Mattiu 3:6 - Tedim Bible

⁶ amau mawhna khialhna pulakin Jordan gun sungah ama khut tungah kibaptaiz uh hi.

Tedim Bible Revision 2017

⁶ Amaute in a mawhnate uh hong pulak uh a, Johan in Jordan Gun sungah amaute a tuiphum hi.

Mattiu 3:6 Iomraidhean Croise

Ezra 10:1

Ezra in tu-a bangin thu ngenin mawhna pulakin khitui naptui tawh Pasian’ inn mai-ah kunin a om lai takin Israel mi numei, pasal, naupang, mi tampi tak ama kiim-ah hong kikhawmin amaute khempeuh zong nakpi takin a kap uh hi.

Late 32:5

Ka khialhna na tungah kong pulak a, ka mawhna ka im kei hi; “Ka khialhnate Topa tungah ka pulak ding hi,” ka ci hi; tua ciangin ka mawhna nin nong maisak hi.

Paunak 28:13

A khialhna a im mipa a dau pai lo ding a, a mawhna pulakin a kikheel mipa in hehpihna ngah ding hi.

Ezekiel 36:25

Note tungah tui siangtho kong theh ding a, na milim biakna uh leh note hong ninsak na dang khempeuh panin kong siangsak ding hi.

Daniel 9:4

Topa ka Pasian kiangah thungenin, ka mite’ mawhna pulakin: “Topa Pasian aw, nang na lian-a ka hong zahtak uh hi. Nang na thuman a, itna thuciamna leh na thupiakna bang a mangte leh a hong itte a tawntungin na it hi.

Siampi Laibu 16:21

Aaron in keel hing’ lu tungah a khut tegel nga-in, Israel mite’ mawhna, amau’ thupalsatna, amau’ khialhnate khempeuh, keel tungah pulak ding hi; amah in keellu tungah tuate suan-in, a paikhiatpih dingin a kithawisa mipa khut tawh gam lakah sawlkhia ding hi.

Siampi Laibu 26:40

-

Gamlak-vakna 5:7

a gamtatnasa a khialhna pulak ding hi; amah in a tatkhialhna-ah a kicingin din kik ding a, tua tungah sehnga suah sehkhat behlapin, a khialhnapa tungah pia ding hi.

Mattiu 3:11

Keimah in na mawhna na kisikkikna uh hangin tui sungah ka hong baptaiz hi. Ahih hangin ka nungah hong paipa in kei sangin a lianzaw hi. Ama khedap tawi ding nangawn ka kilawm kei hi. Amah in Kha Siangtho leh mei sungah note hong baptaiz ding hi.

Marka 1:5

Jerusalem khuapihte akipan Judah gamah a om mi khempeuhte in ama kiangah va pai uh a, amau mawhna pulakin ama khut tungah, Jordan gun sungah a kibaptaiz uh hi.

Luka 1:16

Israel mipawl tampi amau Topa Pasian kiangah a kiheisak kik ding hi.

Luka 3:16

Johan in, “Note tui sungah ka hong baptaiz hi. Kei sangin a lian zaw pa khat hong pai ding hi. Ama khedap khau sut dingin zong ka kilawm kei hi. Tua pa in Kha Siangtho leh mei sungah note hong baptaiz ding hi.

Sawltak 1:5

Bang hang hiam na cih uh leh, Johan in tui sungah hong baptaiz hi. Ahih hangin a sawt loin note in Kha Siangtho sungah na kibaptaiz ding uh hi,” a ci hi.

Sawltak 11:16

‘Johan in tui sungah hong baptaiz hangin note in Kha Siangtho sungah na kibaptaiz ding uh hi,’ ci-in Topa’ thugenna ka phawk hi.

Sawltak 19:18

A um mi tampite in hong pai uh a, pulakin a gamtatna thu a gen uh hi.

Sawltak 22:16

Tu-in zong bang ngak na hi hiam? Tho in, kibaptaiz in la, Pasian kiangah thugenin, na mawhna na kisawpsiang ding hi,’ hong ci hi.

1 KORIN MASA 10:2

a vekpi-un meii leh tuipi sungah Moses’ baptaizna a ngah uh ahi zongin,

Hebru 9:10

neek ding dawn ding, silsiang nading apawl pawlte tawh, pumpi tawh kipawl ngeinate ahi uh a, a kibawl thak hun a tun’ dongin a kip bek uh hi.

Jeim 5:16

Tua ahih ciangin khat leh khat na mawhna uh kipulaakin, na cidam nadingun khat leh khat ading thu na kingetsak un. Midik’ thungetna in nakpi vanglianin muibun mahmah hi.

Joshua 7:19

Tua ciangin Joshua in Akhan kiangah, “Ka tapa aw, Israel Topa Pasian min thangsak in la, amah phat in; tu-in na gamtatnasa kei tungah hong gen in; kei tungah hong iim kei in,” a ci hi.

1 PETER MASA 3:21

Tu-in baptaizna ahi tua tui in lim bangin, Zeisu Khazih’ thawhkikna hangin note hong gum hi. Tua note a hong gum baptaizna ka cih ciangin pumpi nin a kihhuaina sawp siang a cihnopna hi lo hi; lungsim kisuan’ lohna siangtho tawh Pasian mai-ah a mang ka cihnopna hi.

1 JOHAN MASA 1:9

I mawhnate pulakin thuum lehang, i mawhnate maisakin, i gitlohna khempeuh sawpsiang nadingin amah in thuman thutak tawh ahi zongin, dikna thu tawh ahi zongin a dim hi.