Mattiu 3:4 - Tedim Bible

⁴ Johan in kalaoh mul kigan puan silh a, savun kawnggakin a kawng a gak hi. Kauphe leh gampa lak khuaizu in a kivak hi.

Tedim Bible Revision 2017

⁴ Johan in kalaoh mul kigan puan silhin, savun kawnggak tawh a kawng gak a, kauphe le gamlak khuaizu tawh a kivak hi.

Mattiu 3:4 Iomraidhean Croise

2 KUMPI NIHNATE 1:8

Amaute in amah dawngin, “Amah in samul puan khat silh a, a kawngah savun kawnggak gak hi,” a ci uh hi. Tua ciangin amah in, “Amah in Tishbe mi Elijah ahi hi,” a ci hi.

Isaiah 20:2

Tua hun ma kum thum lai takin Topa in Amoz’ tapa Isaiah tung tawnin thu genin, “Na puanhampi suah in la, na khe panin na khedapte suah in,” a ci hi. Amah zong tua mah bangin gamta-in, tangguak leh kheguak tawh lam pai hi.

Siampi Laibu 11:22

Tuate lak panin na nek theih dingte un: kauphe kitom nam khempeuh, kauphe zol nam khempeuh, khuangbai nam khempeuh, leh kauphe kisau nam khempeuh ahi hi.

Zekhariah 13:4

Tua ni hong tun’ ciangin, kamsangte in a mangmuh theihna uh kisialhpih ngam loin, kamsangte bangin zong puansilh ngam loin, kamsang zong kineih ngam lo ding uh hi.

Malakhi 4:5

“Ahi zongin tua a lauhuai a lian mahmah Topa’ ni hong tun’ ma-in note kiangah kamsangpa Elijah kong paisak ding hi.

Mattiu 11:18

Bang hang hiam na cih uh leh, Johan in an ne lo, tui dawn loin hong pai a, amaute in, ‘Hih pa in dawi lawm a nei hi,’ a ci uh hi.

Mattiu 11:8

Ahih kei leh, bang en dingin paikhia na hi uh hiam? Puannel silhte en dingin paikhia na hi uh hiam? Puannel silhte in kumpipa’ inn sungah a om uh hi.

Marka 1:6

Johan in kala-oh mul kigan puan silh a, savun kawnggak in a kawng a gak hi. Kauphe leh gamlak khuaizu-in kivak hi.

Luka 1:17

A pate’ lungsim un tate kiangah kiheisak nading ahi zongin, thu ngai lo mite in midikte’ pilna lampi ah kiheisak nading ahi zongin, Topa ading a kibawlkhol mite a pian’ nading ahi zongin amah in Elijah’ lungsim leh vangliatna tawh Pasian mai-ah a pai ding hi,” ci-in a gen hi.

Thu-hilhkikna 32:13

Amah in leitung a sangna munte tungah amaute tuang sak a, amaute in gamlak pana piangte a ne uh hi; suangpi panin amaute khuaizu hup sakin, meisuang tawh kibang suang panin sathau a ne sak hi.

Mangmuhna 11:3

Ka teci nihte zong thu ka pia ding a, amaute in khautang puan silhin ni tul khat, zanih leh sawmguk dongin kamsangte bangin thu a hilh ding uh hi,” hong ci hi.