Mattiu 28:7 - Tedim Bible

⁷ Pai mengmeng un la, ‘Sihna pan thokik a, na mai uhah Galile gamah a pai ding hi. Tua san takah Topa na mu ding uh hi,’ ci-in a nungzuite kiangah na hilh un. Ke’n kong gen zo hi,” ci-in tua numeite a sawl hi.

Tedim Bible Revision 2017

⁷ Tu-in manlang takin va ciah unla, a nungzuite kiangah, ‘Sihna panin Jesu kithosak khin a, Galilee gam note mai ah a pai ding hi. Tua lai ah amah na mu ding uh hi,’ ci-in va gen un. Hih kong gen thute hoihtakin ciamteh un,” a ci hi.

Mattiu 28:7 Iomraidhean Croise

Isaiah 44:8

Lau kei un la, kihta kei un; tanglai pek panin note kiangah hong genin pulak khin hilo ka hi hiam? Note in keima tecite na hi uh hi! Kei sim loh Pasian dang om ahi hiam? Suangpi dang om lo hi; khat beek ka thei kei hi,” ci hi.

Isaiah 45:21

Na thu uh sung un la, gen un; amaute kikum khawmsak un! Hih thu sawt pekin kua in genkhol ahi hiam? Tang lai-in kua in pulak ahi hiam? Keimah Topa hilo ka hi hiam? Thuman Pasian leh Honpa ahi, kei sim loh Pasian dang om lo hi; kei sim loh kuamah dang om lo hi.

Mattiu 24:25

En un, tua thu kong genkhol zo hi.

Mattiu 26:32

Piter in, “Hih mi khempeuh in nang hangah a lungkia uh zongin keimah in ka lungkia ngei kei ding hi,” a ci hi.

Mattiu 28:10

Zeisu in, “Lau kei un, Pai un la, ka sanggamte kiangah, ‘Galile gamah na pai un. Tua san takah kei hong mu ding uh hi,’ a ci hi, ci-in va gen un,” a ci hi.

Mattiu 28:8

Tua numeite in launa tawh, nuamna tawh han panin a nungzuite thu ko dingin a tai mengmeng uh hi.

Marka 14:28

Ahih hangin ka thawhkik khit ciangin, note mai-ah Galile gamah ka pai ding hi,” a cih ciangin,

Marka 16:10

Tua Mari pai a, Zeisu tawh kipawlte dah a, a kah laitakun amaute kiangah tua thu a hilh hi.

Marka 16:13

Tuate pai uh a, nungzui dangte a zaksak uh hangin amau thu a um kei uh hi.

Luka 24:34

Tuate in, “Topa thokik takpi a, Simon kiangah a kilang hi,” a cih uh ciangin,

Johan 14:29

Tua thu a tun’ ciangin na up nadingun, hong tun’ ma-in kong genkhol zo hi.

Johan 16:4

Amau hun a tun’ ciangin kong gensa hih thute na phawk kik nadingun tu-in kong genkhol hi.” “Acil panin hih thute note kiangah kong gen ngei kei hi. Bang hang hiam na cih uh leh, note tawh keimah ka omkhawm lai hi.

1 KORIN MASA 15:4

A kivui khit ciangin Lai Siangtho sungah a kigelh mah bangin, nithum ni-in a thokik hi.

1 KORIN MASA 15:6

Tua nung ciangin ute naute za nga tham lote kiangah thakhatin a kilang hi. Tuate a tampi in tudong a nungta lai uh hi. Kimkhat a si zo uh hi.