Mattiu 4:2 - Tedim Bible

² Zeisu in ni sawmli leh zan sawmli an a tan’ khit ciangin a gilkial hi.

Tedim Bible Revision 2017

² Jesu in sun sawm li le zan sawm li sung an ne loin om khin ahih manin a gil a kial hi.

Mattiu 4:2 Iomraidhean Croise

1 KUMPI MASATE 19:8

Tua ciangin amah tho a, ne-in dawn a, tua an thahatna tawh Pasian’ mual Horeb ciang dong sun sawmli leh zan sawmli sung pai hi.

Paikhiatna 24:18

Meii sungah Moses tum a, mual tungah paito hi. Moses sun sawmli leh zan sawmli sung mual tungah om hi.

Paikhiatna 34:28

Tua lai-ah Topa tawh amah sun sawmli leh za sawmli sung om hi; amah in an ne lo, tui zong dawn lo hi. Amah in suangpeek tungah thuciamna kammalte ahi thupiakna sawmte a gelh hi.

Mattiu 21:18

Zing ciangin khuapi sungah a pai kik lai takin, Zeisu a gil kial hi.

Mattiu 25:35

Bang hang hiam na cih uh leh, ka gilkial lai takin nong vaak uh hi. Ka dangtak lai takin tui nong pia uh hi. Khualzin ka hih lai takin zin nong do uh hi.

Mattiu 25:42

Bang hang hiam na cih uh leh, ka gilkial lai takin nong vaak kei uh hi. Ka dangtak lai takin ka dawn ding tui nong pia kei uh hi.

Marka 11:12

Zing ciangin Bethani khua pan a paikhiat lai takin Zeisu a gilkial hi.

Luka 4:2

ni sawmli tawntung dawimangpa in a kheem hi. Tua hun sung khempeuh Zeisu in an ne lo a, a ni a cin’ ciangin a gil kial hi.

Johan 4:6

Tua munah Jakob’ tuikhuk a om hi. Tua ahih ciangin, Zeisu a lam paina gim ahih ciangin tuikhuk gei-ah a tu hi. Tua hun in sun laitak ahi hi.

Thu-hilhkikna 18:18

Amau’ sanggamte lak panin nang tawh a kibang kamsang khat amaute adingin ka khangsak ding hi; ama kam sungah ka thute ka guan’ ding a, amah ka thupiak khempeuh amah in amaute tungah gen ding hi.

Thu-hilhkikna 9:18

Tua ciangin a masa-a bangin sun sawmli leh zan sawmli sung Topa mai-ah kunin ka om hi; ama heh nadingin phinin Topa muhna ah a sia gamtatna tawh note’ khialhnate khempeuh hangin an ne lo, tui dawn loin ka om hi.

Thu-hilhkikna 9:25

“Tua ahih ciangin Topa in note ka susia ding ci ahih manin hih sun sawmli leh zan sawmli sung Topa mai-ah kunin ka om hi.

Thu-hilhkikna 9:9

Topa in note tawh a bawl thuciamna suang ahi suangpeekte sang dingin mual tungah ka paitoh lai-in, mual tungah sun sawmli leh zan sawmli sung ka om hi; an ne lo, tui dawn loin ka om hi.