Mattiu 4:25 - Tedim Bible

²⁵ Galile gam, Dekapolis gam, Jerusalem khuapi akipan, Judah gam, Jordan gungal khat pan mi tampi hong pai uh a, a nung a zui uh hi.

Tedim Bible Revision 2017

²⁵ Galilee gam, Khuapi Sawmte gam, Jerusalem khua, Judea gam le Jordan Gun gal khat gam panin mi tampi tak in Jesu a zui uh hi.

Mattiu 4:25 Iomraidhean Croise

Mattiu 12:15

Zeisu in a theih ciangin tua mun pan a paikhiat leh, mihonpi in a nung a zui uh a, cina khempeuh a damsak hi.

Mattiu 19:2

Mi tampite in a nung zui uh a, tua munah cinate a damsak hi.

Mattiu 4:15

“Zebulun gam leh Naftali gam ahi, Jordan gun galah tuipi lian lam, Gentailte omna Galile gamah,

Mattiu 5:1

Tua mihonpi a muh ciangin, Topa in mual tungah kahto a, tu-a a om lai takin, a nungzuite in ama kiangah va nai uh hi.

Mattiu 8:1

Zeisu mual tung pan hong kumsuk khit ciangin, mihonpi in a nung a zui uh hi.

Marka 5:20

Tua pa pai-in Zeisu in bangzah tak noptuamna ama tungah bawl hiam ci-in Dekapolis gamah thu zeelsak a, mi khempeuhte in lamdang a sa uh hi.

Marka 6:2

Nipi ni a tun’ ciangin kikhopna innah thu a hilh hi. Mi tampite in a thu a zak uh ciangin, lamdang a sa uh hi. “Hih pa in hih thute koi pan a ngah hiam? Hih pa kipia pilna in bang pilna ahi hiam? Ama khut tawh hihzah tak nalamdangte bangci a bawl thei hiam?

Marka 7:31

Zeisu in Tai-ar gam pan paikhia a, Sidon gam a paltan khit ciangin, Dekapolis gam paisuakin Galile tuili a tung kik hi.

Luka 6:17

Zeisu in amaute tawh mual tung pan kumsuk khawm a, mun zangah a ding hi. Thu ngaih nading ahi zongin, cidamna ngah nading ahi zongin, Judah gam pan akipan, Jerusalem khuapi pan, Tai-ar leh Sidon khua tuipi gei pan, mi tampite leh ama nungzuite tampite zong hong pai uh hi.

Luka 6:19

Mihonpite khempeuh in Zeisu a lawn’ nading a zong uh hi. Bang hang hiam i cih leh, ama tung pan vangliatna paikhia a, mi khempeuh a damsak hi.