Mattiu 3:12 - Tedim Bible

¹² A khut in lawhpi tawi a, ama buhphual zap siang ding a, a tak teng a sal sungah a koih ding hi. A site ahih leh, mit ngei lo mei in a hal ding hi,” ci-in Johan in a gen hi.

Tedim Bible Revision 2017

¹² Amah in a khut ah anzapna tawi-in a ante zap a, a taksate khawmin a ansal sungah koih dinga, a ansite ahihleh a mit ngei lo mei sungah a khul ding hi,” ci-in thu a hilh hi.

Mattiu 3:12 Iomraidhean Croise

JOB (Job) 21:18

Huih in a letkhiat buhkungte bang, huihpi in a mutkhiat buhsi bangin bawl ngei ahi hiam?

Late 1:4

Migilote ahih leh tua bang hi lo a, huih letkhiat ansi tawh kibang uh hi.

Late 35:5

Topa’ vantungmi’ hawlna tawh amaute huih letkhiat ansite tawh kibangsak in.

Isaiah 1:31

A thahat mipa pen patlom tawh kibang ding a, ama nasepna pen mei-ek suak ding hi; kuamah in phelh zo loin amaute gel kangtum khawm ding uh hi.

Isaiah 17:13

Tui lianpi a ging bangin minamte awng uh hi, ahih hangin amah in amaute tai ding a, gamlapi-ah amaute taikhia ding uh hi; mual tunga huih mai-ah ansi leeng bang leh huihpi mai-a pingpei bangin amaute lengkhia mang ding uh hi.

Isaiah 27:4

Leenggui lo tungah ka heh nawn kei hi. Lingte leh lingkungte om hi leh keimah kuan khia-in tuate ka haltum ding hi.

Isaiah 28:28

Mi khatpeuh in antang cilvui ahi hiam? Hi lo hi, amah in cil paisuak ngitnget lo hi; a sakol tawh buhcilnapei a kihualsak ciangin amah in kitamvui-sak lo hi.

Isaiah 30:24

lo a kho bawngtalte leh late in kawbia leh tu-ka tawh a kitoksa an al ne ding uh hi.

Isaiah 41:16

amaute na haih ding uh a, huih in amaute mutkhia ding a, huihpi in amaute thehthang ding hi. Tua ciangin Topa’ hangin na lungdam ding uh a, Israelte’ Siangtho Pa’ hangin na minthang ding uh hi.

Isaiah 5:24

Tua ahih ciangin, mei in buhkung keute kangtum a, meikuang sungah lopa keute a kattum bangin, amaute’ zung pen muatna hi ding a, amaute’ pak palhte pen leivui bangin van-ah leengto ding hi; bang hang hiam cih leh Vanglianpen Topa’ thu nialin, Israelte’ Siangtho Pa’ thu simmawh uh hi.

Isaiah 66:24

Amaute a ciah uh ciangin kei hong lehdo mite’ luanghawmte en ding uh hi; bang hang hiam cih leh amau a ne thante si ngei loin, amau a kihalna mei mit ngei lo ding a, amaute pen mi khempeuh’ kih hi ding uh hi, a ci hi.

Jeremiah 15:7

Na gamsung khua kongpite-ah huihpi’ mut bangin note kong mutmang ding hi. Na tate uh ka beisak ding-a, ka mite ka susia ding hi; bang hang hiam cih leh na gitlohna uh leh na om dan hoihlo panun na kiheikik kei uh hi.

Jeremiah 17:27

Ahih hangin ka thu nong ngaih kei uh a, sabbath ni siangthosak loin, sabbath ni-in Jerusalem khua kongpite pan van pua-in nong lutpih uh leh, tua kongpite ka hal ding hi. A mei in Jerusalem khua kumpi innte lawhin a kangtum ding a, mei a kiphelh zo kei ding hi,’ va ci in,” hong ci hi.

Jeremiah 4:11

Tua hun ciangin hih mite leh Jerusalem khuamite’ kiangah, “A sa mahmah huih sehnel gam a sang mun panin ka mite’ tungah hong nung ding a, tua huih pen an vaite zapsiang dinga a nung huih bang hi lo hi.

Jeremiah 51:2

A zap siang ding mi Babilon-ah ka sawl ding a, amaute in tua gam a zapsiang ding uh hi. Gimna ni hong tun’ ciangin amah a sim dingin mun khempeuh panin hong pai ding uh a, gam sungah bangmah a omsak nawn kei ding uh hi.

Jeremiah 7:20

Tua ahih manin Topa in kong cih-inah: En in, ka hehna leh ka thangpaihna hih munah ka bua ding-a, mihingte tung leh ganhingte tung, lo lai-a singkungte leh lei laka singgahte tungah ka sung ding hi. Ka hehna a kuang ding a, a kisumit kei ding hi.

Hosea 13:3

Tua ahih ciangin amaute pen zingsanga kai meiilum, a maimang pak daitui, ancilna panin huih in a let khiat ansi, meikhu suahna-a a pai meikhu bangin maimang ding uh hi.

Amos 9:9

Keimah in thu ka pia ding a, anhaihna ciang tawh an a kihaih mah bangin keimah in Israel mite ka lok niloh ding hi. A hoih lo teng a kipaihkhiat theih nadingin minam dangte lakah ka haih ding hi.

Malakhi 4:1

Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Mattiu 13:30

Taang lak hun matengin a nam nihin khangkhawm tadih hen. Taang lak hun hong tun’ ciangin, lopa teng bot masa un la, mei ah hal dingin lom hen un. Taang ahih leh, ka sal sungah hong koih un,’ ci-in taang late ka vaikhak ding hi,” a ci hi.

Mattiu 13:41

Mihing Tapa in ama vantungmite sawl ding a, a khialte leh a puksakte khempeuh a Gam sung pan nilkhia-in,

Mattiu 13:42

meiphual sungah a khul ding uh hi. Kahna leh ha gawina a om ding hi.

Mattiu 13:43

Tua lai takin miphate in amau Pa’ Gam sungah ni bangin a taang ding uh hi. Zak nading bil a nei teng in na za ta un!”

Luka 3:16

Johan in, “Note tui sungah ka hong baptaiz hi. Kei sangin a lian zaw pa khat hong pai ding hi. Ama khedap khau sut dingin zong ka kilawm kei hi. Tua pa in Kha Siangtho leh mei sungah note hong baptaiz ding hi.

Luka 3:17

Ama buh phual a zapsiang nadingin a khutin lawhpi a tawi hi. A tak teng a sal sungah koih ding hi. A site ahih leh, mit ngeilo mei-in hal ding hi,” ci-in a hilh hi.

Johan 15:2

Kei tungah a gahlo hiangte khempeuh a sattan ding hi. A gah thei hiang khempeuh in a gah semsem nadingin a hahsiang ding hi.