Mattiu 4:23 - Tedim Bible

²³ Zeisu in amaute kikhopna inn sungah Vantung Gam’ Lungdamna Thu hilh a, cinate damsakin Galile gam sung tengah a vak kawikawi hi.

Tedim Bible Revision 2017

²³ Galilee gam sung khempeuh ah Jesu pai kawikawi a, amauʼ kikhopna innte ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Mattiu 4:23 Iomraidhean Croise

Late 103:3

Amah in ka mawhna khempeuh hong maisak a, ka natna khempeuh hong dam sak hi.

Late 74:8

Amaute in, “A vekpi-in zomang khin ni,” kici uh a, gam sung teng-a om Pasian biakna inn khempeuh mei tawh hal uh hi.

Mattiu 11:5

Mi mittawte in khua mukik thei uh hi. Khebaite in lam a pai thei uh hi. Miphakte in damna a ngah kik uh hi. Bengngongte in khua za thei uh hi. Misite in hin’kikna a ngah uh hi. Mizawngte kiangah Lungdamna Thu kihilh hi.

Mattiu 12:9

Tua mun pan paikhia a, amaute kikhopna inn sungah a lut hi.

Mattiu 13:19

Mi khat in Vantung Gam thu a zak ciangin, thei lo ahih ciangin dawimangpa hong pai a, a sin sunga kivawh khaici a lakhia hi. Tuate in lampi geiah a kia khaici ahi hi.

Mattiu 13:54

Ama khua-ah a tun’ ciangin, kikhopna inn sungah thu hilh hi. Khuapihte in lamdang a sa uh hi. “Hihpa in hih bang pilna leh vangliatna koi pan a ngah hiam?

Mattiu 14:14

Zeisu paikhia a, mihonpi a muh ciangin hehpih huai sa a, cinate khempeuh a damsak hi.

Mattiu 24:14

Mi namkimte tungah teci a pan’ nadingin leitung khempeuhah Lungdamna Thu kihilh ding hi. Tua khit ciangin beina a piang ding hi.”

Mattiu 3:2

Tua ahih ciangin na mawhna uh kisik kik ta un,” ci-in Judah gam, gampa lakah a hilh hi.

Mattiu 9:35

Zeisu in kikhopna inn sungah thu hilhin, gamsung khuapi, khuaneu khempeuh ah vak kawikawi a, Vantung Gam Lungdamna Thu hilh a, cina, luna khempeuh a damsak hi.

Marka 1:14

Johan a kimat khit ciangin Zeisu Galile gamah pai a, Pasian’ Lungdamna Thu a hilh-inah,

Marka 1:21

Amaute Kapernaum khua-ah lut uh a, Nipi ni-in Zeisu kikhopna inn sungah thakhatin lut a, thu a hilh hi.

Marka 1:39

Amah in Galile gam khempeuh kikhopna inn tengah pai kawikawi a, thu hilhin dawite a hawlkhia hi.

Marka 3:10

Bang hang hiam i cih leh, Zeisu in mi tampi damsak ahih ciangin, cina, luna, bawlsiatna a thuak mite in amah a lawn’ nadingun a va neh nuam uh hi.

Marka 6:2

Nipi ni a tun’ ciangin kikhopna innah thu a hilh hi. Mi tampite in a thu a zak uh ciangin, lamdang a sa uh hi. “Hih pa in hih thute koi pan a ngah hiam? Hih pa kipia pilna in bang pilna ahi hiam? Ama khut tawh hihzah tak nalamdangte bangci a bawl thei hiam?

Marka 6:6

Amaute up lohna lamdang a sa hi. Zeisu in khuapite leh khuaneute sungah thuhilhin a vak kawikawi hi.

Luka 10:9

Cinate na damsak un. ‘Pasian’ Gam in note kiangah hong nai zo hi,’ ci-in thu na hilh un.

Luka 13:10

Nipi ni khatin Zeisu in kikhopna inn sungah thu a hilh hi.

Luka 16:16

‘Johan hong pai dongin Pasian’ Thukham leh Pasian’ kamsangte thu akipanin Pasian’ Gam Lungdamna Thu kihilh a, mi khempeuh in tua gam sungah zawhthawh bawlin a lut nuam uh hi.

