Mattiu 28:18 - Tedim Bible

¹⁸ Zeisu in amau kiangah va pai a, “Vantungah ahi zongin, leitungah ahi zongin, vangliatna khempeuh kei hong kipia zo hi.

Tedim Bible Revision 2017

¹⁸ Tua ciangin amaute mai ah Jesu hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

Mattiu 28:18 Iomraidhean Croise

Late 89:19

Hunlui lai-in na thuman mipa tungah mang sungah thu genin hih bangin na ci hi: A vanglian khatpa tungah lukhu ka koih zo a, mite lak panin a kitengkhia mi khat ka liansak zo hi.

Late 89:27

Keimah in amah pen tacil leh leitung kumpite lakah a sang penin ka bawl ding hi.

Paunak 8:15

Kumpite in a gam mite a uk nading, mi ukte in ngeina maan a zat theih nadingin ka huh hi.

Mattiu 11:27

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa leh Tapa in a theihsak nopte longal kuamah in Pa a thei kei hi.

Mattiu 16:28

Ke’n aman takpi kong cih-inah, Mihing Tapa, ama Gam sungah hong pai kik, hih san takah a ding mi kimkhat in a muh matengun a si kei ding uh hi,” ci-in a nungzuite kiangah a gen hi.

Mattiu 26:64

Zeisu in, “Nang gen bangin ka hi hi. Tua tham loin, ke’n kong cih-inah, tunung ciangin Mihing Tapa in Vanglian Pa’ ziat lamah tu a, meii tungah hong tuangsuk note in na mu ding uh hi,” a ci hi.

Luka 10:22

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa mahmah leh Tapa in a theihsak nopte longal kuamah in Pa a thei kei hi.” a ci hi.

Johan 13:3

Pa in na khempeuh ama khut tungah a apna thu ahi zongin, amah in Pasian kiang pan a hong paina thu ahi zongin, Pasian kiangah a paikik nading ahi zongin a theih ciangin,

Johan 17:2

Nang in Ta’ khut sungah na piaksate khempeuh, nuntak tawntungna a piak nadingin mi pawl khempeuh uk nading thu Ta na pia hi.

Johan 3:31

A tung pan hong kumpa in na khempeuh tungah a uk hi. Leitungah a hong piang mi in leitung mi hi a, leitung thu a gen hi. Vantung pan hong paipa in na khempeuh tungah a uk hi.

Johan 3:35

Pasian in a Tapa it a, na khempeuh ama khut sungah a pia zo hi.

Sawltak 10:36

Mi khempeuhte’ Topa ahi, Zeisu Khazih hangah thupha Lungdamna Thu kihilhin, Israel mite a vaikhak mah bangin,

Sawltak 2:36

Tua ahih ciangin note in singlamteh tungah na thah uh Zeisu pen Pasian in Topa leh Khazih a suaksak hi ci-in Israel mi khempeuh in a man takpi thei ta uh hen,” a ci hi.

ROM (Romans) 14:9

Khazih in misite leh mi nungtate’ Topa a suah nadingin sihna thuak a, a sih khit ciangin a hing kik hi.

1 KORIN MASA 15:27

“Na khempeuh ama khe nuai-ah a khia hi,” ci-in Lai Siangtho sungah a kigelh hi. Ahih hangin, “Na khempeuh a khia hi,” a cih ciangin na khempeuh Khazih’ nuai-ah a khiatsakpa Pasian a om lai hi cih a kilang hi.

Kolose 2:10

Ukna thu leh vangliatna thu a uk Topa sungah note in kicingin na om uh hi.

Hebru 2:8

Na khempeuh ama khe nuai-ah na koih zo hi,” ci-in teci a pang hi. Na khempeuh a koih zo hi a cih ciangin a koih loh a om lai khat beek a om kei hi. Tu hunin na khempeuh ama khe nuai-ah a koihna i mu nai kei hi.

1 PETER MASA 3:22

Tua Topa vantungah kahto a, Pasian’ ziat lamah a tu hi. Vantungmite akipan, a ukte leh vangliatnate in ama nuai-ah kikoihin a om hi.

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

Mangmuhna 17:14

Amaute in Tuuno tawh a kido uh ciangin Tuuno in amau a zo gawp ding hi. Bang hang hiam na cih uh leh, amah in topate’ Topa, kumpite’ Kumpipa ahi hi. Kiteelkhia, kisamin, thuman mi ahi Topa tawh a omkhawm mite in zong a zo gawp ding uh hi,” ci-in kei kiangah hong gen hi.

Mangmuhna 19:16

Ama puanza tung leh a phei tungah, “kumpite’ Kumpi, topate’ Topa” ci-in min a kigelh hi.