Mattiu 5:12 - Tedim Bible

¹² Lungdamin na nuam un. Bang hang hiam na cih uh leh, Vantung Gamah a lian noptuamna na ngah ding uh hi. Note pian’ ma a piang kamsangte zong tua mah bangin a bawlsia uh hi.”

Tedim Bible Revision 2017

¹² Note adingin vantungah thaman lianpi hong kikoih kholhsak ahih manin tua bang na tuah uh ciangin nuamin na lungdam un. Noteʼ hun ma-a kamsangte zong tua bangmahin a na kibawlsia ngei ahi hi.

Mattiu 5:12 Iomraidhean Croise

Piancilna 15:1

Hih thute khit ciangin mang sungah Topa’ thu Abram’ tungah hong tung a, Abram aw, lau kei in, keimah in nangma' lum ka hi hi; na thaman lian mahmah ding hi,” ci hi.

1 KUMPI MASATE 18:13

Jezebel in Topa’ kamsangte a thah lai-in Topa’ kamsangte mi zakhat, sawmnga sawmnga-in leihawm sungah seelin, amaute an leh tui tawh ka vaakna thu ka topa tungah hong kigen nai lo ahi hiam?

1 KUMPI MASATE 18:4

Jezebel in Topa’ kamsangte a hon thah lai-in Obadiah in kamsang za khat la-in sawmnga sawmnga-in leihawm sungah seel a, amaute an leh tui tawh vaak hi.)

1 KUMPI MASATE 19:2

Tua ciangin Jezebel in Elijah kiangah kamtai khat sawlin, “Zing ciang tu bang hunin amaute khat’ nuntakna bangin nangma nuntakna ka bawl kei taak leh pasiante in kei hong dawm kei ta hen,” cisak hi.

1 KUMPI MASATE 21:20

Ahab in Elijah kiangah, “Ka galpa aw, kei hong mu na hi hiam?” a ci hi. Amah in dawngin, “Topa muhna ah a sia gamta dingin nangmah kipia tawm na hih manin nangmah kong mu hi.

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih ding, Imlah’ tapa Mikaiah kici mi khat om lai hi; ahih hangin amah in kei’ thu a hoih gen ngei loin a sia gen ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

2 KUMPI NIHNATE 1:9

Tua ciangin kumpipa in ama kiangah mihing sawmnga a ukpa a mihing sawmnga tawh sawl hi. Mual dawn khatah a tu Elijah kiangah amah paito-in ama kiangah, “Pasian’ mipa aw, kumpipa in, ‘Hong paisuk hen,’ ci hi,” a ci hi.

2 KHANG TANGTHU NIHNATE 16:10

Tua ciangin thu-mupa tungah Asa heh a, amah kol bulhin thong sungah koih hi; bang hang hiam cih leh hih thu hangin ama tungah nakpi takin heh hi. Tua hun mahin Asa in mi pawl khat zong gitlohna tawh gimsak hi.

2 KHANG TANGTHU NIHNATE 36:16

ahih hangin a mite tungah Topa’ hehna a suah ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

Nehemiah 9:26

“‘Ahi zongin amaute in dem nopna lungsim nei-in nang hong lehdo uh hi; amaute in na thukham nungngat uh a, nangma lamah hong ciahkik nadingun amaute a hilhkhol na kamsangte that uh a, amaute in gendai-mawhna lianpi bawl uh hi.

Late 19:11

Tham loin tuate hangin na nasempa in thu phawkna ngah a, tuate zuihna-ah noptuam lian om hi.

Late 58:11

Mite in, “Thuman mi’ ading noptuamna om taktak a, leitunga thukhen Pasian khat om taktak hi,” ci ding uh hi.

Paunak 11:18

Migilote in a man nei taktak bangmah ngah lo a, thuman-a gamtate in pel loin thaman hoih ngah hi.

Isaiah 3:10

Amaute tungah thu hoih ding hi, ci-in thuman mite kiangah gen un, bang hang hiam cih leh amaute in amau gamtatna hoih a gah ne ding uh hi.

Jeremiah 2:30

Na tate uh thu hilh-in ka sat hangin a mawkna suak zo hi, amaute kibawlpha tuan lo uh hi; na namsaute un humpi an zong bangin na kamsangte uh a that khin zo uh hi.

Jeremiah 26:8

Mi khempeuh’ tunga Topa in gen dinga a sawl teng Jeremiah in a gen khit ciangin, siampite, kamsangte leh mi khempeuhte in a man uh a, “Nang na si ding hi.

Jeremiah 37:14

Tua ciangin Jeremiah in zong, “Hi lo hi’ng; Khaldea mite’ lamah ka tai sim kei ding hi,” a ci hi. Ahih hangin Irijah in ama’ cihna ngai loin Jeremiah man a, kumpi uliante’ kiangah a paipih hi.

Mattiu 16:27

Mihing Tapa in, a Pa vangliatna nei-in, vantungmite tawh hong paikhawm ding hi. Tua ciangin mi khempeuh a gamtatna ciat uh bangin a thuksak ding hi.

