam na cih uh leh, nidang lai-inah note in khuamial na hi uh hi; tu-in na hih uh leh, Topa sungah khuavak na hi uh hi. Tua ahih ciangin khuavak’ tate bangin na gamta un.

1 TIMOTI MASA 5:10

na pha sem a, maipha a ngah, a tate a khoi thei, zin a do thei, mi siangthote’ khe a sil thei, gimna thuakte a hehnem thei, nasepna a pha khempeuh a sem thei numei ahih leh, tua numei a min na khum ta in.

1 TIMOTI MASA 5:25

Tua mah bangin a kilang gamtatna hoih a om thei hi, a kilanglo gamtatna hoih a kiseel zo kei hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Titu 2:7

Na khempeuh ah gamtatna pha lim, nangmah mah in na pumpi-in na lak in. Thu na hilh ciangin kheemna thu om loin, khuaval zulhtat loin, mawhsakna om lo thu siangtho na hilh in.

Titu 3:14

I mite in zong a gah nei lo mi hi loin, kisapnate a ngah nadingun, gamtatna ahoih a hih tawntung nadingun sin uh hen.

Titu 3:4

Eite Honpa Pasian’ hehpihna leh mite a hong itna hong kilat ciangin,

Hebru 10:24

Tua tham loin, itna lungsim neih nading ahi zongin, a pha-a gamtat nadingin kihansuah nading ahi zongin, khat leh khat kidomto ni.

1 PETER MASA 2:12

Gentailte in gitlohna a bawl mite ci-in note hong kosiat uh hangin Pasian in hong en a, thu a khen ni ciangin na gamtatna uh a pha amaute in a muh uh ciangin Pasian’ min a phat nadingun, amaute mai-ah a kilawm a kituakin na gamta un.

1 PETER MASA 2:9

Note na hih uh leh, khuamial sung pan a lamdang khuavak sungah a hong sampa’ vanglian hehpihna na lahkhiat nadingun, a hong teel mi pawl, man’na nuam a nei siampi pawl, mi siangtho pawl, Pasian in a uk, a neih mi pawlte na hi uh hi.

1 PETER MASA 3:1

Tua mah bangin zite aw, na pasalte’ ukna uh na mang un. Tua ahih ciangin Pasian thu a ngai lo pasal kim khat a om uh leh, tuate in kihtakna tawh kipawl na gamtatna siangtho uh a muh uh ciangin, Pasian’ thu hang hi lo, amau zite gamtatna pha hangin amaute kingah ding uh hi.

1 PETER MASA 3:16

Khazih-ah note gamtat hoih uh a simmawhte in hong kosiat ciangin, note pumpi uh a maizum loh nadingun note lungsim kisuan’na om lo, siangtho-in na om un.

1 PETER MASA 4:11

Pasian in na khempeuhah Topa Zeisu hangin phatna a ngah theih nadingin, mi khatpeuh in thu a hilh leh, Pasian’ thupiak bangin hilh ta hen; mi khatpeuh in na a sep leh, Pasian piak tha bangin sem ta hen. Tua Pasian in a tawntungin minthan’na leh vangliatna nei ta hen. Amen.

1 PETER MASA 4:14

Khazih’ min hangin kosiatna na thuak uh leh, thupha na ngah ding uh hi. Bang hang hiam na cih uh leh, minthan’na tawh kipawl kha ahi Pasian’ Kha Siangtho in note tungah a om hi.