Mattiu 4:11 - Tedim Bible

¹¹ Tua khit ciangin, dawimangpa in Topa kiang pan paikhia a, vantungmite hong pai-in an a vaak uh hi.

Tedim Bible Revision 2017

¹¹ Tua ciangin Dawimangpa paikhia a, vantung mite hong pai-in Jesu huhin an a vak uh hi.

Mattiu 4:11 Iomraidhean Croise

1 KUMPI MASATE 19:6

Amah khuadak a, en in, ama lutang gei-ah suangsa tungah a ki-em moh khat leh tui hai khat na om hi. Amah in ne-in dawnin lum kik hi.

Mattiu 26:53

Tu nangawnin ka Pa kiangah ngen leng vantungmi kuan sawm leh kuan nih sanga tamzaw ka kiangah hong sawl ding um lo na hi hiam?

Mattiu 4:6

“Nang in Pasian’ Tapa na hih takpi leh, na pumpi kikiasuksak in. Bang hang hiam cih leh: “Amah in ama vantungmite, nang ading thu a pia ding hi,” leh, ‘Na khe in suang tawh a kisuk khak loh nadingin, amau in a khut un, nang hong dom ding uh hi; ci-in Lai Siangtho sungah kigelh hi,” dawimangpa in a ci hi.

Marka 1:13

Gampa lakah ni sawmli omin, Satan’ khemna thuak a, gampa lak ganhingte tawh omkhawm a; vantungmite in a vak uh hi.

Luka 22:43

Vantung panin vantungmi khat hong pai a, Zeisu’ tha a hatsak hi.

Luka 22:53

Keimah in ni simin biakna innpi sungah note tawh ka omkhop lai takin na hong man kei uh hi. Ahih hangin hih hun in note hun leh khuamial’ vangliatna hun ahi hi,” a ci hi.

Luka 4:13

Dawimangpa in kheemna a vekpi-in ahih khit ciangin a kiang panin tomkha sung a paikhia hi.

Johan 14:30

Tu-a kipanin note kiangah thu tampi kong gen nawn kei ding hi. Bang hang hiam na cih uh leh, hih leitung ukpa hong pai a; ahih hangin kei tungah thu a nei kei ding hi.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

Hebru 1:14

Vantungmite khempeuh in gupkhiatna luah ding mite kem dingun, sawltak nasem khate hilo ahi uh hiam?

Hebru 1:6

Lam khat panin a Tapa upa leitungah a hong sawl ciangin: “Pasian’ vantungmi khempeuh in bokin Amah a bia uh hi,” ci-in a gen hi.