Mattiu 5:11 - Tedim Bible

¹¹ Kei hanga note in gensiatna, bawlsiatna, ahi lo kimawhsakna na thuak uh leh, thupha na ngah ding uh hi.

Tedim Bible Revision 2017

¹¹ “Midangte in keima hangin a man lopi-in hong simmawhin hong bawlsia a, a nam tuamtuamin hong gensiat uh ciangin thupha ngah mi na hi uh hi.

Mattiu 5:11 Iomraidhean Croise

Late 35:11

Mi a el tecite hong kipan uh a, ka theih loh thute kei hong dong uh hi.

Late 44:22

Nangma hangin sunthapai-in kote hong kithat a, gan gote tuu gawh ding bangin hong kikoih hi.

Isaiah 25:8

Amah in sihna beimang sak ding a, maitang khempeuh panin khitui nul ding hi; leitung khempeuh panin ama mite a kizahkona lakhia ding hi; bang hang hiam cih leh Topa in hih thu gen zo hi.

Isaiah 51:7

“Thumanna a thei, na lungsim sung uhah keima thu a vom mite aw, ka thu ngai un; mihingte’ kosiatna kihta kei un la, amaute’ simmawhna hangin lungkia kei un.

Isaiah 66:5

Ama thu ah lau-in a liing mite aw, Topa’ thu za un: Kei tungah note nong cihtakna hangun na mipihte pawlkhat un note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.

Jeremiah 37:14

Tua ciangin Jeremiah in zong, “Hi lo hi’ng; Khaldea mite’ lamah ka tai sim kei ding hi,” a ci hi. Ahih hangin Irijah in ama’ cihna ngai loin Jeremiah man a, kumpi uliante’ kiangah a paipih hi.

Mattiu 10:18

Tuate akipan Gentailte mai-ah teci-in na pan’ nadingun, mangte leh kumpite mai-ah keima hangin note hong paipih ding uh hi.

Mattiu 10:22

Keima min hangin, mite khempeuh in note hong mudah ding uh hi. A tawp dongin a thuak zote in gupna a ngah ding uh hi.

Mattiu 10:25

A nungzuite in a siapa bangin, a silapa in a topa bangin ahih leh, a pha hi. Inn teekpa ‘Beelzebub’ a cih uh leh, a innkuanpihte tua sangin a ci nuam zaw sem ding uh hilo ahi hiam?”

Mattiu 10:39

Ama nuntakna a ngahte in, a nuntakna a mangthang ding hi. Keimah hanga nuntakna a mangsakte in, nuntakna a ngah ding uh hi.”

Mattiu 19:29

Kei min hangin a inn, a sanggampa, a sanggamnu, a nu a pa, a tate, tua teng a nusiate khempeuh in a zah zakhat ngah a, nuntak tawntungna a luah ding uh hi.

Mattiu 24:9

“Tua ciangin amaute in note hong bawlsiat nadingun hong pia ding uh a, hong that ding uh hi. Keima min hangin mi khempeuh in note hong mudah ding uh hi.

Mattiu 27:39

Lampi-ah a pai mite in, “Biakna innpi susia a ni thum sunga a lam kik theipa aw, nangma pumpi na kigum in.

Marka 13:13

Keima min hangin mi khempeuh in note hong mudah ding uh hi. A tawp dongin a thuak zote in gupna a ngah ding uh hi.”

Marka 13:9

“Ahih hangin na kikem un. Bang hang hiam na cih uh leh, amaute in upa vaihawmte’ thukhenna sungah note hong pia ding uh hi. Kikhopna inn sungah satna na thuak ding uh hi. Tuate mai-ah teci na pan’ nadingun mangte leh kumpite mai-ah keimah hangin na ding ding uh hi.

Marka 4:17

Amaute sungah zung kha lo uh ahih ciangin, tawlkhat kikal bek a kip uh hi. A thu hangah gimna ahi zongin, bawlsiatna ahi zongin a thuak uh ciangin thakhatin a puk uh hi.

Marka 8:35

Bang hang hiam na cih uh leh, ama nuntakna a gum nuamte in a nuntakna a mangthangsak ding hi. Kei hang ahi zongin, Lungdamna Thu hang ahi zongin nuntakna a mangsakte in a nuntakna a gum ding hi.

Luka 21:12

Tua thu khempeuh a pian’ ma-in, keima min hangin amaute in hong man ding uh a, kikhopna inn sung leh thong sungah hong pia ding uh a; kumpite leh mangpite mai-ah hong paipih ding uh a, hong bawlsia ding uh hi.

Luka 21:17

Keima min hangin mi khempeuh in note hong mudah ding uh hi.

Luka 6:22

Mite in Mihing Tapa hangin note muhdah uh a, hong hawlkhiat uh a, hong kosiat uh a, na min uh hong siatsak ciangin, thupha na ngah ding uh hi.

Luka 9:24

Bang hang hiam na cih uh leh, a nuntakna a gum nuamte in a nuntakna a mangthangsak ding hi. Keima hangah a nuntakna a mangsakte in a nuntakna a gum ding hi.

Johan 15:21

Amau in kei hong sawlpa thei lo uh ahih ciangin, ka min hangin tua thu khempeuh no tungah hong bawl ding uh hi.

Johan 9:28

Amaute in, “Nangmah in ama nungzui na hi hi. Ahih hangin kote ka hih uh leh, Moses’ nungzuite ka hi uh hi.

Sawltak 9:16

Keima min hangah bangzah takin a thuak nading ke’n ka lak ding hi,” ci-in a gen hi.

ROM (Romans) 8:36

Lai Siangtho sungah: “Nangma tang dingin kote in sunthapai-in thahna ka thuak uh hi; Gawh dinga a kikoih tuu tawh kibangin mite in kote hong ciamteh uh hi,” ci-in kigelh hi.

1 KORIN MASA 4:10

Kote in Khazih hangin mihai ka hi uh hi. Note na hih uh leh, Khazih sungah mipil na hi uh hi! Kote in mi thanem ka hi uh hi. Note na hih uh leh, thahatte na hi uh hi! Note in minphatna na ngah uh hi. Kote in zumna ka thuak uh hi!

2 KORIN NIHNA 4:11

Bang hang hiam na cih uh leh, Zeisu’ nuntakna in a si thei komau pumpi sung uhah a kilat nadingin a nungta kote in Zeisu hangin sihna’ khut sungah piakna ka thuak tawntung uh hi.

Filippi 1:29

Bang hang hiam na cih uh leh, note in ni danga na muh uh bangin, tu-in na zak uh bangin ka thuak galdona bangin, note in zong na thuak uh ahih ciangin Khazih upna bekah hi loin, ama hanginah gimna thuak nading zong thu na ngah uh hi.

1 PETER MASA 2:23

Kosiatna a thuak lai takin a kosia kik kei hi, gimna a thuak lai takin lau nadingin tawngkik loin, thuman a khenpa’ khut sungah ama pumpi a pia hi.

1 PETER MASA 4:14

Khazih’ min hangin kosiatna na thuak uh leh, thupha na ngah ding uh hi. Bang hang hiam na cih uh leh, minthan’na tawh kipawl kha ahi Pasian’ Kha Siangtho in note tungah a om hi.

Mangmuhna 2:3

nang in thuakzawhna nei-in ka min hangin zong, gim lo cim loin na thuak thu ahi zongin ka thei hi.