Mattiu 3:3 - Tedim Bible

³ Pasian in kamsangpa Isaiah tungah a hilh ngei bangin: “Gampa lakah a kikopa’ aw in, ‘Topa paina lam na sial un, Ama lampi na tangsak un,’ a ci hi,” a cihna in tua mipa a cihnopna hi.

Tedim Bible Revision 2017

³ Kamsang Isaiah in, “Gam sungah mi khat kiko a, ‘Topaʼ pai nading lampi bawl unla, a tot ding lampi tangsak un,’ ci hi,” ci-in a gen ciangin hih Johanʼ thu a gen ahi hi.

Mattiu 3:3 Iomraidhean Croise

Isaiah 40:3

Awging khat in: “Gam lakah Topa’ lampi sial un la, sehnel gam sungah i Pasian’ ading lam lianpi khat a tangin bawl un.

Malakhi 3:1

Hih banga na thu genna uh tawh kisai-in Vanglianpen Topa in hong dawng a, “Ka pai nading lampi a bawl khol dingin ka kamtaipa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muh nop uh kamtaipa hong pai-in ka thuciamna hong taangko ding hi,” a ci hi.

Marka 1:3

Gampa lakah a kikopa’ aw in, ‘Topa paina lam na sial un, Ama lampi na tangsak un,’ a ci hi,” ci-in kigelh hi.

Luka 1:17

A pate’ lungsim un tate kiangah kiheisak nading ahi zongin, thu ngai lo mite in midikte’ pilna lampi ah kiheisak nading ahi zongin, Topa ading a kibawlkhol mite a pian’ nading ahi zongin amah in Elijah’ lungsim leh vangliatna tawh Pasian mai-ah a pai ding hi,” ci-in a gen hi.

Luka 1:76

Ahi hi, naungeek aw, nangmah in Sang Bel Topa’ kamsangpa hong kici ding hi. Bang hang hiam na cih leh, eite Pasian hong hehpihna thupha hangin ah Ama mi pawlte’ khialhna maisakna tawh,

Johan 1:23

Johan in, “Kamsangpa Isaiah in a gen bangin, ‘Topa paina lam na tangsak in,’ ci-in gampa lakah a kiko aw ka hi hi,” a ci hi.