Luka 20:1

Ni khat Zeisu in biakna innpi sungah mite thu hilh a, Lungdamna Thu a gen lai takin, siampi liante, laitheite leh upate ama kiangah a pai uh hi.

Luka 4:14

Zeisu in Kha Siangtho’ vangliatna tawh, Galile gamah ciahkik hi. Ama thu a kimkot gam khempeuh ah kizeelin a thang hi.

Luka 5:17

Ni khat Zeisu in thu a hilh lai takin, Jerusalem khuapi pan a kipan Galile gam leh Judah gam khua khempeuh pan hong pai Farisaite leh Pasian’ Thukham siate in a kiangah a tu uh hi. Cinatna a damsak thei dingin Topa’ vangliatna Zeisu tungah a tung hi.

Luka 6:17

Zeisu in amaute tawh mual tung pan kumsuk khawm a, mun zangah a ding hi. Thu ngaih nading ahi zongin, cidamna ngah nading ahi zongin, Judah gam pan akipan, Jerusalem khuapi pan, Tai-ar leh Sidon khua tuipi gei pan, mi tampite leh ama nungzuite tampite zong hong pai uh hi.

Luka 6:6

Adang Nipi ni-in Zeisu in kikhopna inn sungah lut a, thu a hilh hi. Tua lai-ah a khut langkhat a si mi khat a om hi.

Luka 7:21

Tua hun lai takin Zeisu in cinatna, zawngkhalna leh, dawi gilo a vei mi tampi damsak a, mittaw tampite zong khua a musak thei hi.

Luka 7:22

Tua ciangin, “Note pai un la, na zaksa, na muhsa uh thute Johan kiangah va gen un. Mittawte in khua mukik thei uh hi. Khebaite in lam a pai thei uh hi. Phakte in damna a ngah kik uh hi. Bengngongte in khua a za thei uh hi. Misite in hin’na a ngah kik uh hi. Mizawngte kiangah Lungdamna Thu kihilh hi.

Luka 8:1

Tua nung a sawt loin, Zeisu in khuapi khuaneu-ah vak kawikawi in thu hilh a, Pasian’ Gam Lungdamna Thu a zasak hi. Amah tawh Sawm-le-nihte a pai khawm uh hi.

Luka 9:11

Mihonpite in a theih uh ciangin a delh uh hi. Zeisu in amaute hawlkhia loin Pasian’ Gam thu hilh a, dam nading a deihte a damsak hi.

Luka 9:60

Zeisu in, “Misite in amau misite na vui ta hen. Nang na hih leh, pai in la, Pasian’ Gam’ thu na hilh in,” a ci hi.

Johan 18:20

Zeisu in, “Leitung mite mai-ah a kilangin ka gen zo hi. Judah mite’ kikhopna innte leh biakna innpi sungah a tawntungin thu ka hilh a, thu ka hilhsim ngei kei hi.

Johan 6:59

Kapernaum khua-ah kikhopna inn sungah Zeisu in a hilh lai takin hih thu teng a gen hi.

Johan 7:1

Tua nung ciangin Zeisu Galile gam sungah a vak hi. Bang hang hiam i cih leh, Judah mite in Topa thah dingin zong uh ahih ciangin, Judah gam sungah vak ding a ut kei hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Sawltak 18:4

Paul in Nipi ni simin kikhopna inn sungah thuhilhin Judah mi leh Grik mite a zol hi.

Sawltak 20:25

Ka pai kawikawi-a Pasian’ Gam thu kong hilh note khempeuh in keima maitang na mu nawn kei ding uh hi cih tu-in ka thei hi.

Sawltak 28:31

Nawngkaina khat beek om loin, nop takin Pasian’ Gam thu gen a, Topa Zeisu Khazih’ thu a hilh hi.

ROM (Romans) 10:15

A kisawl kei leh, bang ci a hilh thei ding hiam? Lai Siangtho sungah a kigelh mah bangin, “Nopna Lungdamna Thu hong zasak mite’ khe in bang zahin kilawm ahi hiam!”