Mattiu 4:4 - Tedim Bible

⁴ Zeisu in, “Mi in khomun bek tawh nungta lo hi, Pasian’ kam sung pan hong pusuak thu khempeuh tawh a nungta hi,’ ci-in Lai Siangtho sungah kigelh hi,” a ci kik hi.

Tedim Bible Revision 2017

⁴ Ahi zongin Jesu in, “Lai Siangtho sungah, ‘Anlum bek tawh mite nungta lo a, Pasian genkhiat thute tawh nungta zaw hi,’ ci-in kigelh hi lo ahi hiam?” ci-in a dawng hi.

Mattiu 4:4 Iomraidhean Croise

Paikhiatna 16:15

Israel mite in a muh uh ciangin amaute khat leh khat in, “Bang ahi hiam?” kici uh hi. Bang hang hiam cih leh amaute in tua pen bang hiam cih thei lo uh hi. Moses in amaute' kiangah, “Topa in nek dinga note' tungah hong piak an ahi hi.

Paikhiatna 16:35

Amaute' teen’ theih nading leitang a tun’ mateng, kum sawmli sung Israel mite in manna ne uh hi; amaute Kanaan gamgi a tun’ matengun manna ne uh hi.

Paikhiatna 16:8

Moses in, “Ama' tungah na phunnate uh Topa in a zakna hangin, Topa in note' tungah nitakin nek ding sa, zingsangin kham tak-a na nek ding uh an hong piak ciangin—kote in a bang hi mawk ka hi uh hiam? Note’ phunnate in kote’ tung hi loin Topa’ tung ahi hi,” a ci hi.

Paikhiatna 23:15

Silngo sawhloh anlum pawi na bawl ding uh hi; keimah in note kong thupiak bangin Abib kha sung a kisehsa hun ciangin ni sagih sung silngo sawhloh anlum na ne ding uh hi, bang hang hiam cih leh tua kha sungin Izipt panin note na paikhia uh hi. Khut hawm guak tawh keima' maiah kuamah hong kilaak lo ding hi.

Mattiu 15:11

Kam sungah a tumte in mi a ninsak kei hi. Kam sung pan a paikhiate in mi a ninsak thei hi,” a ci hi.

Mattiu 4:10

Zeisu in “Satan aw, kihemkhia in. Na Topa Pasian na bia ding hi; ama na bek na sem ding hi,’ ci-in Lai Siangtho sungah kigelh hi,” a ci hi.

Mattiu 4:7

Zeisu in, “Na Topa Pasian na ze-et kei in ci-in Lai Siangtho sungah kigelh hi,” a ci hi.

Marka 7:20

Khatvei Zeisu in, “Mi sung pan a paikhiate in mi a ninsak thei hi.

Luka 4:12

Zeisu in, “Na Topa Pasian na ze-et kei in,’ a kici hi,” a ci hi.

Luka 4:4

Zeisu in, “Mite in khomun bek tawh nungta lo hi, ci-in Lai Siangtho sungah kigelh hi,” a ci hi.

Luka 4:8

Zeisu in zong, “Na Topa Pasian na bia ding hi. Ama na bek na sem ding hi, ci-in Lai Siangtho sungah kigelh hi,” a ci hi.

Johan 15:26

“Pa kiang pan a pusuak, thuman thutak Kha Siangtho ahi Pa kiang pan no kiangah kong sawl ding Huhpa in a hong tun’ ciangin, keima ading teci a pang ding hi.

Johan 6:63

Nuntakna a piapa in kha ahi hi. Sa in phattuamna a pia zo kei hi. Note kiangah kong thugenna in kha leh nuntakna ahi hi.

ROM (Romans) 15:4

Eite in Lai Siangtho pan i ngah thuakzawhna leh hehnepna hangah lawpna i neih nadingin, Lai Siangtho-ah nidang lai-a a kigelhsa thu in eite hong thu hilhna-in a kigelh hi.

Efesa 6:17

Gupna sik-lukhu khu un la, Pasian’ Thu ahi Kha Siangtho tem tawi un.

Thu-hilhkikna 8:3

Mite in an bek tawh nungta loin Topa’ kam sung panin a pusuak thu khempeuh tawh a nungta hi, ci-in note hong theihsak nadingin, amah in note hong niamkhiatin hong gilkial sak a, note hita leh na pu na pate uh hita leh in a theih ngei loh uh manna tawh hong vaak hi.