Mattiu 4:1 - Tedim Bible

¹ Tua ciangin dawimangpa’ kheemna thuak nadingin Kha Siangtho in, Zeisu gampa lakah a sawl hi.

Tedim Bible Revision 2017

¹ Tua ciangin Dawimangpaʼ ze-etna a thuak dingin Kha Siangtho in gamlak ah Jesu a paipih hi.

Mattiu 4:1 Iomraidhean Croise

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

1 KUMPI MASATE 18:12

Nang kiang panin kei ka paikhiat phetin ka theih lohna munah Topa’ Kha in nang hong pua ding hi; tua ciangin, kei pai-in Ahab kiangah genin amah in nang hong muh loh ciangin, ka khangno lai-a kipanin keimah na nasempa in Topa zahtak hi napi-in, amah in kei hong that ding hi.

2 KUMPI NIHNATE 2:16

Tua ciangin amaute in ama kiangah, “Tu-in en in, na nasemte tawh a thahat mihing sawmnga om hi; kong thum uh hi, amaute paisak in la na topa zong in; Topa’ Kha in amah manin mual tung ahih kei leh guam sungah amah khia hi kha ding hi,” a ci uh hi. Tua ciangin amah in, “Na sawl kei ding uh hi,” a ci hi.

Ezekiel 11:1

Tua ciangin Pasian’ Kha in biakinn nisuahna lam kongpi-ah hong paipih hi. Tua kongpi gei-ah mihing sawmnih leh nga na om a, tuate lakah minam makai ahi nihte, Azzur’ tapa Jaiazaniah leh Benaiah’ tapa Pelatiahte zong na kihel uh hi.

Ezekiel 11:24

Tua ciangin ka maang sung mahin Pasian’ Kha in hong leen’pihin Babilon gama sal-a omte kiang hong tun’pih kik hi. Tua ciangin ka maang muhna hong bei a,

Ezekiel 3:12

Tua ciangin Pasian’ Kha in hong paipih to a, ziin’ liing zahin a gin’ ngaih awging khat ka nungah ka za a, “Vantungah a om Topa, ama minthan’na hangin phat un,” ci-in a kiko hi.

Ezekiel 3:14

Pasian’ Kha in hong pai khiatpih lai takin ka lungkim het loin ka heh suak mahmah hi. Ahi zongin Topa’ vangliatna in kei hong zo zaw hi.

Ezekiel 40:2

Ka maang sungah, Pasian in Israel gamah hong paipih a, mual sang khat tungah hong koih hi. Khuapi tawh a kibang inn honpi bang khat ka mai-ah ka mu hi.

Ezekiel 43:5

Tua ciangin Kha in hong la-in a tual sungnungah hong paipih a, tua lai panin, Topa’ minthan’na tawh biakinn sung a kidimna ka mu hi.

Ezekiel 8:3

A khut ding tawh a kibang pian khat in hong sawkin ka sam-in hong man hi. Tua ciangin hih ka maang sungin, Pasian’ Kha in vanah hong leen’pih to-in Jerusalem khuapi hong tun’pih hi. Tua lai panin, Pasian a hehsuahna ahi milim a omna mun, biakinn tual sungnung lutna, leilu lam kongpi-ah hong paipih hi.

Johan 14:30

Tu-a kipanin note kiangah thu tampi kong gen nawn kei ding hi. Bang hang hiam na cih uh leh, hih leitung ukpa hong pai a; ahih hangin kei tungah thu a nei kei ding hi.

Sawltak 8:39

Tui sung pan a kahtoh khit ciangin Kha Siangtho in Filip lakhia a, Mangpa in a nung ciangin Filip a mu nawn kei hi; lungdam mahmahin lam a paikik hi.

ROM (Romans) 8:14

Pasian’ Kha Siangtho’ thuhilhna a mang mi khempeuhte in Pasian’ tate ahi uh hi.

Hebru 2:18

Bang hang hiam i cih leh, amahmah in ze-etna thuakin gimna thuak ngei zo ahih ciangin ze-etna a thuakte a huh nadingin a siam hi.

Jeim 1:14

Ama lunggulhna in kai a, zolna a thuak ciangin mi khempeuh in ze-etna a thuak hi.