Mattiu 4:24 - Tedim Bible

²⁴ A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.

Tedim Bible Revision 2017

²⁴ Syria gam sung khempeuh ah ama thu kizel ahih manin dawivei mi, sibup mi, khut zaw khe zaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Mattiu 4:24 Iomraidhean Croise

2 SAMUEL NIHNA 8:6

Tua ciangin David in Damaskas gam Aram ah khuacingte koih hi; Siria mite David’ nasem suak uh a, siah puak uh hi. Topa in David a paina peuhpeuh ah gualzawhna pia hi.

1 KUMPI MASATE 10:1

Tu-in Sheba kumpinu in Topa’ min tawh kisai-in Solomon’ minthan’na a zak ciangin thudotna haksate tawh amah a ze-et dingin hong pai hi.

1 KUMPI MASATE 4:31

Bang hang hiam cih leh mi dang khempeuh sangin amah pil zaw a, Ezrah mi Ethan, leh Mahol, tapa Heman, Kalkol, leh Darda sangin pil zaw hi; ama minthan’na in a kiim-a minam khempeuh lakah kizeel hi.

1 KHANG TANGTHU MASATE 14:17

Tua ciangin David minthan’na in gam khempeuh zel a, Topa in minam khempeuh tungah amah kikihtakna tungsak hi.

1 KHANG TANGTHU MASATE 29:2

Tua ahih ciangin ka Pasian’ inn dingin ka hih theih zah ciang, phuh dingin onik suang, suangpak, mel tuamtuam a nei suang, suangkang, leh suangmanpha nam khempeuh tampi takte ban-ah kham zat nading nate ah kham, ngun zat nading nate-ah ngun, leh sumngo zat nading nate ah sumngo, sik zat nading nate ah sik, leh sing zat nading nate ah sing ka koih khin zo hi.

Paikhiatna 15:26

“Note in Topa na Pasian’ thu lim takin na ngaih uh a, ama' maiah a man nate hih-in, ama' thupiakte don a, ama' ngeina kipte khempeuh na zuih uh leh, Izipt mite' tungah ka tun’sak natnate khat beek note' tungah kong tungsak kei ding hi; bang hang hiam cih leh keimah in Topa, note hong damsakpa ka hi hi,” a ci hi.

Mattiu 12:22

Tua ciangin dawi lut a, mittaw, a pauthei lo mi khat Zeisu kiangah a paipih uh a, a damsak ciangin, tua pa in khua mu thei a, a pau thei pah hi.

Mattiu 14:1

Tua lai takin Herod Kumpipa in Zeisu thu a zak ciangin,

Mattiu 15:22

Kanaan numei khat in tua gam panin paikhia a, “David’ Tapa aw, kei hong hehpih in. Keima tanu in dawi’ bawlsiatna nakpi-in a thuak hi,” ci-in a kiko hangin, Zeisu in kam khat beek a dawng kei hi.

Mattiu 17:15

“Topa aw, ka tapa hong hehpihsak in. Amah in sibup natna vei-in a gim mahmah hi. Meikhuk sung leh tui sungah, tam veipi a puk ngei zo hi.

Mattiu 17:18

Zeisu in tua dawi a taai ciangin, naupang sung pan paikhia a, tua hun akipanin naupang a dam hi.

Mattiu 4:23

Zeisu in amaute kikhopna inn sungah Vantung Gam’ Lungdamna Thu hilh a, cinate damsakin Galile gam sung tengah a vak kawikawi hi.

Mattiu 8:28

A galkhatah Gadara gam a tun’ uh ciangin, lampi ah kuama pai ngam lohna dinga om, a hangsan mahmah dawi lut nih in han lak pan pusuakin Zeisu va dawn uh hi.

Mattiu 8:33

Vok cingte tai uh a, khua sungah a lut khit uh ciangin, dawi lutte’ thu a kipan thu khempeuh a ko uh hi.

Mattiu 8:6

“Topa aw, keima nasempa khat a khut a khe si-in gim mahmah a, inn sungah a lum hi,” ci-in a ko hi.

Mattiu 9:26

Tua thu in gam sung khempeuh zelin a thang hi.

Mattiu 9:35

Zeisu in kikhopna inn sungah thu hilhin, gamsung khuapi, khuaneu khempeuh ah vak kawikawi a, Vantung Gam Lungdamna Thu hilh a, cina, luna khempeuh a damsak hi.

Marka 1:28

Thakhatin ama thu in Galile gam sung khempeuh kizeel hi.

Marka 1:32

Ni tum a, nitak ciangin cinatna a vei khempeuh leh a sungah dawi lutte Zeisu kiangah paipih uh a;

Marka 2:3

Tua lai takin khut-le-khe si mi khat, mi li in hong pua uh a, ama kiangah a paipih uh hi.

Marka 2:4

Mihonpi om ahih ciangin Zeisu kiangah a nai zo kei uh a, ama omna tungsan innkhum a vuhlet khit uh ciangin lupna tawh cinapa a khaisuk uh hi.

Marka 2:9

Khut-le-khe sipa kiangah bang pen ci leng a baih zaw hiam? ‘Na mawhna kimaisak zo hi,’ ci leng baih zaw hiam? ‘Tho in la, pai in,’ ci leng a baih zaw hiam?

Luka 2:2

Kurinias in Siria gam menzi ahih lai takin hih kisimna a masa pen ahi hi.

Luka 4:14

Zeisu in Kha Siangtho’ vangliatna tawh, Galile gamah ciahkik hi. Ama thu a kimkot gam khempeuh ah kizeelin a thang hi.

Luka 4:38

Zeisu in kikhopna inn pan a paikhiat khit ciangin Simon’ innah a lut hi. Simon’ sungnu in nakpi-in nattun’ a, a dam nading Zeisu kiangah a thuum uh hi.

Luka 5:15

Ahih hangin Zeisu thu kizeel semsem a, mihonpite in thu ngai ding ahi zongin, cinate in damna ngah ding ahi zongin a kikhawm uh hi.

Luka 5:24

Ahih hangin Mihing Tapa in leitungah mawhna a maisak theih nading thu a neih lam na theih nadingun, ‘Tho in, na lupna pua in la, na innah ciah in,’” ci-in khut leh khe sipa kiangah a ci hi.

Luka 7:17

Tua thu in Judah gam khempeuh akipan a kimkot gam sung khempeuh ah a kizeel khin hi.

Johan 10:21

Kimkhat in, “Tua thu in dawilawm neite’ thu ahi kei hi. Dawi in mittawte khua musak thei ding ahi hiam?” a ci uh hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Sawltak 15:23

Amaute in lai khat gelh uh a, tuate’ khut tawh hih bangin a khak uh hi: “Sawltakte leh upate ahi uh ute naute in Antiok khua akipan Siria gam leh Kilikia gamah a om Gentail ute naute kiangah itna lai tawh kong zasak uh hi.

Sawltak 15:41

Amaute in pawlpi omsate kipsakin Siria gam leh Kilikia gam sungah a pai uh hi.

Sawltak 28:9

Tua bang ahih ciangin tua tuikulh-a cina dangte hong pai uh a, damna a ngah uh hi.

Sawltak 8:7

Bang hang hiam i cih leh, dawivei mi tampite pan dawite in nakpi-in kiko-in a pusuak uh hi. A pum langkhat a si mi leh khebai mi tampi in damna a ngah uh hi.

Joshua 6:27

Tua ahih ciangin Joshua tawh Topa om hi; gam khempeuhah ama min a thang hi.