Mattiu 28:20 - Tedim Bible

²⁰ Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Tedim Bible Revision 2017

²⁰ Tua ciangin note tungah kong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Mattiu 28:20 Iomraidhean Croise

Piancilna 39:21

Ahih hangin Topa in Josef ompihin ama' tungah itna kip lak a, thong kempa’ muhna-ah amah maipha pia hi.

1 KUMPI MASATE 1:36

Tua ciangin Jehoiada’ tapa Benaiah in dawngin, “Hi ta hen! Topa, ka to kumpipa’ Pasian in tua bangin kipsak ta hen.

1 KHANG TANGTHU MASATE 16:36

Israel Pasian, Topa in thupha ngah ta hen, a tawntung pan a tawntung dongin!” zong ci lai un, a ci hi. Tua ciangin mi khempeuh in, “Amen!” ci-in Topa phat uh hi.

Late 46:11

Mi honte’ Topa in ei tawh omkhawm a, Jakob' Pasian in eima belh ahi hi.

Late 46:7

Mi honte’ Topa ei tawh hong omkhawm a, Jakob’ Pasian in eima belh ahi hi.

Late 72:19

A minthang ama min in thupha ngah tawntung hen la, ama minthan’na in leitung khempeuh dim ta hen! Amen, Amen.

Paikhiatna 3:12

Amah in, “Nang tawh kong om taktak ding hi; hih in nangma adingin nangmah kong sawlna lim hi ding hi: nangmah in Izipt panin mihingte na paikhiatpih khit ciangin, nang in hih mual tungah Pasian’ na na sem ding hi,” ci hi.

Paikhiatna 8:27

Kote in ni thum paina gam lakah pai-in ama' hong thupiak ding bangin Topa ka Pasian uh tungah biakna ka va pia ding uh hi,” ci hi.

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

Jeremiah 26:2

“Topa in kong cih-inah, Topa’ biakinnpi huang sungah va ding in la, Topa’ biakinnpi sunga bia dinga hong pai Judah gam khuapite khempeuh kiangah gen ding a, kong sawl khempeuh va gen in. Kam khat beek im kei in.

Ezekiel 46:10

Gam uk ulianpa zong mihonte mah tawh lutin, amaute mah tawh pusuak khawm ding hi.

Mattiu 1:23

“En un, nungak khat gai ding a, Tapa a nei ding hi. Tua a tapa a min Emmanuel kici ding hi,” a ci hi. Emmanuel a khiatna in ‘Eite tawh Pasian hong omkhawm hi’ a cihnopna hi.

Mattiu 13:49

Tua mah bangin leitung a bei ciangin, vantungmite hong kumsuk ding uh a, mi siangthote lakah a gilo teng lakhia-in meiphual sungah a khul ding uh hi.

Mattiu 18:20

Bang hang hiam na cih uh leh, nih bang thum bang ka min tawh a kikhop uh ciangin, amau laizangah ka om hi,” ci-in Zeisu in a gen hi.

Mattiu 24:3

Tua lai takin Zeisu in, Oliv Mual tungah tu-a a om lai takin a nungzuite in a kiangah va pai sim uh a, “Tua thute in cikciang a hong piang ding hiam? Topa, nong kum ding ahi zongin, leitung bei ding ahi zongin, bang limin hong kihil ding cih hong hilh in,” ci-in a dong uh hi.

Mattiu 6:13

Kheemna hong thuaksak kei in. Gilopa kiang pan hong honkhia in,” ci-in tua bangin thu na ngen un,

Marka 16:20

Amaute paikhia uh a, mun khempeuh ah thu a hilh uh hi. Topa in amaute’ tungah nasem a, lim tawh amaute’ thu a kipsak hi. Amen.

Sawltak 2:42

Amaute in sawltakte’ thuhilhna a mang uh a, kipawl khawmna, khomun balnenna leh thungetna a bawl tawntung uh hi.

Sawltak 20:27

Bang hang hiam na cih uh leh, Pasian’ thu buppi note kiangah gen dingin ka pelh kei hi.

1 KORIN MASA 11:2

Note in na khempeuh sung pan kei nong ngaihsut uh a, ka hong piak bangin thu na zuih uh ciangin note ka hong phat hi.

1 KORIN MASA 11:23

Bang hang hiam na cih uh leh, note kiangah ka hong piak thu in Topa kianga ka ngahsa hi. Ka ngahna in: Topa Zeisu a galte’ khut sungah a kipiak ding nitakin khomun la a,

1 KORIN MASA 14:37

Mi khat peuhpeuh in kamsang mi ka hi hi ci-in ahi zongin, Kha Siangtho piaksa thupha a ngah mi ka hi hi ci-in ahi zongin, a ki-up leh note’ kiangah kong piak thute in Topa’ thupiakna ahi hi, ci-in mang ta hen.

Thu-hilhkikna 12:32

“Note kong thupiak khempeuh na hih ding uh na lim ngaihsut ding uh hi; na behlap kei ding uh a, zong na khiam kei ding uh hi.

Thu-hilhkikna 5:32

Tua ahih ciangin Topa na Pasian un note hong thupiak bangin na gamtat ding uh na kingaihsun ding uh hi; ama thu panin taklam hita leh vei lamah hita leh na pial kei ding uh hi.

Kolose 1:28

Khazih hangin mi khempeuh in kicin’na ngahin mi khempeuh tungah pia dingin, kote in mi khempeuh phawksakin pilna apawlpawl tawh tai-in, hilhin Khazih’ thu ka hilh uh hi.

2 TIMOTI NIHNA 4:17

Thuhilhna khempeuh ka hilh theih nading ahi zongin, Gentail mi khempeuh in a zak nadingun ahi zongin, Topa in kei lamah om a, keima tha hong dimsak a, humpinelkai’ kam sung pan hong honkhia hi.

Joshua 1:5

Na nuntak sung tawntung kuamah in na mai hong khak zo lo ding hi; Moses tawh ka om mah bangin nang tawh zong kong om ding hi; nang kong tamasak kei ding a, kong nusia kei ding hi.

2 PETER NIHNA 3:2

Note in a siangtho kamsangte in nidang lai-inah a gensa thute ahi zongin, note sawltakte tungah hong piak Topa leh Honpa’ thupiakna ahi zongin, na ngaihsut nadingun, hih laikhak nihna sungah note lungsim siangtho uh hong phawksakin ka hong hansuah hi.

Mangmuhna 1:18

Nidang lai-in ka sih ngei hangin tu-in en in, a tawntungin ka nungta a,! sihna leh sihna gam konghon’na ka nei hi.

Mangmuhna 22:14

“Nuntakna kung kiangah pai ding kilawm a, khuapi sungah khuapi kongpi pan tum theih nading thu ngah nadingin, amau puan uh a sawpsiang mite in thupha ngah mite ahi uh hi.