Mattiu 6:16

“Note in an na tan’ uh ciangin, mi simtatte bangin na mai uh vulsak kei un. Bang hang hiam na cih uh leh, amau in antang ahih uh mite theih ding a ut manun a mai a siasak uh hi. Ke’n aman takpi kong cih-inah, amau in a phattuamna uh a ngah zo uh hi.

Luka 13:34

“Pasian’ kamsangte that a, na kiangah hong kisawlte zong suang tawh a deeng Jerusalem, Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a; nang na ut kei hi.

Luka 6:23

Tua lai takin nuam un la, lungdamin na diang un. Bang hang hiam na cih leh, vantungah nop tuamna lian na ngah ding uh hi. A pute a pate un zong kamsangte tua bangin a bawlsia uh hi.

Luka 6:35

Note na hih uh leh, na galte na it un, amaute tungah thupha na bawl un. Na khatpeuh ka ngah ding hi ci-in lamen loin na leitawisak un. Tua bang na hih uh leh, na noptuamna uh lian ding a, Sang Bel Pasian’ tate na hi ding uh hi. Bang hang hiam na cih uh leh, amah in hehpihna a thukkik lo mi leh migilote a hehpih hi.

Sawltak 16:25

Zan kim lai takin Paul leh Silas in thungenin Pasian’ min phatna la a sa uh a, thongkia mite in a ngaih lai takun,

Sawltak 5:41

Tua ciangin sawltakte in Zeisu’ min hanga zumhuaina thuak dinga kilawm a kisak manun ah lungdamin, upa vaihawmna pan a paikhia uh hi.

ROM (Romans) 5:3

Tua tham loin gimna i thuak ciangin i lungdam hi. Bang hang hiam na cih uh leh, gimna in thuakzawhna a piangsak hi.

1 KORIN MASA 3:8

Ahih hangin a suanpa leh tui buakpa in mikhat ahi uh a, amau nasep bangin amau ciat in thaman a ngah ding uh hi.

2 KORIN NIHNA 4:17

Bang hang hiam na cih uh leh, kote maitangah a kilangte in tawlkhat bek kip a,

Filippi 1:29

Bang hang hiam na cih uh leh, note in ni danga na muh uh bangin, tu-in na zak uh bangin ka thuak galdona bangin, note in zong na thuak uh ahih ciangin Khazih upna bekah hi loin, ama hanginah gimna thuak nading zong thu na ngah uh hi.

Filippi 2:17

Tua tham loin, na piak uh biakna, note upna biakna tungah ka pumpi ka piakhia zongin, ka nuam hi; note khempeuh tawh ka lungdam khawm hi.

Kolose 1:24

Tu-in note adingin gimna thuakna ah lungdamin, Khazih’ gimna neu kha a kisam lai, pawlpi ahi ama pumpi adingin keima pumpi sungah hong kicingsak hi.

Kolose 3:24

Bang hang hiam na cih uh leh, Topa Khazih’ nasem na hih uh ciangin luahna ahi thaman tua Topa’ khut tung pan na ngah ding uh hi ci-in na thei un.

1 THESALONIKA MASA 2:15

Tua Judah mite in, Topa Zeisu akipan kamsangte a that zo uh hi. Kote zong hong hawlkhia uh a, Pasian lungsim tawh kituak loin mi khempeuh tawh zong kilem lo uh hi.

Hebru 10:34

Tua lai-in note in khihna a thuak mite na khasiat uh tham loin, neihsa a phazaw a kip tawntung sum a om hi ci-in thei-in na sum na paite uh hong kisuh ciangin na lungdam uh a, na mang uh hi.

Hebru 11:33

Tua mite in upna tawh gamte a zo uh hi, thuman thu a khen uh hi, thuciamna a ngah uh hi, humpinelkai’ kam a khak uh hi,

Hebru 11:6

Upna loin Pasian kilungdamsak zo lo hi. Bang hang hiam na cih uh leh, Pasian kiang a nai mi-in Pasian a om hi cih ahi zongin, cihtakna tawh amah a zong mite amah in thaman a piapa hi cih ahi zongin a um ding hi.

Jeim 1:2

Ka u ka naute aw, ze-etna apawlpawl na thuak uh ciangin lungdam nading bek a hi ci-in na ciamteh un.

Jeim 5:10

Ute naute aw, gimna tawlna-ah Topa’ min tawh thu a hilh kamsangte’ lim na ciamteh un.

1 PETER MASA 4:13

Note in Khazih’ gimna a zom na hih uh ciangin ama minthan’na hong kilat ciangin lungdam mahmahna tawh na nuam nadingun, tu-in zong nuam un.

Ruth 2:12

Topa in na gamtatna sate apha tawh hong thuk a, a lim nuai beel dinga na paina Israelte’ Pasian, Topa in thaman a cingin hong pia ding hi,” a ci hi.