Mattiu 3:10 - Tedim Bible

¹⁰ Tu-in zong sing phungah hei a om hi. A gah hoihte a gah lo kung khempeuh phuk paii-in mei sungah kikhul ding hi.

Tedim Bible Revision 2017

¹⁰ Tu mahmah in sing a bulphuk dingin hei tawh kingim zo hi. Tua ahih manin gah hoih a gah lo sing khempeuh kiphukin meikhuk sungah kikhul ding hi.

Mattiu 3:10 Iomraidhean Croise

2 SAMUEL NIHNA 23:7

amaute a lawng mipa in sik leh teipi bul tawh kithawi a, amaute mei tawh kihaltum siang hi,” a ci hi.

Late 1:3

Amah in luitui luang gei-a kisuan, ama gah hunin gah a, a teh a vul lo singkung tawh kibang hi. Ahihna khempeuh ah a ma pai hi.

Late 140:10

Amaute tungah mei-am kuang zusak in! A thokik zo nawn lo dingin dum sungah amaute kia suk sak in!

Late 92:12

Thuman mi in nisuh kung bangin palh a, Lebanon mual tunga taamtaak kung bangin a khang hi.

Isaiah 27:11

A hiangte a keu ciangin kitan hi: nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo ding a, amaute a piangsakpa in amaute tungah maipha lak lo ding hi.

Isaiah 61:3

amaute pen a thuman mite kici-in, amah a kiminthan’sak theih nadingin Topa’ suan kungte a kicih theih nadingin, Zion ah a om a dah mite tungah vut tawh kibuak a, lukhu khuk tangin a hoih kumpi lukhu khuksak nading, tauna tangin lungdamna sathau nilhsak theih nading, a lunggimna tangin Pasian phatna puan a silh theih nadingun amah in kei hong sawl zo hi.

Jeremiah 17:8

Amah in gun gei-a kisuan singkung bang hi a, lui geiah a zung kha hi. A tehte hing den ahih manin nisa kihta lo hi. Kitatsat loin gah den ahih manin guah zuk loh kum ciangin zong lungkham tuan lo hi.

Daniel 4:14

Amah in nakpi-in kiko-in, “Singkung phuk in la, a hiang teng sattan in; a teh teng heuh siang in la, a gah teng thehthang in. A nuai-a ganhing teng leh a hiang tunga vasa teng hawlkhia in,

Malakhi 4:1

Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Mattiu 21:19

Lampi geiah theikung khat a muh ciangin a kiangah a va pai leh, a teh longal bangmah a mu kei hi. Zeisu in, “Tu-a kipan gah loin om tawntung in,” a cih ciangin theikung dinggaw pah hi.

Mattiu 7:19

A gah hoih lo kung khempeuh kiphuk tan a, mei sungah kikhul ding hi.

Luka 23:31

Bang hang hiam na cih uh leh, sing hing tungah a hici bawl uh leh, sing keu tungah bangci bawl ding ahi uh hiam?” ci-in a gen hi.

Luka 3:9

Tu-in zong sing phungah hei a om zo hi. A gah hoih gah lo kung khempeuh phuk pai-in mei sungah kikhul ding hi,” a ci hi.

Johan 15:2

Kei tungah a gahlo hiangte khempeuh a sattan ding hi. A gah thei hiang khempeuh in a gah semsem nadingin a hahsiang ding hi.

Johan 15:6

Kei sungah a om lote in a kipaiikhia hiangte bangin a kikeusak hi. Tua ciangin mite in khawm uh a, mei sungah khulin mei in a kangtum hi.

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

Hebru 6:8

Ahi zongin lingkung leh thangling a pian’sak leh, paihkhiatna thuakin hamsiat a thuak nadingin, a tawpna-ah meikhuk khulna a thuak ding hi.